týsdagur 25. mars 2014síða 14

Mikudagur 26. mars 2014 · Nr. 36 14 Sosialurin Hugskot og viðmerkingar – send sms til 225000 Fult fokus sea shepherd Undir herrópinum »Faroe Islands – Grindstop 2014« fyrireikar Sea Shepherd sítt størsta átak í Føroyum nakrantíð. Í fýra mánaðir skulu 300 til 500 sjálvboðin verja grindahvalin móti føroyingum Jón Brian Hvidtfeldt – Verður tað grind, so fara vit at gera alt tað, ið vit eru ment fyri at órógva grindadrápið. Okkara uppgáva er at verja grinda­hvalin, og vit fara langt í okkara stríði. Amerikumaðurin Scott West er sjálvur fjórði komin til Føroya fyri at kanna umstøðurnar, nú Sea Shepherd fyrireikar sítt størsta átak í Føroyum nakran­tíð. Scott West er gamal í hvala­verndar­felags­skap­ inum Sea Shepherd. Frynt­ligi maðurin, sum sam­bært sær sjálvum er gamal løg­reglu­ maður, hevur eina drúgva fortíð í umhvørvis­felags­ skap­inum. Hann byrjaði at lata pengar til Sea Shepherd afturi í átta­tiárunum, hann hitti fyrstu ferð umstrídda leiðaran Paul Watson í nítiár­ unum og hevur arbeitt fyri felagsskapin síðani. Scott West stóð á odda fyri átakinum hjá Sea Shepherd í Taiji í Japan, har al­tjóða fokus varð sett á veið­una eftir delfinum. Tann søgan er eitt nú fortald í filminum »The Cove«, sum í 2010 fekk eina Oscar virðis­ løn sum besti doku­mentar­ filmur. Nú standa Føroyar fyri framman: – Vit ætla at seta fult fokus á Føroyar. Tað verður gjørt av landi, úr sjónum og úr luftini. Og boðskapurin skal út til so mong, sum yvir­ høvur tilber, sigur Scott West við sannføring í røddini. Við sær til Føroya hevur Scott West 20 ára gomlu dóttrina Eloru, danska Sea Shepherd limin Lukas Erichsen og so ein fjórða lim í felagsskapinum. Skegg­ vaksni maðurin vil bara nevnast Jake, og hann ynskir ikki at avmyndast til blaðið. Teirra ørindi hesaferð eru fyrst og fremst fyri­reik­ ingar. Tey hava koyrt runt og hugt eftir hvalvágnum kring landið, hava sæð hvala­ støðina við Áir og fríggja­ dagin vóru tey á fundi við Peter Thaysen, chef­ politiinspektør. – Ja, hann var sera vinar­ ligur og greiddi okkum frá, hvussu reglurnar eru her í Føroyum. Øll hesi praktisku viðurskiftini, hvat man kann og hvat man ikki kann, sigur Scott West og leggur afturat: – Eg eri jú sjálvur gamal politistur, so vit fingu eitt fínt prát. Eg skemtaði við, at hann mátti keypa eyka nógv inn av mati til brummuna í summar, og hann svaraði mær skemtiliga, at her í Før­ oyum fingu fangar ikki mat. Jú, tónin var góður, sigur Scott West. Átakið Men hóast ovastin fyri politiið í Føroyum hevur gjørt hvala­verndar­felags­ skap­inum púra greitt, hvørjar reglur eru galdandi í Føroyum, so hevur boð­skap­ urin frá hesum myndugleika trupult við at festa seg hjá teimum fýra Sea Shepherd fólkunum: – Jú, hann greiddi okkum frá reglunum. Og jú, vit lurt­ aðu. Men vit søgdu ikki, at vit ætla okkum at halda hesar reglur. Vit geva eingi slík lyfti, greiðir Scott West frá. Sambært umhvørvis­ mann­inum er linjan greið. – Øll, sum vera við í okk­ara átaki í Føroyum í summar, fáa at vita, at her er ein vandi fyri at verða hand­tikin. Tí vit ætla at fara rættuliga langt fyri at verja grinda­hvalin, sigur Scott West. Sea Shepherd hevur ætlan­ir um at savna millum 300 og 500 aktivistar, sum sjálv­boðin skulu vera við í stríð­num fyri at verja grinda­ hvalin móti føroyingum. – Vit byrja okkara átak, væntandi 11. juni, og ætla at halda fram líka til oktober, sigur Scott West. Dótturin stendur fyri at savna saman sjálvboðin til upp­gávuna. – Tey flestu koma úr lond­ um, ymsastaðni í Evropa. Men vit rokna eisini við at fáa nøkur úr Norðuramerika og eisini úr Fjareystri, sigur Elora West. Arbeiðið at fáa aktivist­ar­ nar til Føroya fer fram í løt­ uni, og felagsskapurin fjalir ikki fyri, at enn er nógv eftir at gera. Eisini praktiskar upp­gávur, so sum at útvega bústað til hesi fólkini, ið tó neyvan øll verða í Føroyum í senn, alt tíðarskeiðið frá juni til oktober. – Men tað hevur týdning at vit eru mong í tali. Vit vita, at 23 góðkendar hvalvágir eru í Føroyum, og vit ætla okkum at fylgja væl við á øllum hesum 23 støðum. Tí koma vit at hava fólk kring alt landið, sigur Scott West og heldur fram: – Kemur ein grind, so ætla Scott West (t.v.) og 20 ára gamla dótturin Elora West, bæði úr USA, og danski Lukas Erichsen kanna umstøðurnar, nú Sea Shepherd fyrireikar sítt størsta átak í Føroyum nakrantíð. Fjórði Sea Shepherd limurin í ferðalagnum ynskir ikki at koma við á mynd Savnsmynd