týsdagur 4. februar 2014síða 31

31 Mikudagur 5. februar 2014 · Nr. 15 Sosialurin Hugskot og viðmerkingar – send sms til 225000 ítróttur Tróndur Arge – Kollafjørður Tað eru fimm sekund eftir og StÍF hevur 3-metur­kast. Støðan er 24-21 til koll­firð­ ingar, sum skulu vinna við trimum fyri at koma í steypa­ finaluna. Tveir spælarar eru útvístir seinastu løtuna og tí eru bara fýra KÍF spælarar móti seks strandingum. Gestirnir av Skála og strondum hava ikki nógva tíð at umráða seg í. Skulu teir aftur í finaluna í ár, so skal bólturin bresta í net­ meskarnar áðrenn máltalvan í høllini í Kollafirði ýlir fyri sein­astu ferð. Sveinur Justinusen og Kjartan Johansen gera báðir klárt at skjóta, meðan restin av spælarunum stilla seg fyri, so kollfirðingarnir ikki sleppa at órógva skotið. Tað endar við, at Kjartan Johansen fær ábyrgdina av at skjóta. Sveinur órgóvar við at lata sum um at hann skal skjóta. Bólturin endar hjá Kjartani, sum meddar til lágt til høgru fyri Emil Dam í KÍF málinum. – Tað var ikki fyrr enn Kjartan skjeyt, at eg sá at hann hevði bóltin. Eg var ikki í iva um, at tað fór at verða Sveinur, sum skjeyt, sigur Emil Dam, sum við bjarg­ ing­ini tryggjaði KÍF pláss í steypa­finaluni 2014. – Eg var bara á rætta stað og fekk fótin á bóltin. Í tí bólturin kom á fótin hugsaði eg, at nú fer hann so ikki í málið, greiðir Emil Dam stutt eftir at dysturin er liðugur í Kolla­firði. StÍF hevði munin leingi Tað stóð nógv á kollfirðingum í seinnu hálvfinaluni. StÍF var á odda við trimum mál­ um undan dystinum. Sum dyst­urin gekk, so sá leingi út til, at tiltikna steypaliðið av strondum og Skála fór at halda leiðsluna frá fyrra dyst­inum. KÍF spælið var ikki eins flót­andi og tað hevur verið fyrr, meðan strandingar megn­aðu at svara aftur upp á alt, sum KÍF kom við. Mál­ini komu eisini frá fleiri ymisk­um spæl­arum, meðan KÍF serliga hevði brúk fyri Hans Eli Sigurbjørnsson fyri at fáa mál. Eisini Rasmus Junker fekk fleiri mál í fyrra hálv­leiki. Í hálvleikinum var støðan 12-12 og tað vóru gestirnir nøgdir við. Í seinna hálvleiki fylgjast liðini eisini fyri ein part, og tað er ikki fyrr enn átta minuttir fyri tíð, at KÍF megnar at útjavna leiðsluna frá fyrra dystinum. Og tað uttan Nicklas Selvig, sum fekk sína triðju útvísing miðskeiðis í seinna hálvleiki. Frá 22-19 til 22-21 tykist KÍF missa alt á gólvið, men alíka­ væl koma teir upp á 24-21, sum er nokk til at vinna dyst­ in samanlagt. Og so halda fast tað seinasta álopið, sum StÍF hevði. – Tað sá svart út eina løtu, men tað týdningarmiklasta er at vit trúgva allatíð upp á tað, sigur Emil Dam. Strandingar meta óiva, at Sveinur Justinussen skuldi fingið brots­kast í sein­astu roynd­ini, tá KÍF fær út­vísing. Tað skal verða ósagt herfrá um so var, men Dánjal Samuelsen og Uni Wardum gjørdu tað besta teir kundu at døma ein ótrúliga intensan og ferðmiklan hond­bóltsdyst. KÍF aftur í finaluni Í Kollafirði var gleðin sjálv­ andi stór, tá tað gjørdist teim­ um greitt, at Emil Dam fekk fótin á skotið frá Kjartani Johansen í evstu løtu. Spæl­ ara, venjarar, áskoðarar og alt sum kláraði at ganga og renna endaði í einum stórum trunka á vøllinum. KÍF vann greipuna í fjør. Í steypakappingini vunnu teir lættan sigur á júst StÍF. Í ár er mótstøðan Kyndil. – Vit vinna, eru seinastu orðini frá Emil Dam, sum átti avgerandi fótin í hesum hond­bóltsdystinum. trondur@sosialurin.fo hondbóltur KÍF (28) - (31) StÍF 24-21 KÍF vinnur samanlagt 42-42, tí teir hava skotið fleiri mál á útivølli KÍF: Hans Eli Sigurbjørnsson 8, Rasmus Junker 5, Ási Dam 3, Rógvi Weyhe 3, Magnus Muller 2, Nicklas Selvig 2, Rúni Joensen 1 StÍF: Sveinur Justinusen 5, Fríði R. Djurhuus 4, Kjartan Johansen 4, Jógvan G. Joensen 4, Marius Joensen 3, Borgar Danielsen 1 Emil átti avgerandi fótin – Nú fer bólturin so ikki í málið. Soleiðis hugsaði Emil Dam, málverjin hjá KÍF, tá hann fekk fótin á seinastu royndina hjá StÍF í avgerðandi, spennandi og ikki minst dramatisku seinnu hálvfinaluni í steypakappingini Myndir: Álvur Haraldsen