mánadagur 17. mars 2014síða 19

19 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 17. mars 2014 · Nr. 32 ítróttur flogbóltur Fráskrivar sær ábyrgdina Stutt áðrenn blaðið fór til prentingar ynskti for­ mað­urin í fót­bólts­deildini hjá TB, Kim Roest, at greiða nærri frá støðuni. Hann vísti tá á, at TB sum so ikki hevði nakað við leikararnar at gera, tí at Páll Guðlaugsson hevði fingið teir heim til Føroya og at teirra fremsta mál var at arbeiða. TB hevði tískil ikki nakran sáttmála við leikararnar. Húsið, sum donsku leikararnir búðu í, hevði Páll somuleiðis út­ vegað teimum. Hann váttaði, at TB hevur ábyrgdina av Páll Guðlaugsson, men at hann hevði fingið loyvi frá TB at taka sær av hesum leik­arunum og at felagið ein­ans stóð fyri pappírs­ arbeiðinum við FSF. albinus@sosialurin.fo Ósemja um orsøkina TB sigur, at orsøkin til, at donsku leikararnir fóru heim aftur til Dan­markar, var at teir ikki trivust í Føroyum. Hesum vísa teir báðir tó staðiliga aftur og siga, at teir trivust ógvuliga væl Pætur Albinus Vit vendu okkum til nú fyrrverandi formannin í fótbóltsdeildini hjá TB, Kim Roest, og spurdu hann hví donsku leik­ ararnir nú fara heim aftur til Danmarkar. – Tað var semja ímillum leikarar og leiðslu, at teir høvdu trupulleikar við at trívast her, og tískil tóku vit hesa avgerðina í felag, sigur Kim Roest. Eyyub Keten vísir aftur, at teir høvdu trupul­leikar við at trívast á Tvøroyri, og vísir eisini aftur, at tað var semja um at teir skuldu fara úr Føroyum. – Als, als ikki. Vit høvdu tað sera gott sam­ an við leikarunum og komu eisini væl út av tí við teimum uttan um fót­ bóltin. Vit høvdu veitslu í farnu viku, og tað var sera stuttligt. Vit vóru góðir vinmenn við allar leikararnar, men tað var bara ímillum okkum og nevndina, at tað ikki riggaði, sigur hann. Einki arbeiði Bræv, sum Sosialurin hevur fingið innlit í, prógv­ar, at Páll Guðlaugs­ son, TB-venjari, lovaði dansk­arunum arbeiði, sum skuldi geva teimum í minsta lagi 20.000 krónur um mánaðin. Alt var klárt, so teir skuldu bara koma, vóru boðini. Eftir fyrstu seks vikurnar í Føroyum høvdu teir tó bara arbeitt í tríggjar dagar, men hetta heldur Kim Roest seg ikki kunna vera Harra yvir. – Teir arbeiddu á Pelagic, sum avtalan eis­ ini var. Í tvær vikur ella tíggju dagar. At eingin fiskur og arbeiði er, tað kunnu vit ikki ráða fyri, sigur Kim, sum sigur seg sjálvan hava lænt pening út til donsku leikararnar tá ið teir komu til Føroya. Hesar pengar vil hann hava aftur. – Síðsta orðið er ikki sagt enn. Eg vænti, at endurgjaldskrav verður lagt fram fyri teimum, sigur Kim, meðan Eyyub tvíheldur um, at talan er um eina rokning fyri fysioterapi og at teir nú sjálvir skulu gjalda hesa viðgerð sum hevnd fyri at teir rýmdu undan ósømiligu korunum. Eyyub Keten sigur víðari, at teir høvdu verið fegnir um at kunnað arbeitt í tvær vikur, sum nú fyrrverandi formaður teirra sigur, men at teir í veruleikanum bara ar­ beiddu í fýra dagar. – Vit hava arbeitt í Pelagic í fýra dagar. Teir søgdu, at tað ikki var meiri fiskur, men at tað skuldi koma sild og makrelur í juli. Tískil sóu vit fram til tríggjar mánaðir afturat sum arbeiðsleysir, sigur Eyyub og strikar undir, at tað als ikki hevði borið til hjá teimum at livað undir teimum treytunum. albinus@sosialurin.fo um vit kundu hava hann búgvandi hjá okkum, og sjálvandi játtaðu vit. Okkum dámar væl samanhald. Trupul­leikin var bara, at hann ikki skilti enskt, og vit máttu nýta google translate á telduni. Hann undraði seg, at ikki alt var sum tað skuldi, og tá ið hann varnaðist, at vit ikki høvdu fingið tað, vit høvdu fingið lovað, stakk hann av, sigur Eyyub. Útspiltir av formanninum Týsdagin í síðstu viku høvdu teir báðir fingið nóg mikið. Teir gjørdu av at sleppa sær til Havnar og síðani víðari heim til Dan­mark­ ar. Bilin settu teir í túnið hjá Páll Guðlaugsson, og lykilin góvu teir Danjal Eli West, næstformanni í fót­ bóltsdeildini hjá TB. Familjan í Danmark hevði givið teimum so mikið av pen­ingi, at teir kundu ferðast heim­ aftur. Flogferðaseðlar høvdu teir framvegis ikki ráð til, so teir máttu velja bíligaru loysnina; nevniliga Norrønu. Men ófráboðaða heim­ ferð­in frá svongd og fátækra­ dømi á Tvøroyri fall ikki í góða jørð hjá Kim Roest. – Hann ringdi til mín og segði nøkur óviðkvæmisorð og at eg ikki skuldi sleppa úr landinum. Hann segði, at hann hevði meldað okkum fyri at hava stolið bilin, og at løgreglan leitaði eftir okk­um. Eisini segði hann, at vit skuldu sleppa at gjalda 15.000 krónur fyri húsaleigu og flogferðaseðlar, sigur ein skelkaður Eyyub Keten, sum eisini fekk eitt sms-boð frá Kim Roest, har hann segði »du skylder mig 1.000 kr dit svin !!« Hetta komst av, at Eyyub Keten seks ferðir hevði verið til fysioterapeut. Hann hevði fingið lovað, at TB skuldi rinda fyri viðgerðina, men tá ið saman um kom – og sam­ bært sms-boðnum – fekk hann rokningina aftur í høvdið. Taka málið upp Eyyub Keten og Aumang Haji eru komnir higar um­ vegis Carsten Hille, sum er í fótbóltsumhvørvinum í Esbjerg, og umframt at hava kent Eyyub og Aumang síðani teir vóru smá­dreingir, eisini kennir Páll Guðlaugs­ son og plagar at vísa honum á spælarar í Dan­mark, sum møguliga kundu verið áhuga­ verdir fyri Páll. – Vit hava greitt Carsten frá øllum, og hann er skelk­ aður. Hann segði, at um hetta var støðan, so fór hann ongantíð aftur at senda leikarar til Føroya. Men lat okkum nú koma til Dan­ markar fyrst og síðani venda okkum til DBU og greiða frá hendingunum á Tvøroyri, sigur Eyyub, sum í løtuni stríðist við at fáa spæliloyvið leysgivið frá TB. – TB krevur at vit rinda teimum 15.000 krónur í endur­gjaldi fyri bústað og annað, annars fáa vit ikki okkara spæliloyvið leysgivið, sigur Eyyub. Eftir at vera flýddir av Tvøroyri týsdagin í síðstu viku komu teir til Havnar og høvdu ikki tak yvir høvdið. Men tá traðkaðu vinfólk til. – Stór tøkk til Bjarta M. Henriksen og Kaj Niclasen við familju fyri at hava verið ein risa stór hjálp seinastu dagarnar í Tórshavn. Nú verður hugaligari at ferðast heim, søgdu Eyyub Keten og Aumang Haji á einum máli áðrenn teir lætnaðir um hjartað fóru umborð á Norrønu hóskvøldið í síðstu viku. albinus@sosialurin.fo