mánadagur 10. februar 2014síða 13

13 Mánadagur 10. februar 2014 · Nr. 17 Sosialurin Hugskot og viðmerkingar – send sms til 225000 ítróttur Hilmar Jan Hansen – Oyggjaleikir Føroyum 2015 var eitt gott mál, men vit náddu tað ikki. Oyggjaleikir í Føroyum 2019 er eisini eitt gott mál, men tað sær enn út til, at vit ikki fara at náa tað, sigur formaðurin í Bogaskjótisambandi Føroya, Schandorff Vang, ið samstundis undrast á, at tað bara verður tosað um golf. Í bersøgnari viðmerking á Facebook staðfestir hann, at bogaskjóting til flestu leikir síðani 1995 hevur verið tann ítróttargreinin, ið hevur verið tryggasta íkastið til heiðursmerki, men at nú eru umstøðurnar hjá bogaskjúttunum upp­ aftur verri enn hjá golf­spæl­ arunum, sum hóast alt hava verandi breyt á Glyvursnesi. Schandorff Vang vísir á, at væl hevur borið til at skotið á Svangaskarði og Tórsvølli, men nú báðir hava fingið graslíki, er ikki pláss fyri bogaskjúttunum longur. – Meðan vit skutu á Oyggjaleikunum á Isle of Wight – á bestu breyt, vit nakrantíð hava skotið á – fingu vit vitjan av býráðnum í Tórshavnar kommunu. Allir topparnir vóru har, og fyri opnum skermi bleiv boðað frá, at býráðið vildi geva okkum vøllin við studentaskúlan í Hoydølum at skjóta á. Ein fínur vøllur – um vit fingu loyvi at gera við hann, sum vit vildu, fyri at fáa hann at hóska til júst okkara brúk, skrivar formaðurin í Bogaskjótisambandinum. – Tann dag í dag er einki hent. Vit sleppa ikki at brúka økið, tí tað er friðað og bóndin hevur brúksrætt, og kunnu vit ikki skjóta har, fyrr enn bóndin hevur sligið. Og tá er uttandura hálvan liðug fyri okkara viðkomandi. Ein glotti hjá bogaskjótingini hevur tó verið, at loyvi hevur verið givið til, at skjótast kann á vøllinum á Mølini á Eiði, men har er ein trupulleiki, at tað ikki altíð viðrar líka væl, umframt at tað ikki er eitt stað, ið kann brúkast til einar møguligar Oyggjaleikir í Føroyum í 2019. – Okkara prosjekt vil ikki kosta tað stóra – men vit hava avgjørt tørv á einum brúkbarum øki. Gevið okkum øki og vit skulu nokk syrgja fyri, at fáa tað skotklárt. Vit eru í tíðarneyð, tí Oyggjaleikir eru eisini í 2015, og tá er bogaskjóting eisini á skránni, skrivar Schandorff Vang. hilmarjan@sosialurin.fo Oyggjaleikir eru annað enn golf Fleyr vann toppdystin Formaðurin í Bogaskjótisambandi Føroya undrast á alt prátið um golfbreyt sum treyt fyri Oyggjaleikum í Føroyum í 2019, tí samstundis hevur bogaskjótingin mist møguleikan fyri at venja uttandura Bæði hjá kvinnum og monnum í flogbólti er líkt til, at Fleyr endar í FM-finalunum ímóti ávikavist Mjølni og ÍF Eik-ligan kvinnur nr. Lið Dystir Vunnið tapt vunnin sett tapt sett munur Stig 1 Mjølnir 16 15 1 47 13 34 25 2 Fleyr 15 13 2 42 15 27 22 3 TB 15 9 6 36 24 12 17 4 Dráttur 16 10 6 36 25 11 16 5 KÍF 16 9 7 35 26 9 16 6 SÍ 16 3 13 12 39 -27 7 7 ÍF 16 2 14 10 43 -33 4 8 Ternan 16 2 14 13 46 -33 3 Eik-ligan menn nr. Lið Dystir Vunnið tapt vunnin sett tapt sett munur Stig 1 ÍF 13 12 2 35 12 23 17 2 Fleyr 13 9 4 30 21 9 14 3 SÍ 13 5 8 25 26 -1 9 4 Mjølnir 13 1 12 5 36 -31 2 TB - Ternan 3-1 (25-12, 25-27, 25-12, 25-15) Mjølnir - KÍF 3-0 (25-17, 25-14, 25-14) Fleyr - Dráttur 3-2 (settúrslit mangla) SÍ - ÍF 1-3 (settúrslit mangla) Mjølnir - Fleyr 0-3 (17-25, 23-25, 16-25) Hilmar Jan Hansen Kvinnurnar hjá Fleyr tóku í gjár í Gundadalshøllini í Havn ímóti Drátti, sum er eitt av hinum liðunum, ið ligg­ur framvið at sleppa úr miðj­uni og upp á toppin. Fyrsta settið vann Fleyr so mikið sann­ førandi, at tað kundi sæð út til, at hetta skuldi blíva ein lættur dystur, men so var ikki. Dráttur kom væl við og var so avgjørt við til at seta sín dám á uppgerðina, sum annars var merkt av góðum spæli og fáum feilum, og tað endaði við, at heili fimm sett máttu til, áðrenn Fleyr hevði vunnið og staðfest støðu sína sum fremsti avbjóðarin til oddaliðið á stigatalvuni. Eitt annað lið, sum eis­ini hevur bjóðað dúgliga av í vetur, er KÍF, men hesa­ferð fekst einki burturúr, tí úr Klaks­vík fóru kollfjarða­ kvinnur tómhentar heim­ aftur, eftir at tær høvdu tapt 0-3 fyri Mjølni, ið sostatt varð­veitti munin niður til Fleyr. Triðja liðið, ið hevur roynt at barst seg heilt fram, er TB, sum leygardagin vann 3-1 á Ternuni, og tað gjørdi, at TB nú er triðfremst. So er spurningurin, um TB fer enn longur, tí liðið eigur ein heima­dyst á, sum er tann ímóti Fleyr, ið skuldi verið spældur síðst í januar, men sum nú verður avgreiddur 23. februar. SÍ dragnar Eisini hjá monnunum liggur Fleyr væl fyri til at koma í FM- finalurnar, har ÍF óivað má sigast at eiga annað plássið, so leingi hini liðini ikki fáa fatur í fuglfirðingunum. Leygar­dagin var ÍF á vitjan hjá SÍ í Sørvági, og har vann odda­liðið 3-1 í dystinum, ið má sigast at vera eitt slag av aðalroynd undan steypa­ finaluni millum somu lið leygardagin. Samstundis sum ÍF styrkti sær um støðuna á odda­sess­ inum, merkti úrslitið, at tað verður uppaftur tyngri hjá SÍ at sleppa upp í part, tí fimm stig eru nú upp til Fleyr á næst­fremsta plássinum. Fleyr vann 3-0 á Mjølni, uttan at fáa ta stóru mótstøðuna, burtursæð frá øðrum setti, og tískil síggja menninir úr Havn út til at brynja seg út til sína fyrstu FM-finalu nakran­tíð. hilmarjan@sosialurin.fo – Vit eru í tíðarneyð, tí Oyggjaleikir eru eisini í 2015, og tá er bogaskjóting eisini á skránni, skrivar formaðurin í Bogaskjótisambandi Føroya, Schandorff Vang, í bersøgnari viðmerking á Facebook Mynd: Álvur Haraldsen