mánadagur 17. mars 2014síða 16

Mánadagur 17. mars 2014 · Nr. 32 16 Sosialurin Hugskot og viðmerkingar – send sms til 225000 ítróttur Klæmint og Hanus komu, sóu og sigraðu Dugdu ikki at binda posaknútin Skálamenn bjóðaðu av frammarlaga á vøllinum, men sum tíðin leið, gekk orkan undan, og so vann B36 2-0 b36 2 (1) Skála 0 (0) Jóannes Hansen Tríggir nýggir vóru millum teir fyrstu ellivu hjá B36, sum leygardagin hevði vitjan av Skála. Ein av teimum var Alex Mellemgaard, sum áður hevur spælt í AB. Hann var vongverji í vinstru, meðan Símun Joensen, sum hevur røkt henda leiklutin síðstu árini, var verjukendur mið­ vallari undir liðini á Róaldi Jakobsen. Hinir báðir nýggju menn­ inir vóru Klæmint Matras, sum var miðverji, og Hanus Thorleifsson. At siga, at teir báðir eru nýggir í B36 er ikki rætt. Klæmint verð­ur nevndur Mr. B36, og Hanus, sum er uppvaksin á Skála, hevur áður verið í árstals­ felagnum. Teir báðir – Hanus og Klæmint – komu, sóu og sigraðu. Ein stórur hálvur tími var farin, tá ið skála­ mað­urin í B36 skoraði fyrra málið. Vongverjin í høgru, Høgni Eysturoy, legði inn­ fyri, og undir málinum stýrdi Hanus Thorleifsson við krúll­inum bóltin í málið aftan­fyri Suna Ernstsson. Henda støðan helt sær í ein hálvan tíma. So var Klæmint Matras upp á spæl. Eftir horna og út frá aftur sendi Lukasz Cieslewicz flatt innfyri, og Klæmint Matras smekkaði bóltin upp undir tvørtræið og í málið! Skálamenn vildu fegnir, og teir arbeiddu hart, men sum tíðin leið, var tað týðu­ ligt, at teir ikki megnaðu at fylgja við, og at tað eisini eftir hesa vitjanina í Gunda­ dali verður bíðað eftir fyrsta sigrinum ímóti B36 á útivølli. – Vit mugu ásanna, at B36 hevði tak á tí. Í 1. hálvleiki var tað á einari leið hjá okk­ um, men so møddust vit. Ferðin er hægri, enn hon er í næstbestu deildini, og tað skulu vit venja okkum við, og so mugu vit bara staðfesta, at tað telur at eiga royndirnar. Tær eigur B36, meðan vit mugu spæla okkum til tær, staðfesti Teitur R. Joensen, Skála liðformaðurin, sum var annar av miðverjunum. Hvat var ætlanin hjá tykkum? – Í fjør eydnaðist tað væl hjá okkum at vera frammar­ laga á vøllinum og at vera tættir. Vit trívast best, tá ið tað eru vit, sum hava bóltin. Tað eydnaðist ikki so væl hesa ferð. Eg rokni ikki við, at vit beinanvegin fara at broyta spælskipan, men um tað fer at vísa seg so torført, sum tað var hesa ferð, so rokni eg við, at spurningurin verður vendur, sigur Skála miðverjin. Brian Jacobsen var einsa­mallur á toppinum. Á sentrala miðvøllinum ar­ beiddu Pætur Dam Jacobsen og Andras Frederiksberg nógv, men tað eydnaðist ongan­tíð at seta trýst á B36 verjuna og Tórð Thomsen í málinum. B36 veteranurin Jákup á Borg var sum vera man væl nøgdur: – Hugburðurin var góður, allir arbeiddu væl, og tað eydn­aðist væl at bróta ígjøgn­um í síðunum soleiðis, sum vit høvdu ætlað. Upp­ leggið var eisini at pressa teir frammarlaga, og tað gekk eisini væl. Tórður hevði einki at gera, og tað var hugaligt, at Hanus og Klæmint skoraðu. Hetta var ein góð byrjan, og um vit varðveita fólkið og sleppa undan leikbannum og skaðum, so kunnu vit vera við í kappingini um plássini í Europa, heldur Jákup á Borg. joannes@sosialurin.fo EB/Str 1 (0) HB 1 (1) HB hevði møguleika fyri triva­ligari leiðslu, áðrenn EB/Streymur svaraði aftur og hevði møguleika at vinna 1-1 við Margáir millum meistararnar í HB og EB/ Streym, sum heldur seg hava grundarlag fyri ætlanum at vera við í toppstríðnum. Tá ið Dagfinn Forná hevði bríkslað fyri síðstu ferð, skundaðu spælararnir sær undir tak. Beinanvegin eftir fyrsta bríksl fór veðrið at arga, og nógvi vindurin spældi stórt puss, so tað ikki varð skipaða fótbóltsspælið, ið tað kann roknast við, at hesi bæði liðini eru før fyri at diska upp við. Í fleiri ár hevur Fróði Benjaminsen gingið undan og átt størsta lutin í, at FM heiti eru endað í HB húsinum. Tað var týðuligt, at liðformaðurin framvegis er svangur eftir at vinna og at vera við í málskjótingini. Andrew av Fløtum var sen­ tralur í uppspælinum, og hóast René Tórgarð bjargaði eftir fyrru royndina, so megn­aði Fróði at seta hol á. Tá restaðu fimm minuttir av 1. hálvleiki, og HB leiðslan helt, inntil tjúgu minuttir undan dystarenda. Leif Niclasen javnaði, eftir at Hans Pauli Samuelsen hevði lagt innfyri úr vinstru. Møguleikin stóðst av, at HB misti í uppspælinum í høgru. Í sovornum støðum hava sundalagsmenninir so ofta víst, hvussu vandamiklir teir eru, og tað eru teir framvegis. – Umstøðurnar vóru tor­ førar, og tá ið alt kemur til alt, so er tað ivaleyst í lagi, at tað endaði javnt. Vit høvdu møguleikar at økja um leiðsl­una, men vit tóku ikki av, og so svaraðu teir aftur, var viðmerkingin hjá HB liðformanninum Fróða Benjaminsen. Meðan HB var í kendari uppstilling, so vórðu tríggir nýggir menn á EB/ Streyma liðnum. Millum teirra Jónas Tór Næs og Pól Jóhannus Justinussen, sum mannaðu vongverjarnar og harvið tiptu fyri skjótu HB gjøgnumbrotunum í borðunum. – Tað var torført at fáa orduligt fótbóltsspæl í lag. Vit vístu góðan hugburð og komu afturíaftur. Síðstu løt­ una vóru vit omaná, hóast vit høvdu vindin ímóti, og vit høvdu møguleikar at skora sigursmálið, men úrslitið mundi vera á einari leið, staðfesti nýggi EB/Streyma spælarin Jónas Tór Næs. Umframt Jónas og Pól Jóhannus var miðvallarin Høgni Madsen eisini nýggjur á EB/Streyma liðnum. Nógv hevur verið tos­að um, at HB við Poul Ingason, sum er komin úr TB og í Gundadal, hev­ur fingið nýggjan álops­trumf. Poul Ingason var ikki á dómara­ listanum leygar­dagin. Hann var á 1. deildar­lið­num, sum í gjár spældi ímóti TB. joannes@sosialurin.fo So er fótbólturin BLÁSTUR í gongd aftur Besta SMS'ið um dystin í Triða Hálvleiki: B36 byrjaði árið við at Skála Besta SMS'ið um dystin í Triða Hálvleiki: