hósdagur 3. juni 2004síða 4

6 Nr. 103 - 3. juni 2004 Nr. 103 - 3. juni 2004 7 Verkhúsið við virkis- tilboðum til fólk við breki, sum Sørvágs Kommuna hevur bygt, er latið Serfor- sorgini, og brúkar- arnir kunnu nú fara til arbeiðis VIRKISTILBOÐ Edvard Joensen Sørvági: Enn eitt verkhús við virkistilboði til fólk við ymsum breki er latið upp. Sørvágs Kommuna hevur latið húsini gera, og Serfor- sorgin leigar so frá komm- ununi. Umframt dagtilboð eru eisini fimm pláss til umlætting í húsinum. Hetta húsið er tað sjeynda av slíkum slagi, sum Serfor- sorgin nú hevur. Týsdagin var samkoma í nýggjum snotiligu hølun- um í Sørvági. Talan er um eini eldri hús, sum eru umbygd og í ávísan mun eisini nýgjørd fyri umleið fýra milliónir krónur, sigur Eivin Jacobsen, borgar- stjóri í Sørvágs Kommunu. Eivin Jacobsen, borgar- stjóri, greiddi frá gongdini í málinum, frá byrjan til nú, hesi snotulgu hølini standa klár i Sørvági. Líknandi tilboð hevur síðan 1999 verið í Sørvági. Talan er um eitt tilboð, sum verið hevur í skúlanum, men sum nú mátti flytast, tí skúlin sjálvur hevur brúk fyri teimum hølunum, sum har eru. Tað var táverandi bygdar- ráðsformaðuriní Sørvagi, Petur Kruse, sum fekk hug- skotið, og var drívmegina aftan fyri, at tað varð gjørt til veruleika, segði Eivin Jacobsen. Hann setti sær fyri, at fáast skuldi ein virðilig loysn á hesum málinum, og tað málið, sum tá varð sett, er nú nátt. Eivin Jacobsen handaði síðan Hans Paula Strøm, landsstýrismanni í al- manna- og heilsumálum, lykilin til húsið. Hans Pauli Støm, lands- stýrismaður, takkaði Sør- vágs Kommunu fyri ak- tivan og ábyrgdarfullan leiklut í heusm málinum. Hann fegnaðist um til- boðið, sum bøtir um tøvin og hjálpir upp á manglar, sum hann tók til. Eisini var hann hugtikin av tí, fingið er burtur úr hesum hugna- ligu húsunum. Men hann ætlaði sær ikki at hava lykilin leingi, segði hann og lat hann víðari til Bjarna Clementsen, leiðara á Serstovnadeildini. Bjarni Clementsen fegn- aðist eisini um úrslitið. Eisini hann takkaði Sør- vágs Kommunu fyri at hava tikið hetta stigið og fullført tað. Hann segði, at hesi fimm árini, síðan byrjað varð í Sørvágs Skúla, hevði dúg- liga verið leitað eftir hósk- andi hølum at vera í. Men einki var funnið, sum kundi metast nøktandi. Hann helt ikki, at tað var nakar í Vág- um, sum kendi so nógvar kjallarar og so nógv neyst sum hann. Hann vísti á, at talan er um tilboð til alla oynna og væntaði, at nú umstøðurnar eru so góðar, fara fleiri at gera brúk av tilboðunum enn higartil, tá talan hevur verið um hálvdagstilboð í skúlanum. Eisini vísti hann á, at eitt av rúmunum er innrættað soleiðis, at tað kann nýtast til handil ella café, har til ber at selja tað, sum gjørt verður á verkstaðnum ði húsinum. Eisini Bjarni Clementsen vildi sleppa skjótt av við lykilin og lat hann víðari til Súsan Tavsen, leiðara í húsinum. Nýtt verkhús í Sørvági Tryggingarfelagið Føroyar hevur flutt deild sína í Vágum úr Miðvági til Sandavágs TRYGGING Edvard Joensen edvard@sosialurin.fo Sandavági: Virksemi er nú aftur í bygninginum, sum Føroya Sparikassi átti og helt til í í Sandavági. Tryggingarfelagið Føroyar hevur keypt hann og er flutt inn við deildini í Vágum. Trý fólk starvast á deildini. Fríggjadagin fyri hvítu- sunnu var samkoma í nýggju tryggingarhølunum í Sandavági. Mortan Poulsen, stjóri á Tryggingarfelagnum Før- oyum, helt røðu, har hann greiddi frá, at felagið eina tíð hevði leitað eftir betri egnaðum hølum enn teim- um, felagið hevur hildið til í í Miðvági. Funnið varð fram til hesi hølini í Sandavági, sum Føroya Sparikassi átti. Gjørt varð av at keypa húsini og flyta skrivstovuna úr Miðvági til Sandavágs. – Tryggingarfelagið hev- ur nú funnið høli, sum eru væl egnað til endamálið, segði Mortan Poulsen, og vísti á, at hetta var grundin til, at flutt varð júst til Sandavágs. – Tað kundi tað sama verið hvar sum helst aðra- staðni í oynni, segði hann. Í samband við, at trygg- ingin hevur latið upp í egnum hølum, varð eisini gjørt av at lata eina gávu til eitthvørt endamál, ið hevði við oynna alla at gera. Gjørt varð av, at lata Vága Dansifelag eina pen- ingagávu, sum brúkast skal í samband við umvæling av felagshúsunum hjá Dansi- felagnum, Beitishúsunum í Miðvági. Formaðurin í Vága Dansifelag tók móti gáv- uni, sum var ein kekkur áljóðandi 20.000,- krónur, og segði í takkarrøðu síni, at peningurin fór at verða nýttur til at leggja nýtt tak á húsini. Eisini til børnini var okk- urt hendan dagin, trygg- ingin flutti til Sandavágs. Á økinum uttan fyri bygningin var undirhald við klovnum og búktalar- um, sum børnini í dagstov- nunum í Vágum stuttleik- aðu sær óført saman við. Eisini fingu tey ballónir og okkurt drekkandi sum minni um hesa vitjan í Sandavági. Trygging í nýggjum hølum Børnini úr dagstvnunum í Vágum fingu ballónir fáa Trygingarfelagnum, tá tey komu at heilsa upp á klovnar og búktalarar í Sandavági fríggjadagin fyr hvítusunnu Mynd: Jens Kristian Vang Rannvá og Rúna vóru sjálvsagt millum tey mongu, sum komin vóru til móttøkuna í Sørvági týsdagin Mynd: Edvard Joensen Bjarni Clementsen, leiðari á Serstovnadeildini, hevur júst handað Súsan Tavsen, leiðara í verkhúsinum i Sørvági, lykilin Mynd: Edvard Joensen Hans Pauli Strøm, landstýrismaður, lurtar eftir, hvat borgarstjórin í Sørvági hevur at fortelja Mynd: Edvard Joensen Løgmaður, Jóannes Eidesgaard, sigur, at samstarvið millum oyggjasamfeløgini fyri sunnan, Hetland, Orknoyggjar og Suð- uroyggjar, kann geva føroyingum størri ávirkan í ES, tá laksa- útflutningur verður umrøddur í Brússel SAMSTARV FYRI SUNNAN Páll Holm Johannesen pall@sosialurin.fo – Hesar oyggjarnar hava havt somu trupulleikar í ali- vinnuni við ILA, sum vit hava í dag. Vit kunnu ogna okkum virðismikla vitan um, hvussu vit koma trup- ulleikunum í alivinnuni til lívs við einum mennandi samstarvi við hesar oyggj- ar, sigur løgmaður Jóannes Eidesgaard. Alivinnan er eitt av sam- starvsøkjunum, ið politisku leiðararnir úr Hetlandi, Suðuroyggjum, Orknoyggj- um og Føroyum hava avrátt at samstarva um. Síðan sunnudagin hava teir tríggir politisku leiðararnir í oyggjasamfeløgunum fyri sunnan vitjað Føroyar. Partarnir hava undirskrivað eina felagslýsing um, at bondini millum oyggjasam- feløgini skulu styrkast. Teir fýra leiðararnir fyri oyggjasamfeløgini hava av- rátt, at samstarvast skal um økini, fiskatilfeingi og um- siting, havbúnaður, oljuleit- ing og framleiðsla, undir- støðukervi, mentan og ítrótt og varandi orku. Ávirka ES Á tíðindafundið seinnapart- in týsdagin greiddi løgmað- ur frá, at eitt samstarv við oyggjasamfeløgini fyri sunnan kann hjálpa føroy- ingum at fáa størri ávirkan í ES, tá laksaútflutningur verður umrøddur í Brússel. Øll trý oyggjasamfeløg- ini fyri sunnan eru limir í E v r o p a s a m v e l d i n u m ígjøgnum Stóra Bretland. Undirstøðukervið Sandy Cluness úr Hetlandi, Alex Macdonald úr Suður- oyggjum og Stephan Hagan greiddu frá, at teir síggja stórar samstarvsmøguleikar innan flutning. Allir triggir róstu før- oyska undirstøðukervinum, har Norrøna fleiri ferðir varð havd á lofti sum ein frálíkur møguleiki fyri flutningi millum londini. Ráðformaðurin í Orkn- oyggjum sýndi eisini stóran áhuga í undirsjóartunnlin- um í Vágum, og segði seg vilja kanna tunnilsverkætl- anirnar í Føroyum gjøllari. Hittast komandi ár Umboðini fyri Hetland, Suðuroyggjar, Orknoyggjar og Føroyar hava avrátt at hittast aftur komandi ár til at halda á við at menna samstarvið millum oyggja- samfeløgini. Løgmaður, Jóannes Eid- esgaard segði á tíðinda- fundinum, at samgongan raðfesti samstarvið millum oyggjasamfeløgini høgt, og samgongan fór at streingja á fyri at styrka enn meir um samstarvið. Fundurin komandi ár verður hildin á Suður- oyggjum. Samstarvið styrkast Politiskur leiðararnir úr Het- landi, Suðuroyggum, Føroy- um og Orknoyggjum ynskja at menna samstarvið millum oyggjasamfeløgini Mynd: Jens Kristian Vang Føroya Tele sendir 30 fólk til hús Versnandi útlit og fallandi inntøkur er orsøkin til, at leiðslan í Føroya Tele hevur gjørt av at senda 30 fólk til hús. Andras Róin kann ikki við vissu siga, um fleiri fólk verða send heim. 30 FÓLK TIL HÚS Páll Holm Johannesen pall@sosialurin.fo Tann barski búskaparligi veruleikin er við at seta síni spor í føroyska samfelagið. Í januar mánaði í ár vórðu sekstan fólk uppsøgd á Før- oya Sparikassa, og nú stendur ein onnur stór fyri- tøka fyri tørni. Føroya Tele sendi miku- morgunin tíðindaskriv um, at 30 fólk eru send til hús. Grundgevingin er, at út- litini ikki eru eins góð og áður fyri kjarnuvinnurnar hjá Føroya Tele. Stjórin í Føroya Tele, Andras Róin, sigur, at bæði inntøkurnar av privatum og vinnuligum kundum er nógv lækkað. Leiðslan á stovninum heldur tað er neyðugt at taka avleiðingarnar av hes- um í tøkum tíma. Mist 20 % Andras Róin greiðir frá, at Føroya Tele hevur mist 20% av samlaða føroyska marknaðinum. Økta kapp- ingin á fjarðskiftismarkn- aðinum og versnandi bú- skaparútlitini er høvuðs- orsøkin. – Vit kenna okkum noydd at fremja hesar tillagingar. Starvsfólkini bera góðan helmingin av samlaða rakstrarútreiðslunum hjá Føroya Tele, og tí hava vit valt at spara á starvsfólka- økinum. Vit síggja eisini stórar møguleikar við nýggja húsinum fyri effekt- iviseringum og rationalis- eringum á stovninum, og hesin partur er eisini við í avgerðini, sigur Andras Róin. Stjórin á Føroya Tele for- telur, at skerjingin í starvs- fólkatalinum rakar breitt. Talan er bæði um starvsfólk í miðstaðarøkinum og uttan fyri miðstaðarøkið. – Uppsøgdu fólkini er bæði høg og lá. Talan er bæði um limir í starvs- mannafelagnum og arbeið- arafeløgunum, eins og akademikarar, sigur Andras Róin. Í dag arbeiða góð 260 fólk á Føroya Tele, og upp- sagnirnar hava við sær, at starvsfólkatalið á stovnin- um lækkar við góðum 10% í næstum 47 mió. kr í avlopi Føroya Tele hevði eitt rakst- aravlop á 47 mió. krónur í fjør. Leiðslan hevur kortini avgjørt at siga 30 fólk úr starvi longu í juni 2004. Hvussu hongur tað saman? Tølini fyri fyrsta árs- fjórðing í ár vísa eina stóra afturgongd sammett við somu mánaðir í fjør. Inn- tøkurnar eru lækkaðar við eini helvt, og fyri at fyri- byrgja, at støðan gerst verri, hava vit tikið hetta stigið. Hetta er sjálvssagt ómetaliga harmiligt, greiðir Andras Róin frá. Hann leggur afturat, at skerjingin í starvsfólkatal- inum fær ikki veruliga ávirkan fyrr enn í 2005, tí flestu starvsfólkini hava eina uppsagnarfreist á eitt hálvt ár. Óvist Spurdur, um fleiri starvs- fólk á Føroya Tele kunna vænta at fáa eina uppsøgn við postinum komandi mánaðirnar, svarar Andras Róin, at tað er ógvuliga ilt at meta um. – Vit vita ikki hvussu búskaparstøðan kemur at verða. Heldur verandi støða fram, kunnu vit ikki lova, at fleiri fólk ikki verða send heim, tí vit eru noyddir til at gera tær tillagingar, ið einaferð eru neyðugar. Men sum sagt, alt er rættiliga óvist, fortelur Andras Róin. Føroya Tele ætlar at veita uppsøgdu starvsfólkunum hjálp. Leiðslan á stovnun- um fer seta í samband við fakfeløgini, og kanna møg- uleikarnar fyri skeiðum og víðari- og eftirútbúgving til uppsøgdu starvsfólkini. – Uppsøgdu fólkini er bæði høg og lá. Talan er bæði um limir í starvsmannafelagnum og arbeiðarafeløgunum, eins og akademikarar, sigur Andras Róin C M Y K 7 6