hósdagur 6. februar 2014síða 20

Fríggjadagur 7. februar 2014 · Nr. 16 20 Sosialurin Hugskot og viðmerkingar – send sms til 225000 ítróttur Tað var annars sum reppið, at Kyndil misti finaluplássið til H71, men tá ringast stóð megnaði teir grønu úr Havn at venda gongdini. Tað hevði Kyndil fyrr í hesum kapp­ ingar­árinum ikki klárað. Kyndil hevur fyrr í ár vunn­ið á KÍF, so teir hava prógvað, at tað ber til. Spælið hjá KÍF tóktist ikki eins sannførandi, sum tað millum annað gjørdi í finaluni móti StÍF í fjør. KÍF er fram­vegis besta liðið í føroyskum hondbólti og teir eru favorittar at vinna, men favo­rittleikluturin er ikki eins stórur og hann var í fjør. KÍF hevur Andrias Nielsen tøkan aftur eftir leikbann. Kollfirðingar hava nógvar spælarar, sum kunnu bera KÍF um málstrikuna. Tí er tað torført at velja einstakar spælarar burturúr. trondur@sosialurin.fo ítróttur hondbóltur Kyndil KÍF Kyndil hevur havt eitt misjavnt ár í ár. So illa gekk, at Kyndil mátti fáa nýggjan venjara í venjaratoymið, tí úrslitini vóru so vánalig. Tað hevur gjørt mun og nú líkist Kyndil einum liðið, ið er meiri í javnvág. Avrikini eru javnt góð og spælið er á góðari leið KÍF er aftur í finaluni, sum teir vunnu í fjør. Í hálvfinaluni stóð nógv á og tað var ikki fyrr enn klokkan ýldi fyri seinastu ferð, at KÍF hevði knúgva StÍF, sum er tiltikið steypalið í føroyskum hondbólti Skjúttin: Finnur Hansson Finnur er ein av trimum venjarum hjá Kyndli, men síðani Geir Wardum kom í venjaratoymið tykist Finnur kunna hugsa meiri um at spæla. Tað sæst aftur á avrikunum. Hann hevur royndirnar og kemur at spæla eina avgerandi leiklut fyri Kyndil saman við David Edvardsen. Finnur hevur evnini einsamallur at skjóta mál, men tað kann eisini blíva ein veikleiki, um hann spælir fyri seg sjálvan. Lyklaspælari: Hørður Sigtórsson Hørður er aftur í Kyndli. Stóri strikuspælarin úr Íslandi skal berjast við helst bestu verjuna í landinum. Skal Kyndil hava nakran kjans at koppa favorittunum úr Kollafirði, so skal Hørður taka dystin upp við verjuna hjá KÍF í álopsspælinum, og fylla nógv í verjupartinum, tá KÍF leypur á. Jokari og steypahetjan: Mladen Mjerimacka og Bárður Johannesen Her eru fleiri um boðið, men vit hava valt málverjan Mladen Mjerimacka, og roynda Bárð Johannesen. Tá Mladen spælir væl, so so spælir hann ótrúliga væl, men tíverri fyri Kyndil, so eru avrikini ójøvn. Bárður Johannesen átti týðandi leiklut, tá Kyndil helt lív í finaluvónini, hóast H71 var á odda og tríggir spælarar fleiri á vøllinum. Fær KÍF ferð á spælið og skorar fleiri mál upp á stutta tíð, so er týdningarmikið, at onkur fær kyndlamenn at rakna við. Tað kann Bárður, eins og hann gjørdi í hálvfinaluini. Her kann eisini nevnast Julian Johansen, sum er spælfordeilari og tekur brotskøstini. Skjúttin: Nicklas Selvig Hansara leiklutur tykist bara veksa á liðnum hjá KÍF. Hann er ein fjølbroyttur spælari við góðari gjøgnumbrotsstyrki. Hann kann skjóta úti frá, zig-zag seg gjøgnum verjuna, skora frá vonginum og týðandi leiklut í tiltikna skjótálopsspælinum. Aðrir, sum kunnu nevnast eru Andrias Nielsen, sum var dagsins spælari í finaluni í fjør, og Hans Eli Sigurbjørnsson. Lyklaspælarin: Rógvi Weyhe Stríðsmaðurin er grundsteinurin í sterku KÍF verjuni, sum av fleiri verður mett sum tann besta í landinum. Umframt at stríðast sjálvur, so er hann eisini skipari, sum tryggjar at restin av liðnum røkir sínar verjuskyldir. Spælir Rógvi væl og liðfelagirnir parrera ordrar, so er bara upp til álopið at skjóta neyðugu málini. Jokari/steypahetja: Rúni Joensen og Rasmus Junker Rúni Joensen kann á einum góðum degi skjóta nógv mál fyri ein vong. Tað er trongt frammanfyri Kyndlamálið. Tí kunnu vengirnir og skjótálopini blíva avgerandi fyri álopsspælið. Rasmus Junker vísti í dystinum móti StÍF, at hann kann koma inn og skjóta nøkur avgerandi mál. Avrikini eru svingandi, men handan dagin rakti hann málið. Kann blíva hentur innskiftari móti endanum og torir at skjóta. Ein fyrimunur og ein vansi. ein fyrimunur tá hann skorar, men ein vansi tá hann tekur óneyðugar kjansir.