mánadagur 10. februar 2014síða 16

Mánadagur 10. februar 2014 · Nr. 17 16 Sosialurin Hugskot og viðmerkingar – send sms til 225000 ítróttur Hondbóltur Pætur Albinus Bæði Kyndil og KÍF høvdu bart seg í steypafinaluna við ógvuliga teprum sigrum í hálv­finalunum ímóti ávika­ vist H71 og StÍF, og mundi lítil ivi vera um undan dystinum, at hetta eru stinnastu liðini í Føroyum í løtuni. Kyndil við sínum stjørnuliðið, sum fyri stuttum av álvara hev­ ur fingið tingini at hanga saman, og KÍF við sínum breiða hópi av egnum upp­ aldum leikarum og ótrúlig­ari mótálopsferð. Bæði feløgini høvdu gjørt ríkiligt burturúr fyrireik­ ing­unum til steypafinaluna, og fjepparar hjá feløgunum báðum vóru savnaðir í hvør sínari legu undan dystinum fyri at koma í rætta hýrin og taka hann við í fullstúvaðu høllina á Hálsi, har tey reyðu og grønu tvíbýttust um høllina. Jøvn byrjan Gaman í fekk KÍF fyrsta málið í dystinum, men tað gjørd­ist skjótt greitt, at Kyndil hevði betra flogið fyrstu løt­una og kom skjótt á odda 3-1. Kyndil dugdi fyrstu løtuna væl at vísa tolsemi og bíða eftir rætta opinum, sum setti skjúttar­nar báðar, Finn Hansson og David Edvardsen, upp til skot, og tá ið teir í einstøku løtuni fingu fríar teymar sang bólturin í net­meskunum. Var tað ikki fyri Jaspur Joensen í KÍF-málinum, sum hevði tvær góðar bjargingar fyrstu løtuna, var leiðslan hjá Kyndli enn størri. Eitt av vørumerkjunum hjá KÍF er hinvegin skjót­ álopini, og tá ið Kyndil himpr­aðist ella ilskaðist í eitt sekund undan ella eftir skot­royndirnar, so var ein kollfirðingur strokin framvið og skoraði eftir skjótálop. Hetta førdi við sær, at støðan brádliga gjørdist 4-4 hóast Kyndil lá væl fyri at økja enn meiri um munin. Grønt time-out hjálpti Tá ið 17 minuttir vóru farnir stóð framvegis á jøvnum, hesaferð 6-6, og tá valdi venjaraparið hjá Kyndli at taka time-out. Geir Wardum var avgjørdur og segði, at teir ikki skuldu royna so nógvar hálvara møguleigar; at teir skuldu vísa tolsemi í álops­ spælinum, tí teir væl vistu, at verjan hjá KÍF kom út og hol tá fóru at koma í verjuna. Hetta hjálpti kanska eitt sindur, tí hóast KÍF kom á odda 6-7, so var tað Kyndil, sum aftur kom á odda og helt eitt máls leiðslu tað mesta av fyrra hálvleiki og eisini í hálvleikssteðginum. KÍF hevði í grundini ógvu­ liga lítið skipað álopsspæl, og Andrias Nielsen, sum hevur verið nógv skaddur og ikki er í bestu dystarvenjingini, hevði tað trupult við at koma til skot fyri risaverjuni hjá Kyndli, har Hans Arni B. Thomsen við sínum 193cm og Hörður Fannar Sigþórsson við sínum 196cm ráddi fyri borgum. Einasta hóttanin hjá KÍF vóru skjótálopini, samstundis sum tað hepnaðist væl at fóðra Nicklas Selvig á høgra vongi, haðani hann steð­festi sína støðu sum ein hin tekn­ iskt besti leikarin í landinum við nøkrum bóltum krúll­ aðum upp í málhornið. Var tað ikki fyri honum og skjótálopunum, hevði Kyndil havt væl størri mun í hálv­ leiks­steðginum enn hálv­ leiksleiðslan segði, nevniliga 10-9 til Kyndil. Finnur mansvardur Í seinna hálvleiki megnaði Kyndil í ein mun at binda Greiða oddaliðið í bestu mansdeildini, KÍF, hevði ikki nógvar møguleikar ímóti einari krútsterkari kyndlaverju, sum somuleiðis í álopspartinum buldraði nógvar bóltar í málið við Davidi Edvardsen og Finni Hanssyni á odda. Hóast tað var sera tætt allan dystin og nærdystirnir øgiligir, so var tað Kyndil, sum fyri tað mesta var omaná og eisini var omaná tá ið saman um kom við uppibornum 22-20-finalusigri. Við hesum sigrinum var kyndladagurin fullkomin, tí kvinnurnar hjá felagnum vunnu somuleiðis gull nakrar tímar áðrenn. Hetta er fyrsta steypa­ gullið hjá kyndlamonnunum síðani 2008 buldraðu seg til steypagull Finala: Kyndil - KÍF 22-20 (10-9) Kyndil: David Edvardsen 9, Finnur Hansson 4, Hans Áki Dal-Christiansen 2, Høgni Klein Olsen 2, Andrias Sólsker 2, Julian Johansen 1, Josef Abrahamsen 1, Hørður F. Sigthórsson 1 KÍF: Nicklas Selvig 6, Hans Eli Sigurbjørnsson 5, Magnus Muller 4, Tony Weihe 2, Andrias Nielsen 1, Rógvi Weyhe 1, Rúni Joensen 1 Dómarar: Eyðun Samuelsen og Gert Hansen