hósdagur 13. februar 2014síða 28

Fríggjadagur 14. februar 2014 · Nr. 19 28 Sosialurin Hugskot og viðmerkingar – send sms til 225000 ítróttur flogbóltur steypafinala kvinnur Hilmar Jan Hansen Síðstu trý árini hevur steypa­ finalan hjá kvinnunum verið mestsum ein endurtøka av sær sjálvari, tí hvørt ár hava finaluliðini verið Mjølnir og SÍ, og Mjølnir hevur vunnið. Í ár er Mjølnir aftur í finaluni, men í mun til hini árini, er mót­støðuliðið hesaferð Fleyr. Av øllum feløgunum hjá kvinnum er Mjølnir tað við nógv størstu royndunum og nógv flestu sigrunum. Mjølnir hevur sjey ferðir áður verið í steypafinaluni, og bara ta einu ferðina er tað ikki endað við, at Mjølnir er blivið steypavinnari. Mjølnir vann í 2000 og 2001, men tapti so fyri TB í 2002, og síðani hava klaks­ víks­kvinnurnar vunnið í 2005 á TB og so hesi síðstu trý árini á SÍ. Við øðrum orðum ber ikki til at stað­ festa annað, enn at Mjølnir má sigast at vera stór­favo­ rittur hesaferð. Bara aðru ferð Hagtølini hjá Fleyr eru slett ikki tey somu, tí kvinnurnar úr Havn hava bara ta einu ferðina áður verið í steypa­ finaluni. Tað var í 2009, tá Fleyr mátti lúta fyri SÍ í einum dysti, har fjórða sett gekk heilt upp í 30-28! Hinvegin er tað ikki púra fremmant fyri Fleyr at spæla stórar og avgerandi finalur ímóti Mjølni, tí bæði í 2012 og 2011, tá Fleyr endaði ovast í grundspælinum, møtt­ust hesi bæði liðini í FM-final­ unum. Báðar ferðir vann Mjølnir, sum altso hevur eitt ávíst søguligt yvirtak á Fleyr. Mjølnir er hesaferð komið í steypafinaluna sum oddalið eftir fyrsta triðingin av lands­kappingini í Eikliguni, meðan Fleyr og Dráttur vunnu hvør sína av smærru steypa­kapp­ingunum og tí máttu spæla hálvfinalu á Sandi, áðrenn greitt var, at Fleyr fekk hin steypa­finalu­ sessin. Steypafinalan hjá kvinnum verður leygardagin 15. februar klokkan 13.30 hilmarjan@sosialurin.fo Tað er sum dagur og nátt, tá hagtølini hjá liðunum í steypafinaluni hjá kvinnum verða samanborin, tí meðan Fleyr bara ta einu ferðina áður hevur verið í finaluni, er hetta áttanda finalan hjá Mjølni Mjølnir er stórfavorittur Mynd: Álvur Haraldsen Mjølnir hevur bæði søgu og hagtøl í sínum parti ímóti Fleyr, men í eini finalu kann alt henda, so spennandi verður, hvussu tað endar millum tey bæði bestu kvinnuliðini í løtuni