mánadagur 10. februar 2014síða 12

Mánadagur 10. februar 2014 · Nr. 17 12 Sosialurin Hugskot og viðmerkingar – send sms til 225000 T að er ófatuligt, at ein starvsnevndarlimur hjá FSF ikki dugir at síggja nakran trupulleika við gegninum, tá øll onnur gera tað. Men feløgini kunnu loysa málið. Tá NSÍ kunngjørdi navnið á nýggja høvuðsvenjara felagsins varð alt fyri eitt sett spurnartekin við, um tað sampakkaði, tá venjarin samstundis var starvsnevndarlimur í FSF. Spurningurin hevur verið reistur á tveimum formansfundum, men tað hevur ikki fingið aðrar avleiðingar enn hana, sum Trygvi Mortensen sjálvur tók, tá hann seðgi seg úr kappingarnevndini. Í aðrar mátar dugdi Trygvi Mortensen seg ikki duga at síggja, at nevndararbeiði hansara í FSF kundi skapa nakrar trupulleikar, og tí helt hann, at gegni hansara als ikki kom í vanda av hesum ávum. Gegni er tó eitt stuttligt fyribrygdi. Eitt sereyðkenni við gegninum er, at tú ikki sjálvur kann definera, nær umheimurin heldur gegnið vera í lagi ella ikki. Sjálvandi eru nøkur teknisk/juridisk viðurskifti, sum persónar ofta krøkja seg í, tá roynt verður at halda fast um gegnið. Bæði í FSF og í samfelagnum annars hava vit sæð dømi um hetta seinasta árið. Veruleikin er tó meira fjølbroyttur. Gegnið merkir eisini, at tú ikki skalt átaka tær uppgávur ella arbeiði, har búskaparligar ella aðrar bindingar kunnu skapa iva um, hvat er endamálið við uppgávuni. Tú skalt ikki koma tær í støður, har ivi kann sáast um trúvirðið, og tú skalt gáa eftir umstøðum, ið kunnu ávirka títt gegni. Tað er eingin áseting í FSF-lóggávuni, sum forðar einum starvsnevndarlimi í at vera høvuðsvenjari hjá einum felag í fremstu fótbóltsdeildini. Og tí kann Trygvi Mortensen ekkaleysur siga, at hann ikki hevur ein juridiskan trupulleika (haldi meg hoyra eitt ekkó onkrastaðni her). Men tá ivamál um gegnið og trúvirðið støðugt verða reist, so er tað meira enn bara óheppið, at høvuðspersónurin ikki sjálvur loysir málið. Sum forseti hevur Christian Andreasen ikki løgmanslíknandi heimildir, har hann kann loysa nevndarlimir úr starvi. Tí tað eru bara tveir instansir, sum kunnu loysa hetta málið. Annar er aðalfundurin, sum kann velja at skifta nevndarlimin út – eisini í ótíð. Hin er Trygvi Mortensen sjálvur, og tað hevði sømt seg, at hann nú leygardagin boðaði frá, at hann tekur farloyvi frá nevndarsessinum og tí biður varalim taka sætið. Tað er væl ein orsøk til, at varalimir verða valdir. Reis teg upp og gakk www.kyndil.fo: HSF hevur í samstarvi við Coca Cola enn einaferð skipað fyri einum megnar vikuskifti við steypafinalum hjá vaksnum og yngri. Ellivu finalur vórðu avgreiddar. Kyndil vann 4, H71 3, Neistin 2, VÍF 1 og Team Klaksvík 1. Til lukku, allir vinnararnir, og takk fyri sera góðar finalur, eisini tit, ið akkurát ikki fingu hendur á steypunum! www.portal.fo: Stóra avbjóðingin hjá Kyndli áðrenn finaluna móti KÍF var at steðga tiltikna kontraspælinum hjá kollfirðingum. Og tað eydnaðist ógvuliga væl, tí KÍF fekk bert fimm kontramál í finaluni og bert 20 mál tilsamans. www.nordlysid.fo: Sostatt bleiv talan um søguligan dag, tí Team Klaksvík vann sín fyrsta steypasigur nakrantíð í sínari fyrstu steypafinalu nakrantíð. www.hb.fo: U17 liðið hjá okkum var í finalubólki saman við KÍ, B68 og B71. Genturnar gjørdu ikki mætari enn at vinna allar dystirnar og tí kappingina. www.svimjing.fo: Mads Glæsner missur sostatt 'bara' bronsuna í 400 metra frísvimjing hin 14. desember 2012, men ikki gullið í 1500 frí hin 16. desember 2012. Og Pál fer harvið aftur til at hava vunnið bronsu, heldur enn silvur, aftanfyri Mads Glæsner og italska Gregorio Paltrinieri. Heimasíðurnar skriva: Ítróttar klumman Jákup Mørk Tróndur Arge Í nógvan mátar var talan um eitt grønt finaluvikuskiftið. Kyndil vann báðar finalurnar hjá teimum vaksnu, og tvær afturat í gjár. Sostatt vann Kyndil fýra steypakappingar. H71 vann tríggjar, Neistin tvær, meðan VÍF og Team Klaksvík vunnu hvør sína. Fyri Team Klaksvík varð talan um søguligan steypa­ sigur, tí felagið hevur ongan­ tíð áður vunnið gull. trondur@sosialurin.fo ungdómsfinalurnar Í gjár vóru ungdómsfinalurnar í hondbólti í høllini á Hálsi. Spælt varð frá tíðliga á degnum líka til klokkan 20. At kalla allan dagin var høllin full av fólki ítróttur ítróttartoymi Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen Jákup Mørk Pætur Eyð. Jensen Leygardagin 8. feburar: Kvinnur: Kyndil – Neistin 19-14 Menn: Kyndil – KÍF 22-20 Dreingir 18: H71 – VÍF 29-28 Sunnudagin 9. februar: Gentur 10: Neistin a – H71 a 5-10 Dreingir 10: H71 b – Team Kl. 4-10 Gentur 12: VÍF – Kyndil a 8-10 Dreingir 12: H71 a – Kyndil a 12-11 Gentur 14: Stjørnan a – Neistin a 17-20 Dreingir 14: Neistin a – VÍF 21-24 Gentur 17: Kyndil a – Neistin a 13-14 Dreingir 16: H71 a – Kyndil 17-20 Øll úrslitini frá steypa- finalunum um vikuskiftið: