mánadagur 17. mars 2014síða 18

Mánadagur 17. mars 2014 · Nr. 32 18 Sosialurin Hugskot og viðmerkingar – send sms til 225000 ítróttur fótbóltur TB-leikarar høvdu ikki pengar til mat – Í minsta lagi 20.000 krónur um mánaðin, ókeypis mat, hús og bil. Tað var tað, sum Eyyub Keten og Aumang Haji fingu lovað frá TB. Tað ljóðaði ov gott til at vera satt, og tað var tað eisini. Týsdagin í síðstu viku máttu teir flýggja av Tvøroyri, tí eftir seks vikum í arbeiðsloysi áttu teir ikki pening fyri mat og teir vóru sálarliga raktir av viðferðini og at TB-nevndin ikki lat um vón. – Tú skyldar mær 1000 krónur, títt svín, vóru seinastu orðini Eyyub Keten fekk frá formanninum í fótbóltsdeildini hjá TB, Kim Roest Pætur Albinus Tað var hin 29. januar í ár, at 25 ára gamli Eyyub Keten og 17 ára gamli Aumang Haji settu kósina ímóti Føroyum. Teir hava báðir spælt við Esbjerg fB í Danmark, men nú var tíðin komin at royna ævintýrið í Føroyum. Næsti steðgur var á Tvøroyri, har TB hevði givið teimum eitt sera gott tilboð. – Teir lovaðu okkum hús og arbeiði, har vit komu at tjena í minsta lagi 20.000 kr. um mánaðin. Teir rindaðu eis­ini flogferðaseðlarnar og søgdu, at vit somuleiðis skuldu fáa ókeypis mat. Tað var bara at koma at spæla, sigur Eyyub Keten, sum hóast alt mátti umhugsa til­ boðið. – Vit fingu eina viku at umhugsa tilboðið í. Sjálvur hevði eg familju og arbeiði í Danmark, men eg gjørdi av at siga upp og pakkaði síðani taskuna við kós ímóti Føroyum, sigur Eyyub Keten, sum hevði Aumang Haji og Mehmed Lemes við sær. Lemes fór tó skjótt heim­ aftur til Danmarkar. Væl móttiknir Eyyub Keten og Aumang Haji vóru ógvuliga hugtiknir av føroysku nattúruni, tá ið teir komu higar. Eisini mettu teir, at móttøkan var góð. – Øll vóru so smílandi og spurdu, hvussu vit høvdu tað, sigur Eyyub. Fyrstu tíðina var tó eitt sindur av rumblið við at fáa eitt hús at búgva í, og komu teir tískil at flyta ímillum nøkur hús áðrenn teir fingu fastan bústað. Avtala var gjørd um at teir kundu læna bilin hjá Pálli Guðlaugsson, TB-venj­ aranum, við teirri treyt, at teir avheintaðu hann og tóku hann við sær til allar venj­ ing­arnar. Keðilig vend Eyyub Keten og Aumang Haji hava nú verið í Føroyum í góðar seks vikur, men enn hava teir hvørki fingið ar­ beiði, pening ella mat. – Vit hava framvegis einki arbeiði, onga inntøku og hava ongar pengar eftir. Vit hava roynt at fáa ein fund í lag við nevndina, men teir royna at ganga framvið okkum og stinga av eftir venj­ing, sigur Eyyub og vísir á, at trupulleikin er um at gerast álvarsligur. – Køliskápið er við at tømast. Seinastu dagarnar hava vit bara etið breyð, tí vit hava ikki ráð at gera okkum heitan mat. Vit eru sálarliga raktir av hesi støðuni og hava trupult við at fáa svøvn. Vit hava havt og nógv at hugsa um og hava stúrt, sigur Eyyub. Arbeiddu uttan løn Sum ein partur av keð­ seminum og fyri at fáa tíðina at ganga, átóku Eyyub Keten og Aumang Haji sær at mála vaskirúmið í TB-húsinum. Hetta skuldu teir sjálvandi fáa løn fyri, varð lovað teim­ um. – Tað tók okkum fýra dagar, men vit hava fram­ vegis ikki fingið eina krónu fyri tað arbeiðið nú fýra vikur seinni, sigur Eyyub og greiðir víðari frá, at teir í tveir dagar høvdu ein afrikanskan leikara búgvandi. – Tað var ein vinmaður hjá Blé, sum var komin higar at royna seg. Kim Roest spurdi, Havi ikki nummarið hjá teimum Kim Roest noktar at hava spilt Eyyub Keten út í einum sms-boðum, sum seinni nevndi annars sigur seg hava prógv fyri. Í fyrsta lagi sigur Eyyub Keten, at Kim Roest ringdi og var í øðini og eitt nú nýtti óviðkvæmisorð. Hes­ um vísir Kim Roest aftur. – Nei, tað hevði eg ikki funnið upp á at gjørt. Ert tú svakur, spyr Kim. Vit spurdu hann, um tað passar, at hann hevur sent Eyyub eini sms-boð, har hann kallaði hann fyri eitt svín. – Eg havi ikki so frætt sum tað føroyska numm­ arið hjá teimum, so nei. Tað man hava verið onkur ann­ar, sigur hann. Undir samrøðuni vísti Eyyub Keten undirritaða sms-boðini, sum hann hev­ur givið okkum eitt av­ rit av. albinus@sosialurin.fo