týsdagur 18. mars 2014síða 8

Mikudagur 19. mars 2014 · Nr. 33 8 Sosialurin Hugskot og viðmerkingar – send sms til 225000 Marjun Dalsgaard Tað var best um landið átti SEV. So bersøgin er vinnu­ málaráharrin, Johan Dahl, í Sosialinum mándagin. Men um landið skal yvirtaka SEV, skal tað gjalda nógvar 100 milliónir krónur í endur­gjaldi, sigur Heðin Mortensen, formaður í kommunusamtakinum. – Kommununar hava sett SEV á stovn. Tær hava goldið tað, tað kostar og fingið tað at rigga. Allar íløgur, sum eru gjørdar, og tann raksturin, sum kommunurnar hava goldið, síðan SEV varð sett á stovn, skulu kommunurnar hava endurgjald fyri, um landið ætlar at yvirtaka SEV, sigur Heðin Mortensen. – Talan er um nógvar 100- tals milliónir, leggur hann aftrat. Hann heldur ikki, at tað verður bíligari fyri brúkaran, um landið yvirtekur SEV. – Eg trúgvi ikki, at tað verður bíligari fyri brúkaran – tað liggur eftir at vísa, hví tað skal vera tað, sigur Heðin Mortensen. Haraftrat eru kommunurnar tær, sum eru best fyri at fremja tær bygnaðarbroytingar, sum eru á veg. Skal hava pro­ fessionella nevnd Ein av atfinningunum hjá vinnumálaráharranum er bygn­aðurin hjá SEV, har tey sjey kommunuøkini velja eitt umboð hvør. Vinnu­ mála­ráharrin saknar eina »virkisfúsa og professionella nevnd«, sigur hann. Á tí økinum koma helst broytingar í nærmastu fram­ tíð, sigur Heðin Mortensen. – Vit hava arbeitt við hes­ um eina tíð, og tað er stórt sæð klárt at leggja fram fyri eigarunum, sum er komm­ urnar. Tað eru tær sum av­ gera, hvussu bygnaðurin skal vera, men eg haldi, at tíðin er farin frá hesum háttinum at skipa seg uppá, sigur Heðin Mortensen. Hann heldur, at SEV skal leggja seg efter at hava eina professionella nevnd og skal leggja seg meiri eftir at skipa seg, sum stórar fyritøkur gera. – Vit mugu fylgja við tíð­ uni. Samfelagið broytist, og tað hevði eftir mínari meting verið gott at broytt bygnaðin á SEV soleiðis, at vit hava eina meira virkisfúsa nevnd, sum líkist meira ti, sum stór­ar fyritøkur hava, sigur Heðin Mortensen og leggur aftrat: – Hetta er als ikki fyri at tala at tí arbeiði, sum hevur verið gjørt – tað er eitt gott arbeiði, men vit mugu fylgja við tíðini. Nýggi leisturin er ikki heilt í tráð við, hvussu pro­ fessio­nellar nevndir verða valdar, men skal í størri mun leggja dent á eginleikar hjá nevndarlimunum, og at teir passsa saman, so man fær eina nevnd, sum er fjøl­ broytt, og har limirnir hava ymisk­leikar, sum stuðla upp­undir hvønn annan. Kommun­urnar taka avgerð um bygnaðarbroytingarnar 28. mars 2014. Vil skilja net og framleiðslu at Eitt sum Johan Dahl finn­ist at er, at SEV bæði fram­leið­ ur og selur el. Hetta oyði­ legg­ur kappingarførið. Tí skal el-netið sum minsta mát skiljast frá SEV, tí tað skeiklar kappingarførið hjá el veitarum. Hesum er Heðin Morten­ sen ikki ósamdur í. Tað er møguligt, at tað ikki er besta loysnin, men so má landið gjalda, tað aftur, sum kommunurnar hava goldið til viðlíkahald av net­ inum og fyri tær íløgur, sum eru gjørdar, sigur hann. – Tað eru kommununar, sum hava sett SEV á stovn. Tær eiga SEV, og tær avgera, hvat skal henda, sigur Heðin Mortensen. marjun@sosialurin.fo tíðindi Landið skal gjalda endurgjald fyri SEV Um landið vil eiga SEV, má tað gjalda endurgjald til kommunurnar fyri allar tær íløgur, sum eru gjørdar, og fyri tann raksturin, sum kommunurnar hava goldið fyri seinastu 50 árini, sigur Heðin Mortensen, formaður í kommunusamtakinum – Kommunurnar hava gjørt eitt gott arbeiði, sigur stýrisformaðurin í SEV, Jákup Suni Lauritsen. Sam­bært honum er tað júst tí, at SEV eigur bæði net og framleiðslu, at tað í dag er gjørligt at veita eina samhaldsfasta tæn­astu, sum kann økja um fram­leiðsluna við stuttum skot­ bráði og sum tryggjar øllum ein rímuligan prís uttan mun til, hvar í landinum tey búgva Johan tekur partí við Røkt Sambært vinnumála­rá­ harr­anum er bygnaðurin í SEV ein søgulig leivd, sum forðar fyri kapping. Hesum er stýris­formaðurin í SEV, Jákup Suni Lauritsen, als ikki samdur í. Tvørturímóti er SEV úrslitið av, at komm­ unurnar hava gjørt eitt gott arbeiði í 50 ár, og júst hetta tryggjar at vit í dag hava eitt gott net og eina samhaldsfasta skipan, sigur hann. – Um tú samanber við onnur oyggjalond hava tey ikki í nær námind eitt so gott net sum vit. Komm­unur­nar hava gjørt eitt gott arbeiði, og tað er orsøkin til, at vit í dag hava eina sam­haldsfasta skipan, sum tryggjar øllum borgarum ein rímiligan prís uttan mun til, hvar tey búgva. Har­aftrat eru vit før fyri at við stuttum skotbráði at framleiða nógvan streym til virkini á Tvøroyri og Fuglafirði – hetta høvdu privatir veitarir ikki verið førir fyri, sigur hann. Jákup Suni Lauritsen heldur somuleiðis, at skipanin verður meiri kostnaðar­mikil og stirvin, um netið verður skilt frá fram­leiðsl­uni hjá SEV. Johan Dahl ikki neutralur Sjónarmiðið hjá vinnu­ málaránum um manglandi kapping, kann hann heldur ikki taka undir við. – Vit hava kappast um at gera vindmyllulund í Húsa­ haga og Neshaganum, og vit vunnu báðar. Um Johan Dahl heldur, at vit ikki hava kappast á røttum grundar­ lagi, eigur hann siga við Jarðfeingi, sum er undir honum, at tey skulu gera eitt útboð, sum tryggjar kappingarførið, sigur stýrisformaðurin. Hann leggur aftrat, at hann ikki heldur at vinnu­málará­harrin er neutralur. – Vinnumálaráðharrin skal vera neutralur í mun til el-orkuøkið, tá ið hann nú er so heitur talsmaður fyri kapping. Jarðfeingi er undir Johan Dahl, og tann stovn­unirn skal viðgera allar umsøkjarar á sakligum og fakligum grundarlagi. Men arbeiðsgevarin hjá Jarð­feingi, Johan Dahl tekur alment partí við Røkt, hvat álit skulu vit tá hava á einari nýggjari skipan, sum tekur støði í kapp­ingar­ele­ mentinum, spyr Jákup Suni Lauritsen og leggur aftrat: – SEV hevur einki ímóti kapping, men tað skal bara fara rætt fram. marjun@sosialurin.fo Bakgrund Tað eru kommunurnar, sum eiga SEV, men verður tað upp til vinnumálaráharran, Johan Dahl, skal landi eiga SEV. Tað sigur hann í sambandi við tema um orkupolitik í Sosialinum mánadagin 17. mars. Í dag eigur SEV netið og hevur veitingarskyldu. SEV hevur í 50 ár somuleiðs haft rættin til vatnorkuna, men tann rætturin gekk út í oktober 2013. Í løtuni verður viðgjørt, um SEV framyvir skal eiga rættin til vatnorkuna. Vinnumálaráharrin heldur, at sum minsta mát, eigur netið at vera skilt frá framleiðsluni hjá SEV, soleiðis at landið eigur netið. Um ikki netið verður skilt frá SEV, so eigur SEV at gera bygnaðarligar broytingar, sum tryggja, at einki samband er millum framleiðslu og net. Vinnumálaráharrin finnist haraftrat at bygnaðinum í SEV, har umboð frá kommununum sita í nevndini. Hann heldur, at felagið - uttan mun til um tað er kommunurnar ella landið, sum eigur tað - eigur at hava eina "virkisføra og professionella nevnd", sum verður vald á aðalfundi. Tí skal SEV vera eitt partafelag, sigur vinnumálaráðharrin. Tað er millum annað spurningurin um, hvussu landið kann føra ein orkupolitikk, sum liggur aftanfyri tankarnar, hjá vinnumálarnum. Haraftrat er tað av týdningi, at kapping fæst inn á orkuøkið