hósdagur 20. februar 2014síða 26

Blaðnr. 22 · 21. februar 2014 2 VIKUSKIFTI Tónleikur Rólant Waag Dam rolant@sosialurin.fo Seinastu tíðina hava nógv føroysk til­tøk verið á Christiania í Danmark. Tvinni spælistøð hava verið karmur um til­ tøkini, Operaen á Pusherstreet og so Loppen, sum er størsta spælistaðið á danska frístaðnum. Bólkar sum Swangah, The Dreams, Steso, Sakaris, Dánjal, MonkeyRat, Øssur Johannesen, Uni Debess, LoverLover, Hamferð, DJ Übernörd og aðrir hava framført. Áður hevur Børne­ teatret eisini verið karmur um fleiri før­ oyskar framførslur, millum annað við Arnold Ludvig, Jákupi á Lakjuni og The Reverends. Leygarkvøldið 1. mars er túrurin so komin til, at Eyðun Nolsøe, Terji Rasmussen og Kim Hansen sleppa at vitja danska frístaðin. Bæði saman og hvør í sínum lagi, hava teir verið stjørnur á føroyska tón­ leika­pallinum við bólkum sum Terji & Føstufressar, Frændur, Eyðun og Terji, Taxi, Moirae, Funkies og Show­menn. Nú teir tríggir fara á pall á danska frístaðnum, er lítið at ivast í, at tað verða hitt úr sangskattinum hjá áður­ nevndu bólkum, sum teir fara at tríva í. Og uppaftur greiðari tykist at vera, at nógvir útisetar fara at leita sær í Loppen á Christiania hetta kvøldið. Hin­vegin er eisini líkt til, at fleiri danir fara at hyggja framvið. Loppen í sjálv­ um sær dregur altíð nakað av fólki, og tað gera donsku bólkarnir Select Captain og Jesper Ejrup ivaleyst eisini, sum fara at hita upp fyri føroysku tón­ leikar­unum. Tað er Nordic Music Agency við Jan Zachariassen, sum skipar fyri til­ tak­inum. Nólsoyingurin Súni Joensen fer at blanda ljós, myndir og royk, tá bólk­ar­nir spæla, og sandoyingurin DJ Charles undirheldur eisini. Here we go again... Redaktørur: Eyðun Klakstein Útgevari: Sosialurin, www.sosialurin.fo Sniðgevi/umbróting: Pætur Eyðunsson Jensen, Sosialurin Forsíðumynd: Tina Tórarenni / Mynd: Álvur Haraldsen klumman Næsta leygarkvøld á Loppen verður enn einaferð føroyskt, tí tá fara hittsmiðirnir fram um aðrar í Føroyum á pall. Eyðun Nolsøe, Terji Rasmussen og Kim Hansen spæla á Christiania 1. mars So var alt á gosi aftur um stavraðið. Hvør Hanus og Janus heldur seg vita akkurát, hvussu tað eigur at vera. Uttan at hava nakra veruliga grundgeving fyri sínum meiningum. Tað er jú gott at kjakast um mál, sum viðkoma okkum øllum. Men tað er álíkavæl so himmalrópandi tollut, tað sum nú gongur fyri seg. Leikmenn síggja tað sum sína upp­ gávu at fáa ein enda á stavraðsmálinum, sum – Gud viti hví – er blivið teirra marra. Teir leggja eftir hvør øðrum og brúka seg, sum stóðu teir undir einum húsarveggi. Beint ímóti tilmælinum frá meirilutanum í Málráðnum, sum løgtingið sjálvt setti, hevur løgtingsmaður lagt sítt egna uppskot fyri tingið at samtykkja. Og sum tað sær út, so kunnu tey snilt finna upp á at atkvøða tað ígjøgnum. So lítið virðismeta tey ser­ frøð­ina. Kundi hugsað mær at sæð snýðið á upp­skotsstillaranum, sum eisini er skipari, um t.d. málfrøðingur trokaði hann av ræði, tá rokað nót varð drigin inn. Sum sagt, so er tað gott og strimbrandi at skifta orð um øll viðkomandi mál. Men tær nýtist ikki at leggja lógaruppskot fram fyri tað. Vit føroyingar kunnu vera glaðir fyri, at málið hevur tað so gott. Tað er sjálvsagt tí at vit eiga og hava átt fólk, sum við undirvísing, gransking og útgávum við fjølbroyttum inni­ haldi røkja og bera málið framá. Tú gongur ikki soleiðis gerandis og hugsar um føroyskt. Men tað er nógv sum ávirkar teg. Umframt føroysku miðlarnar, so t.d. allir sangirnir, sum bæði ung og gomul dáma at lurta eftir og syngja. Nógvir teirra, sum eru vorðnir fólkaogn, eru málsliga góðir. Og tað sigur nógv. Tað verður ongantíð soleiðis, at øll verða á einum máli. Men tað tykist so tápuligt, tað sum nú hendir, bara at sápla niður og skúgva til viks niðurstøðuna hjá meirilutanum í Málráðnum. Sjálvsagt skalt tú kunna finnast at, men tað skal valdast. Og »fremmandu« stavirnir verða ikki útihýstir úr føroyskum, hóast teir ikki eru í alfabetinum. So hvør er trupulleikin! Hví ikki heldur brúka orkuna upp á at gera okkurt gott fyri málið, sum kann koma børnunum til góðar! Sum kann viga upp móti ávirkan uttanífrá, sum altíð hevur verið okkum fyri, og sum vit higartil hava dugað sera væl at tikið ímóti, júst tí vit hava havt góðar málsligar vegvísarar. So segði hann... Føroysk hitt í donskum frístati – Hetta svarar til, at B71 vann Champions League Sakaris Stórá um at vinna filmsheiðursløn í Berlin Simona Weihe tekning: jón tórur einarsson tekning: Jens Klæmint Jacobsen