hósdagur 20. mars 2014síða 30

Fríggjadagur 21. mars 2014 · Nr. 34 30 Sosialurin Hugskot og viðmerkingar – send sms til 225000 Jákup Strøm farin Nú mánadagin 18. mars 2014, bórust boðini um, at Jákup Pauli Strøm, stjóri í Tórshavnar Kvøld- Ungdóms- og Listaskúla, var deyður. Í apríl í fjør fekk Jákup boð um, at hann var illa sjúkur, og longu nú – minni enn eitt ár eftir – andaðist hann, bara 58 ára gamal Jákup Strøm vaks upp í Vági, har hann varð føddur tann 19. januar í 1956. Hann var cand.mag. í sam­ felagsfrøði og søgu, og í 1986 fór hann í studenta­skúlan í Hoydølum at undirvísa. Hann var eisini lestrarvegleiðari í Hoydølum í fleiri ár. Í 2007 tók Jákup Strøm við sum stjóri í Kvøldskúlanum í Havn. Her skipaði hann við sínum tiltikna ídni og nær­ lagni fyri, at kvøldskúlin gjørdist Føroya nógv størsti skúli við umleið 2.400 næm­ ingum tilsamans. Jákup strembaði eft­ir og kom á mál við at víðka útboðið og tilboðið hjá Tórs­ havnar Kvøld-, Ung­dóms- og Listaskúla, og hetta fevn­ ir í roynd og veru um nógv meira enn tað, vit eru von at seta í samband við kvøld­ skúla­virksemi. Jákup Strøm var limur í Tórshavnar Bátafelag tey flestu árini, síðan felagið varð stovnað í 1998. Hann var altíð siðiligur og róligur, men eisini har áhugaður í gongdini hjá felagnum og skipaði av og á sum kønur siglari fyri fyrilestrum um eitt nú sigling og trygd á sjó­ num. Jákup átti sín snøgga og væl røkta bát, sum liggur í Vágsbotni, og Jákup hevur nú siglt sín seinasta túr. Á Kvøldskúlanum í Havn sigur leiðslan, ið tekur við eftir Jákup, at har sakna tey øll hann illa, og tómrúmið er stórt. Hann var ein fyrimynd og eitt virðiligt umboð fyri skúlan. Ærað veri minnið um Jákup Paula Strøm. Sonne Smith 11. mars fingu Allan Pauli og Hallgerð Signa ein lítlan beiggja. Hann var 51 cm langur og vigaði 2880 gr. Foreldrini eru Lív Vilhelmsen og Eyðun Gaard, Sandavágur. 7. mars fekk Birita eina lítla systur. Hon var 52 cm long og vigaði 3580 gr. Foreldrini eru Annika á Borg og Ári Egason Dam, Tórshavn. 8. februar fingu Sunrid Mørkøre og Svend Juel Rasmussen, Klaksvík, ein son. Tann 11 mars blivu Fróði Thomsen úr Sunnbø og Jessy Atla­dóttur av Sandi foreldur at eini gentu. Hon var 55 cm long og vá 4000 gram. Føðingar Magnus Holm farin Nú jólatíðin nærkast – mót’ ársins enda ber – fer hugurin at sveima um tað, sum farið er, fram rennur aftur løtan, sum svár so mongum var, tá feigdin gjørdi um seg, og boð var eftir tær. Í silvitni tú sigldi og gleddist um títt far, eitt summarkvøld so vakurt út hugurin teg bar, tað ongan mundi vara – tú bar ei boð í bý – so eru Harrans vegir – vit skilja ikki hví? – Tað kennist tómt á garði – nú tú ei hoyrist her, eitt lívsstykki er farið, og sakn tað við sær ber. ___ Títt lætta, ljósa lyndið og skemtiliga tos – og hartil oftast spældi á vørrunum eitt bros, slíkt kundi lyfta hugin upp um alt strev og stríð, eitt gott orð við á vegnum stórt virði er í tí. – - - Sum granni vart tú góður – og gott var vinalag, av tiltøkum so mongum tit løgdu rygg til tað. Men vanlukka teg rakti, og arbeiðsførið fall, tað tók tær fast, at trygdin tær slepti upp á fjall, men nú teg feigdin rakti, so frægt tú mentur var, at vón um ljósar løtur í barminum tú bar. ___ Meg minnist nýggjársaftanskvøld í fjør um miðjunátt, tá saman okur stóðu – árið fór um evstu gátt – og sóu bálalogan, sum móti skýggjum dró, við minnum um tað farna og ynskjum blíð og góð. Jú, mannabørn tey spáa, men Harrin hann man ráða. Við hesum fátæku orðum vilja okur lýsa frið yvir minnið um grannan og vinmannin Magnus Holm. Gjógvarávegur 11 NePtuN 80 ára føðingardagur Mikudagin 2. apríl fyllir Nancy Rasmussen, Lamba, 80 ára. Dagurin verður hildin í Elim í Søldarfirði frá kl. 17.00. Øll eru hjartaliga vælkomin! 75 ára føðingardagur 1. apríl verður Martin Andreasen í Vági 75 ár. Dagurin verður hildin heima á Fossavegi 32 tann 5. apríl, frá kl. 14.00 til 19.00. Øll eru hjartaliga vælkomin. 70 ára føðingardagar Í sambandi við at Jens Christian og Ingrid Hentze fylla sjeyti tann 28. februar og 24±. mars verða dagarnir hildnir í missiónshúsinum í Hvalba leygardagin 29. mars millum kl. 13 og 18. Øll eru hjartaliga vælkomin. Jens Christian og Ingrid