týsdagur 4. februar 2014síða 30

Mikudagur 5. februar 2014 · Nr. 15 30 Sosialurin Hugskot og viðmerkingar – send sms til 225000 ítróttur hondbóltur Pætur Albinus Lítil ivi mundi vera um, at VÍF hevði bestu kortini í hondini undan seinnu hálvfinaluni mánakvøldið. Ikki einans høvdu tær vunnið sær lítlan mál­mun í fyrra dystinum, eitt einsamalt mál umvegis 21-20-sigurin í Havn, men vóru tær nú eisini á heima­ borg í Vestmanna. Viljin at sleppa í steypa­ finaluna var tó risastórur hjá báðum pørtum, so í roynd og veru kundi alt henda hetta mána­kvøldið í Vest­manna, har eisini hópurin av fjepp­ arum úr Havnini var komin saman at fylla høllina saman við trúgvu og hondbóltsglaðu vest­menningunum. VÍF, síðani Kyndil VÍF fekk bestu byrjanina og kom skjótt á odda 3-1, men Kyndil fekk síðani av álvara fatur á VÍF, serliga í verju­ part­inum, og VÍF-legan var týðiliga misnøgd við ymiskar døm­ingar. Hesa løtuna hug­ savn­aðu tær seg ikki nóg mikið um spælið, og við eitt var støðan 3-4 til Kyndil. Serliga var tað Simona Petersen, sum fekk fríar teymar og langaði fleiri bóltar í málið. Heimaliðið fekk mið­skeið­ is í fyrra hálvleiki mót­álop­ini at rigga, og ta løtuna megn­ aðu tær eisini at koma á odda við einum máli áðrenn Kyndil aftur fótaði sær og kom á odda. Gerster sló til Útvísingar og ivasamt verju­ spæl kostaðu dýrt hjá VÍF í fyrra hálvleiki, og tíggju min­uttir undan hálv­leiks­ steðg­inum bað VÍF-venjarin, Henrik Gerster, um time-out. Komnar inn aftur á vøllin sást, at tær nú vóru farnar at mans­verja stórskjúttan, Simonu Petersen, men hetta riggaði bara eina løtu, áðr­enn Anna A. Brimnes avloysti á vinstra bakki og var full­ góður avloysari við fleiri ferð­miklum skotum, eins og hetta gav rúm til tær ungu og tekn­iskt sterkaru leikarar­nar. Á hesum økinum var lætt­ beinta Anna Sofía Hjalt Mohr ein brandur á vinstra vongi við fleiri góðum málum. Ein VÍF-útvísing aftur­at stutt undan hálvleiks­steðg­ inum førdi við sær, at Kyndil fekk enn størri rásarúm og fekk økt til hálvleiksstøðun, sum gjørdist 11-14 til Kyndil. Aftur og fram Í seinna hálvleiki var tað leingi Kyndil, sum megnaði at varð­veita trímáls-leiðsluna. Hvørja ferð VÍF fekk mál, so svar­aðu tær grønu aftur. So­ leiðis var gongdin fram til 44 min­uttir vóru leiktir, tá ið VÍF minkaði niður í eitt mál á muni, sum hevði við sær, at tað stóð á púra jøvnum í saml­aðu støðuni. Tað var sum vera man Liljan Djurhuus hjá VÍF, sum gekk undan, og skeyt hon hópin av málum. Eisini Durita Christophersen fekk nøk­ur mál frá høgra vongi. Tað vóru tær báðar, sum av álvara løgdu Kyndil aftur um seg, og tá ið tað restaðu fimm minuttir og VÍF hevði 24-21-leiðslu, mundi fáur gruna, at Kyndil fór at megna at koma afturíaftur. VÍF byrjaði hesa mest av­ ger­andi løtuna at misnýta málmøguleikar sínar, meðan Kyndil fór við fullari ferð mót­satta veg og skoraði hvørt einasta álop. Dramatiskur endi Tað, at Kyndil hevði fingið nýtt lív í vónina og ikki minst hevði trúnnað upp á tað, gjørdi, at tær fingu nýtt flog, sam­stundis sum tær í VÍF tóktust skelkaðar. Tá ið ein minuttur restaði í var støðan 25-25 og VÍF hevði álop. Leingi gekk spælið og at enda vórðu tær noyddar at skjóta útifrá, og hetta skotið fór væl upp um málið. Kyndil fekk tískil seinasta álopið í dystinum, og tað vísti seg, at tær fingu brotskast tá ið bara eitt sekund var eftir. Jórun Ludvig var ávegis ígjøgn­um verjuna og til skot, tá ið hon varð steðgað, men tey í Vestmanna vóru mis­nøgd við brotskastið og mettu, at VÍF-verjan ikki dekk­aði innanfyri. Brotskastið, sum var tað 10. hjá Kyndli í dystinum, setti Simona Petersen trygt í net­ið til endaliga úrslitið, sum harvið gjørdist 26-25 til Kyndil. Í somu løtu tusti ein hópur av grønum fjepparum inn á vøllin, samstundis sum tær gulu tóku seg um høvdið og VÍF-venjarin, Henrik Gerster, var frá sær sjálv­um og fór beinleiðis til dóm­arar­ nar at vísa ónøgd. Við einum rimmar come­back og samlaðum 46-46-javn­leiki, men fleiri úti­vallar­málum, tryggjaðu kvinn­ur­nar hjá Kyndli sær harvið pláss í steypafinaluni, har tær hitta grannarnar úr Neist­anum. albinus@sosialurin.fo 1. hálvfinala Kyndil - VÍF 20-21 (9-11) Kyndil: Anja Heinadóttir 7, Simona Petersen 6, Anna A. Brimnes 3, Bjarta O. Johansen 2, Guðrið Eystberg 1, Ásleyg Súnadóttir 1 VÍF: Liljan Djurhuus 7, Tóra Seloy 5, Agnas Olsen 2, Durita Ljósstein 2, Durita Christophersen 2, Rakul Joensen 2, Eilin Súsanna Hansen 1 2. hálvfinala VÍF - Kyndil 25-26 (11-14) VÍF: Liljan Djurhuus 11, Durita Christophersen 4, Durita Ljósstein 4, Agnas Olsen 3, Tóra Seloy 2, Daniella Joensen 1 Kyndil: Simona Petersen 10, Anna A. Brimnes 7, Anna Sofía H. Mohr 5, Bjarta O. Johansen 2, Jórun Ludvig 2 Kyndil í finaluni eftir ótrúligan endaspurt Flest øll mundu halda tað vera avgjørt, tá ið VÍF við fáum minuttum eftir av seinnu hálvfinaluni førdi við samanlagt fýra málum ímóti Kyndli, men soleiðis var ikki. Við frálíkum endaspurti og einum máli í allar seinasta sekundi verður tað Kyndil, sum verður mótstøðuliðið hjá Neistanum í steypafinaluni næsta leygardag Simona Petersen, sum gjørd­ist toppskjútti hjá Kyndli við 10 málum, helt eftir dystin, at tað var um­ ráð­andi, at tær ikki mistu vón­ina hóast tað sá svart út. – Eg haldi, at viljin hjá okkum at vinna, og tað, at vit ikki missa vónina, var avgerandi. Kanska VÍF-gentur­nar, ið annars spældu ein góðan dyst, ikki vóru nóg kaldar síðstu min­ uttirnar, segði Simona. Tað var somuleiðis hon, sum avgjørdi dystin við brotskastinum í seinasta sekundinum. – Eg var sjálvandi sera ner­vøs, men eg royndi bara at halda høvdið kalt og ikki lata nervarnar darva. Eg havi verið í líknandi støð­ um fyrr, og tað var kanska tað, sum hjálpti mær, segði hon. Hon hevur góðar vónir til finaluna ímóti Neist­ anum. – Ein finala er ein finala. Har kann alt henda, og um vit gera okkara besta og vísa sama vilja, so haldi eg, at vit hava ein góðan møgu­leika, segði Simona Petersen at enda. albinus@sosialurin.fo Havi roynt slíkt áður Simona Petersen: Mynd: Álvur Haraldsen