hósdagur 30. januar 2014síða 49

17 Vinnublaðið hjá Miðlahúsinum nr. 1 I 31. januar 2014 erfyri bórust tey tíðindi, at 44 ára gamli føroyski felagsstjórin í stóra alisamtakinum, Marine Harvest Norway, Ragnar Joensen, fór at leggja frá sær og fara í annað starv í sam­takinum. Samstundis skuldi umsitingin av norska partinum av Marine Harvest leggjast niður, so tær stóru deildirnar í Norra fram­eftir skuldu vísa beinleiðis til leiðsluna í samtakinum, og hereftir skal hann hava ábyrgdina av menning og nýskapan av alitøkni hjá Marine Harvest kring allan heim. – Eg havi fingið í boði at standa á odda fyri nøkrum av alifeløgunum hjá Marine Harvest, men nú henda broyting verður framd, havi eg betur hug at skifta til eitt starv, har eg kann verða meira í Føroyum. Í tí liggur, at eg fegin vil vera meira saman við familjuni, nú eg í skjótt trý ár havi verið burturi heimanífrá yvir 250 samdøgur um árið, segði Ragnar Joensen, sum fegnaðist um, at hetta sampakkaði væl við nýggju av­ bjóðingar hansara í samtakinum. Nú vit henda dagin hittu hann í einum fundarhøli hjá Marine Harvest á Bryggju­ bakka í Havn, greiddi hann meira gjølla frá, at samveran við familjuna hevði nógv at siga, nú hann fór úr einum av hægstu størvum í norsku alivinnuni. – Tá eg á vári í 2011 fekk møguleikan í Marine Harvest Norway, passaði tað mær øgiliga væl, og meiningin var eisini, at øll fam­iljan skuldi flyta til Norra og falla til har. Men ikki gekk eftir ætlan, tí døturnar høvdu ikki sama hug til vera í Norra sum konan og eg, so vit máttu venda heimaftur, greiðir hann frá, meðan hann av og á fær sær burtur av temunninum, hann hevur framman fyri sær. – Síðani havi eg pendlað aftur og fram, og hóast hetta er nakað, sjómenn eru vanir við, havi eg viðhvørt kent tað nokk so tungt. Og sjálvt um eg saktans kundi blivið við at gjørt tað, so vildi eg heldur vera í Føroyum, tá eg nú fekk møguleikan at velja, hvat eg skuldi gera víðari. Náttúrligur áhugi Ragnar Joensen er føddur í Havn, og bæði foreldrini eru meira ella minni eisini vaksin upp í Havn. Hann er giftur við Beintu Hoydal Joensen, og eiga tey døturnar Bjørt, Rebekku og Sigvør, sum eru ávikavist 15, 12 og átta ára gamlar. Tey búgva í Hoyvík. – Eftir fólkaskúlan fór eg í Hoydalar, og eftir lokið studentsprógv arbeiddi eg í eitt ár, áðrenn eg fór til Århus at lesa bio­tøkni á universitetinum har. At tað bleiv bio­ tøkni, fall mær náttúrligt, tí eg havi altíð havt áhuga fyri náttúrufakum, tølum og sovorðnum, og hetta vóru fakini, mær dámdi best í skúlanum. Hinvegin skal eg viðganga, at tað ikki lá í kortunum hjá mær, at eg skuldi arbeiða við fiski og aling, sum eg nú havi gjørt í 17 ár, greiðir Ragnar frá. – Eg tók bachelor og skuldi halda fram við tí, men var samstundis í iva, um hetta var nakað, eg kundi taka við mær og fáa eitt arbeiðslív burturúr í Føroyum. Hugurin var ikki ordiliga til tað, tí tað snúði seg meira um ser­vitan, at læra seg dna og sovorðið, men eg hevði størri hug til praktiska vitan. Ein møguleiki var tá at fara yvir til Norra at taka ein yvirbygning har, men Ragnar valdi heldur at fara til Ålborg. Tað var eis­ ini innan biotøkni, men har kundi hann spesialisera seg innan aling og fiskivinnu, og tað bleiv so verkfrøði í staðin fyri master, sum ætlanin annars hevði verið áðrenn. – Eftir lokna útbúgving skuldi eg út at finna mær eitt arbeiði, og byrjaði so hjá eini danskari fyritøku, ið gjørdi alistøðir á landi. Har arbeiddi eg nokk so nógv við nýggjari tøkni til endurnýtslu av vatni, sigur Ragnar. – Hóast alivinnan enn er so mikið nýggj, at vit eru komin øgiliga stutt enn, um eitt nú verður samanborið við landbúnað, er hetta samstundis ein øgiliga skjótt vaksandi vinna. Eg síggi fyri mær, at alivinnan kann fleirfaldast, tí kring allan heim bara veksur eftirspurningurin, sigur Ragnar Joensen, sum eftir skjótt trý ár sum stjóri fyri alingini hjá Marine Harvest í Norra nú skal hava ábyrgdina av menning og nýskapan av alitøkni í samtakinum Hilmar Jan Hansen Myndir: Álvur Haraldsen Alivinnan kann fleir- faldast ...framhald á síðu 12