týsdagur 28. januar 2014síða 14

Mikudagur 29. januar 2014 · Nr. 12 14 Sosialurin Hugskot og viðmerkingar – send sms til 225000 tíðindi Eigarin beste – Tann, sum eigur felagið, tekur eisini avgerðirnar. So einfalt er tað, sigur landsstýrismaðurin í vinnumálum. Johan Dahl váttar, at hann tók um endan og stýrdi nevndarvalinum, soleiðis at Niels Mortensen bleiv nevndarformaður í Atlantsflog, heldur enn Bergur Poulsen Jón Brian Hvidtfeldt Fyrsta royndin við einari ”professionellari” tilgongd at velja nevndina í Atlantsflog miseydnaðist. Tað staðfestir Johan Dahl, sum er alt annað enn nøgdur við arbeiðið hjá setanarbólkinum, sum skuldi peika á nýggjan nevnd­ar­for­ mann. Aðalfundurin í 2012 sam­ tykti einmælt, at setast skuldi ein nevnd mannað við formanninum og tveim­ um nevndarlimum at fyri­reika útnevningar av nevnd­arlimum og formanni í fe­lagnum. Hetta er vanlig sið­venja í børsskrásettum parta­feløgum. – Tað má vera eitt minsta­ mark, at setanar­nevndin ger sítt arbeiði í samráð við høvuðspartaeigaran, sigur Johan Dahl. Landsstýrismaðurin í vinnumálum umboðar 67 pro­sent av partapeninginum í Atlantsflog. – Men Vinnumálaráðið fekk einki at vita um inn­ still­ingina fyrr enn á fundi 18. februar, tá bólkurin kom við einum tilmæli um at velja Bergur Poulsen til nýggjan nevndarformann, sigur Jo­ han Dahl. Tann innstillingin fall ikki í góða jørð hjá lands­stýris­ manninum. – Nei, eg bað setanar­ nevnd­ina fara heim, gera sítt arbeiðið umaftur og taka tann persónin við í innstillingina, sum Vinnumálaráðið sum høvuðspartaeigari vil hava, sigur Johan Dahl. Persónurin, sum lands­ stýrismaðurin sipar til, er Niels Mortensen. – Niels Mortensen er ein dugnaligur persónur. Hann hevur eina handilsliga útbúgving, hevur víst góðan keypmansskap og hann hevur handlingskraft til at fremja møguligar broytingar. Eg metti hann vera rætta persónin at standa á odda fyri nevndini í Atlantsflog, sigur Johan Dahl. Landsstýrismaðurin vátt­ ar, at hann persónliga spurdi Niels Mortensen, um hann kundi vera nevndarformaður í Atlantsflog. Tí kom tað tvørt fyri, tá setanarbólkurin peikaði á Bergur Poulsen. – Eg helt tað vera langt úti, at setanarnevndin kontaktar ein persón og meira ella minni gevur honum ta fat­ an, at hann skal vera nýggj­ ur nevndarformaður í At­lantsflog, uttan at set­an­ ar­nevndin hevur tosað við høvuðspartaeigaran framm­ an­undan, sigur Johan Dahl. Tað gjørdi ikki støðuna betri, tá landsstýrismaðurin frætti um ætlanina at velja Bergur Poulsen til nevnd­ arformann frá táverandi stjór­anum í felagnum. – Tað er ørkymlandi fyri meg sum landsstýrismann, at táverandi stjórin í Atlantsflog, Magni Arge, longu 6. februar kundi upplýsa fyri mínum aðalstjóra, at Bergur Poulsen skuldi gerast nýggjur nevnd­ arformaður. Tá hevði eg sum høvuðspartaeigari einki fing­ið at vita um nakra inn­ still­ing, sigur Johan Dahl og heldur fram: – Eg haldi tað vera ótrúliga langt úti at mín aðalstjóri skal fáa at vita frá nú fyrr­ verandi stjóranum, hvør ætl­andi skal vera nýggjur nevndarformaður. Stjórin hevur absolutt einki við hetta at gera, og tað gjørdi eg eis­ini setanarbólkin varugan við á fundi 18. februar, sigur Johan Dahl avgjørdur. Sambandið Tað er tó serliga tætta sam­ bandið millum Magna Arge og Bergur Poulsen, sum leyp­ ur í eyguni á Johan Dahl. – Tað, sum eg metti hava týdning í tí samanhanginum er, at Magni Arge og Bergur Poulsen sótu í nevnd saman í Føroya Arbeiðsgevarafelag. Tá teir báðir sita í nevnd saman og annars eru rímiliga væl, so metti eg tað ikki vera heppið at annar bleiv nevndarformaður í einum felag, har hin varð forstjóri, sigur Johan Dahl og heldur fram: – Eg helt at tað kundi skapa okkum trupulleikar í felagnum, snøgt sagt tí Magni Arge og Bergur Poulsen kennast ov væl, sigur Johan Dahl, sum samstundis gevur greitt til kennar, at eftir hans­ara tykki var Niels Mort­ensen rætti maðurin til nevnd­arformanssessin. Niels valdur Sambært Johan Dahl var tað í samráð við aðalstjóran í Vinnumálaráðnum, at hann sum høvuðspartaeigari í At­ lantsflog fór eftir Niels Mort­ ensen. – Setanarnevndin gjørdi ikki sína innstilling í samráð við høvuðspartaeigaran, og harvið gjørdi hon ikki sítt arbeiði. Vit í Vinnu­mála­ráð­ num gjørdu hinvegin okk­ ara arbeiði og kannaðu og mettu um persónin Niels Mort­ensen, ið eg síðani ringdi til fyri at biðja hann til uppgávuna. Tá Niels Mort­ ensen játtaði at átaka sær uppgávuna, var hann okk­ ara boð uppá ein nýggjan nevnd­arformann, sigur Johan Dahl. Hóast hesa útsøgn held­ur landsstýrismaðurin í vinnu­ málum ikki, at hann harvið tók arbeiðið út hondini á setanarnevndini, ið annars varð sett til júst at gera eina innstilling. – Nei, tað geri eg ikki, tí tað stendur púra greitt í leiðreglunum, at høvuðs­ parta­eigarin skal koma við síni innstilling. Og tað stendur somuleiðis í leiðreglunum, at setanarnevndin skal gera sítt arbeiði í tøttum samstarvi við høvuðspartaeigaran. Tað gjørdi nevndin als ikki. Tvørturímóti gloymdi nevnd­in landsstýrismannin og ringdi enntá til tann,