týsdagur 18. februar 2014síða 4

Mikudagur 19. februar 2014 · Nr. 21 4 Sosialurin Hugskot og viðmerkingar – send sms til 225000 tíðindi Rannvá G. Fossaberg – Vit hava í seinastu upp­ livað, at kvinnur, ið ikki hava verið her áður, koma til okkara at leita sær hjálp, tí tær eru fyri harð­skapi. Tað eru kvinnur, sum hava havt ilt við at sameina seg við ta typisku myndina av eini kvinnu, sum er harð­skaps­ rakt, men eftir at tær hava lisið bókina »Um bara hann sló meg«, hava tær fatað, at harðskapsraktar kvinnur eru í øllum samfelagsløgum. Soleiðis sigur leiðarin á Kvinnuhúsinum, Elin Reinert Planck. Í januar mánaði í fjør fekk Kvinnuhúsið tilsamans 52 áheitanir, meðan talið frá januar í ár er vaksið til 79 áheitanir. Hóast tølini ikki eru útgreinað, so er ein orsøk til økta talið av áheitanum í ár, bókin »Um bara hann sló meg« eftir Súsonnu Skaale, sálarfrøðingi. Bókin kom út í november í fjør. Fleiri áheitani – Longu nú duga vit at síggja, at bókin hevur havt stóra ávirkan, tí vit hava havt fleiri kvinnur her í Kvinnu­ hús­inum, og eg meti eisini, at vit hava fingið fatur á einum breiðari bólki av kvinnum, sum eru fyri harðskapi, sigur Elin Reinert Planck. Hon vísir á, at harð­skaps­ raktar kvinnur ofta hava tor­ ført við at síggja seg sjálvar sum kvinnur, ið eru fyri harð­skapi av ymsum slag. – Ein rættiliga vanlig fatan av harðskapsraktum kvinn­um er, at tað er ein homo­genur bólkur, tað vil siga, at ofta hava vit eina ávísa mynd av, hvussu ein harð­skaps­rakt kvinna er sum persónur, hvussu hon sær út og so framvegis. Men tað er júst hesa myndina, sum bókin ger upp við, for­ tel­ur Elin Reinert Planck og legg­ur afturat, at fleiri kvinn­ur kenna seg aftur í onkrum av dømunum, sum eru í bókini. – Harðskapur er soleiðis, at kvinnan meir ella minni trýr, at tað er hennara egni at­burður, sum útloysir harð­ skapin. Við at lesa bókina kunnu tær síggja, at tað ikki er soleiðis, harðskapur í par­ løgum hongur saman, sigur Elin Reinert Planck og held­ ur fram: – Tað er ikki soleiðis, at vit síggja eina so at siga nýggja týpu av kvinnum her nú, tí øll árini frammanundan hava vit sæð kvinnur úr øll­ um sam­felags­løgum. Men tað eru heilt greitt fleiri kvinn­ur, sum nú venda sær til okk­ara, sigur Elin Reinert Planck. Talið fer at hækka Leiðarin á Kvinnuhúsinum ivast ikki í, at talið á áheit­ anum frá harð­skaps­raktum kvinnum fer framhaldandi at vera hægri næstu mán­ aðir­nar samanborið við sama tíðarskeið í fjør. – Eg veit fleiri dømi um kvinnur, sum hava ognað sær bókina, men hava lagt hana til síðis, tí tær ivast í, um tær nú kunnu kenna seg aftur í søgunum, sum eru í bókini. Í roynd og veru eru tær bangn­ar fyri veruleikanum, sigur Elin Reinert Planck og leggur afturat, at enn hava tey í Kvinnuhúsinum ikki sær hæddarpunktið av ávirk­anini av bókini. – Eg ivist onga løtu í, at vit fleiri kvinnur fara at venda sær til okkara næstu tíð­ina. Mann lesur ikki bók­ ina og ringir síðani alt fyri eitt til Kvinnuhúsið. Tá ein harð­skapsrakt kvinna lesur bókina, setur tað nakrar tankar í gongd, sum fyrst skulu sodnast og síðani bún­ ast við tíðini. Tí haldi eg meg kunna siga, at tað er ein tanka­gongd, sum fyrst skal byrja, og eftir eina tíð síggja kvinn­urnar, hvørjari støðu tær eru í og velja at leita sær hjálp, greiðir Elin Reinert Planck frá. Tað júst støðuna, ið tær eru komnar í, sum harð­ skaps­raktar kvinnur ofta hava tor­ført við at viðganga fyri sær sjálvum. Her er bókin við frásagnum frá harð­skaps­raktum kvinnum ein stór hjálp, metir leiðarin í Kvinnu­húsinum. – Frásagnirnar í bókini hava hjálpt harðskaps­rakt­ um kvinnum til at innsíggja, hvørjari støðu tær eru í. Fyri at ein kvinna skal kunna gera nakað við støðuna, sum hon er í, má hon fyrst og fremst viðganga fyri sær sjálvari, hvørjari støðu hon er í. Og tað er ikki altíð líka lætt, sig­ ur Elin Reinert Planck. Les meir á síðu 6 Fleiri kvinnur eru fyri harðskapi Seinastu tíðina hava alsamt fleiri kvinnur vent sær til Kvinnuhúsið, tí tær eru fyri harðskapi av ymsum slag. – Tað er einki at ivast í, at bókin um harðskap í parløgum er ein av høvuðsorsøkunum til at kvinnur, vit ikki hava sæð fyrr, nú tora at leita sær hjálp. Tað sigur Elin Reinert Planck, sum er leiðari í Kvinnuhúsinum Mynd: Álvur Haraldsen – Frásagnirnar í bókini hava hjálpt harðskapsraktum kvinnum til at innsíggja, hvørjari støðu tær eru í, sigur Elin Reinert Planck, leiðari í Kvinnuhúsinum