mánadagur 17. mars 2014síða 17

17 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 17. mars 2014 · Nr. 32 ítróttur Víkingur 0 (0) AB 2 (1) Meiri enn helmingurin av liðnum var nýggjur, tá ið tað fyri fyrstu ferð eydnaðist AB at vinna í fyrsta umfari, og tað ímóti favorittunum í Sarpugerði. Tað eru nýggjar fótbólts­ tíðir á Argjum. Gamaní verð­ ur millum tipparar rokna við, at tað verður, sum tað plagar, og tað vil siga, at AB skal vera millum liðini, ið kappast fyri at sleppa undan niðurflyting. 26 umfør eru millum nú og síðst í oktober, og tí kann tað vera, at nógv, sum nú vendir upp, fer at venda niður um sjey mánaðir. Men eingin kann taka frá argja­ monnum, at teir í fyrsta um­fari í ár hava syrgt fyri tí, sum teir ongantíð áður hava megnað, nevnliga at vinna fulla úrtøku. – Hetta var ein sera kær­ komin sigur. Vit roknaðu við møguleikanum, at tað skuldi eydnast at vinna. Vit høvdu avrátt, at vit skuldu pressa teir frá fyrsta bríksli, og tað eydnaðist væl, sigur nýggi og væl nøgdi AB venjarin Bill Jacobsen. Annað árið í bestu deildini verður ofta sagt at vera tað torførasta. Á AB liðnum eru tó fleiri, sum ikki vóru við í fjør. Seks av teimum fyrstu ellivu vóru ikki á liðnum í fjør, og leygarmorgunin versn­aðu fyritreytirnar, tá ið Jógvan Isaksen, sum skuldi vera í miðverjuni, orsaka av sjúka gav avboð. – Fyrra málið, sum Jóan Símun skoraði í 22. minutti eftir flatt frísparksinnlegg úr høgru frá Jónasi Stenberg, var sera týdningarmikið. Fyri bæði Jóan Sìmun og liðið var tað avgerandi, at hann skoraði í fyrsta dystinum, heldur Bill Jacobsen. Lyklastøðan var, tá ið Hans Jørgen Djurhuus, fýra minuttir eftir leiðslumálið, varð vístur av vøllinum eftir nær­dyst. Harvið broyttust fyri­treytirnar fullkomuliga. Men kortini var tað Víkingur, sum síðsta stóra korterið av 1. hálvleiki var omaná. Undan vindinum tiltuskaðu heima­menninir sær nógv hornaspørk, og tað vóru fleiri spentar støður, har m. a. Finnur Justinussen var tætt við, men tað varð ikki meiri enn nær við og næstan. – Hetta var ikki okkara dagur. Eg kann ikki annað enn rósa spælarunum fyri at vísa góðan hugburð, men tað datt ikki okkum til fyrimunar, staðfesti Víkinga venjarin Sigfríður Clementsen, sum var mis­ nøgdur við, at dómarin ikki bríksl­aði fyri brotssparki í 2. hálvleiki, tá ið støðan fram­vegis var 1-0, og Finnur Justinussen fór um koll í nærdysti við málverjan, eftir at innskifti Hanus Jacobsen hevði lagt innfyri úr vinstru: – Eg skilji ikki, at tað ikki verður bríkslað, tá ið mál­ verjin rakar mannin, sum fer um koll, og ikki bóltin. AB venjarin ásannaði, at heimaliðið stóran part av tíðini leikliga var omaná. – Men vit vóru væl skip­ aðir og stóðu ímóti trýst­ inum, og eftir at Hørður M. Mohr, sum var á mið­vøll­ inum, tí Sorin var fluttur aftur í verjuna, hevði økt um leiðsl­una, so vóru vit nærri 3-0, enn teir vóru at skora, helt Bill Jacobsen. joannes@sosialurin.fo ÍF 2 (1) KÍ 0 (0) Jóannes Hansen Tølini siga, at 2013 var sonn marra hjá KÍ, sum ongantíð fekk tak á verjupartinum. Í gjár var fyrsta royndin, síð­ ani Jonas Flindt Rasmussen og Ndende komu til Klaks­ víkar við tí fyri eyga, at nú skal skil fáast á verjuni. Teir báðir vóru eyðsýndir í Fugla­ firði í gjár. 3-1 sigurin bendir á, at tað er longri millum lekarnar, og at teir ikki eru so stórir, sum teir vóru í fjør, tá ið tað í handavending eydnaðist ÍF at svara aftur, eftir at klaks­ víkingar høvdu lagt seg framum 3-0. – Vit hava arbeitt nógv við at betra um skipanina av verjupartinum. Hesa ferð órógvaði vindurin, men eg haldi, at tilvitanin um leik­ lut­ir­nar í verjupartinum sást at vera størri, og at tað var við til leggja grund undir sig­urin. Spælararnir eiga eis­ini rós uppiborið fyri, at teir arbeiddu framúr, heldur væl nøgdi KÍ venjarin Eyðun Klakstein. ÍF legði bragdliga fyri, og tað var óvæntað fyri mótstøðumenninar, at Albert Ellefsen og ÍF vóru í 3-5-2 uppstilling, sum bar við sær, at fuglfirðingar fyrsta hálva tíman oftast vóru fleiri á miðvøllinum enn mót­ støðu­menninir. Hóast ÍF hevði yvirvág, so megnaði heimaliðið ikki at spæla seg til upplagdar málmøguleikar, fyrrenn dysturin var mest sum av­ gjørdur. Tá var Dánjal á Lakjuni eina ferð spældur leysur innanfyri verjuna, men Meinhard Joensen bjarg­aði, og so minkaði Karl Løkin um munin til 3-1 við bein­leiðis frísparki, tá ið tað restaðu tríggir minuttir. – Hetta var ikki okkara dagur. Vit fingu ikki nyttu burturúr, tá ið vit vóru omaná, men tað fingu teir, sigur Bartal Eliasen, sum mannaði verjuna saman við Fritleif í Lambanum og Poul Nolsøe Mikkelsen. Høgni Zachariassen var ikki førur fyri at spæla, og tað kom illa við. Tað var avgerandi, at KÍ skoraði stutt undan og stutt eftir steðgin. Í báðum før­ um var hetta staðfesting av, at tað kostar at missa í upp­spæl­inum. Stutt undan steðg­inum legði Hjalgrím Elttør upp, og Atli Danielsen skor­aði úr stuttari fjarstøðu. Sutt eftir steðgin var tað væl upplagdi Atli Danielsen, sum spældi Páll A. Klettskarð leysan, og málslúkurin takk­ aði fyri. Sørmundur Kalsø skoraði triðja málið eftir hornasparksinnlegg frá Tóri Justesen, sum er nýggjur á vinstra vongverja. Støðutalvan sigur, at KÍ er ovast eftir fyrsta umfar. Tað leggja teir bláu vit gamla v mynstrinum um hálsin ikki so nógv í. Tað ræður um at varðveita hugburðin og spæla og stríðast. – Vit missa ikki mótið. Tað eru 26 umfør eftir, og vit ætla okkum á talvuna sum skjótast, staðfesti Bartal Eliasen. joannes@sosialurin.fo Tað er longri millum lekarnar í Klaksvík Nýggjar tíðir á Argjum Í ÍF iðra teir seg um, at tað ikki eydnaðist at vinna úrtøku , tá ið heimaliðið undan steðginum hevði leikliga yvirvág Sær út til at Hans Jørgin fær eitt frammúr gott kappingarár í ár. Hevur lagt hart út. Longu 1 reytt kort  Besta SMS'ið um dystin í Triða Hálvleiki: KÍ vann fyrsta dyst í næstan 5 mánaðar Besta SMS'ið um dystin í Triða Hálvleiki: