hósdagur 30. januar 2014síða 11

11 Fríggjadagur 31. januar 2014 · Nr. 13 Sosialurin Hugskot og viðmerkingar – send sms til 225000 Ingolf S. Olsen Fuglafjørður skal endur­ reisast sum høvuðsstaðurin fyri føroysku upp­sjóv­ar­ vinnu­na á landi. Tað er dreymurin og aðal­málið hjá Sigurði S. Simon­sen, býráðslimi og fyrr­verandi borgarstjóra í Fugla­firði, sum hevur tikið stig til at byggja eitt nýtt virki at virka uppsjóvarfisk til matna. - Tað er nú, tað skal vera, tí tað er ríkiligt av uppsjóvarfiski til trý virki, og eg meti útlitini fyri fram­tíðina vera góð. Í fjør tóku virkini á Tvøroyri og í Kollafirði móti til samans 200.000 tonsum og Havsbrún móti 140.000 tons­um av uppsjóvarfiski. Í ár eru útlit fyri, at samlaða upp­sjó­varkvotan hjá Føroy­ um verður ein hálv millión tons. Gaman í fer eitt sindur burt­ur av, sum vit lata í býti við onnur lond, men kortini eru nøgdirnar øgiligar, sum verða eftir til okkum sjálvi. - Og tá skal havast í huga, at verandi virkir og tað, sum vit hava í umbúna, klára seg við 50.000 – 60.000 tonsum í part um árið við verandi prís­um, sigur Sigurð S. Simon­sen. Gomul ætlan Tað er í veruleikanum ein gomul ætlan, sum hann nú hevur tikið fram aftur. Longu fyrst í 1990-árunum ætlaði Andre­ as Lava Olsen sáli, táverandi stjórin á Havs­brún, at bygg­ ja eitt uppsjóvarvirki við síðu­na av verksmiðjuni at fram­leiða til matna. Tunlar til frysti­goymslu vóru longu gjørdir tá, og hann var kom­ in so langt við ætlan­unu­m, at avgerð eisini var tikin um plaseringina av virkinum, so hon kom at sampakka við tunlarnar. - Eggið bleiv til unga, tí eitt pilotprosjekt, Pelagos, ið var eitt lítið virki, sum bleiv bygt tá. Men so kom kreppan, og Havsbrún fekk ikki fígging til sjálva verk­ ætlanina at byggja eitt full­ fíggjað uppsjóvarvirki til matvøruframleiðslu. Sum tískil varð slept, og Pelagos lat eisini aftur, greiðir Sigurð S. Simonsen frá. Drívmegin hjá honum at fara undir royndina at fremja gomlu ætlanina í verki er idealisma og alskur til heimbygdina. - Sjálvur verði eg millum teir heilt smáu íleggjararnar, og eg vænti mær ikki nakr­ an stóran persónligan vinn­ ing av hesum. Men eg eri áhugaður í at fjálga um vinnu­lívið í økinum og eri góð­ur við Fuglafjørð, sigur Sigurð S. Simonsen. Pelagiskur miðdepil Hann heldur tað vera náttúrligt, at Fuglafjørður verður vertur fyri einum upp­sjóvarvirki, tí einasta verk­smiðjan, sum tekur ímóti uppsjóvarfiski, eisini ligg­ur har. - Fuglafjørður hevur hesi seinastu 48 árini, síða­ ni Havsbrún kom, verið tann pelagiski miðdepilin í Føroyum. Tann vinnan hev­ ur givið lív til fleiri aðrar fyritøkur og virksemi í fyri­ tøk­um, sum vóru her fram­ man­undan. So fyri Fugla­ fjørð og alt økið her hev­ur Havsbrún verið høvuðs­lív­ æðr­in, sigur hann. Sigurð S. Simonsen vísir á, at serliga við svart­ kjaftinum liggja Føroyar sera væl fyri at kappast um rá­vøru­na. - Norðmenn, til dømis, fiska 95 prosent av teirra svart­kjafti aðra staðir enn í norskum sjógvi. Tað mesta verður fiskað í ES- sjógvi, vestan fyri Ír­land og Sankt Kilda og á Hatt­ on Bank. Haðani er ov langt at sigla til Noregs at landa til matna, men tað er lagamanni at sigla til Før­ oya. Um vit bera okkum rætt at, kunnu vit fara frá onki virki at hava og nærum bara liggja í vegin, áðrenn makrel­stríðið tók seg upp, til at verða ein miðdepil fyri pelagiskum matfiski í Norð­ ur­atlantshavi, sigur Sigurð S. Simonsen. Hann sær eisini fyri sær, at eitt triðja virki fer at skapa eina positiva effekt fyri alla vinnuna heldur enn oyði­legg­jandi kapping. - Tá spíssbelastningurin er í makrel- og sildavertíðini klára tey bæði virkini, sum nú eru, ikki at arbeiða und­an, so lutfalsliga nógv endar á Havsbrún. Við trimum virkjum fer upp aftur størri partur av uppsjóvarfiskinum til mat­ na, har virðisøkingin er størst. av uppsjóvarvirki Fyrr í mánaðinum hevði Sosialurin tema um uppsjóvarvinnuna. Vit prenta her eina stytta útgávu av samrøðu við Sigurð S. Simonsen Idealisma og alskur til Fuglafjørð er drívmegin Uppsjóvarvirkið í Fuglafirði er ein meira enn 20 ára gomul ætlan, sum Sigurð S. Simonsen nú hevur tikið stiga at fremja í verki. Hann heldur ríkiligt rúm vera fyri trimum uppsjóvarvirkjum í Føroyum - Fuglafjørður skal endurreisast sum høvuðsstaðurin fyri uppsjóvarvinnuni á landi, sigur Sigurð S. Simonsen býráðslimur og fyrrverandi borgarstjóri Nýggja uppsjóvarvirkið verður sunnast á havnalagnum í Fuglafirði, beint við frystigoymslurnar hjá Bergfrost og virkið hjá Havsbrún