hósdagur 27. mars 2014síða 28

Fríggjadagur 28. mars 2014 · Nr. 37 28 Sosialurin Hugskot og viðmerkingar – send sms til 225000 ítróttur fótbóltur upptakt Jóannes Hansen Eftir at vetrarfótbóltur hev­ ur verið á skránni tvey tey fyrstu vikuskiftini í ársins út­gávu av Effo-deildini, so leggur veðrið í hesi vikuni upp til, at tað verður vár í luft­ini hetta vikuskiftið, tá ið triðja umfar er á breddanum. Síðsta sunnudag var mest umrødda uppgerðin tann í Klaksvík, har KÍ við 1-0 sigri á Víkingi helt tørn um góðu gongdina og hevur fulla úrtøku. Hjá Víkingi vóru marginalirnir ikk við fyri aðru ferð av tveimum møgu­leikum, og tølini siga, at Víkingur einki stig hevur fing­ið,og at málmunurin eftir tvey tey fyrstu umførini er 0-3. Tað er sjáldsamt, at Finnur Justinussen, Filip Djordje­vic og Súni Olsen og aðrir mál­sóknir spælarar hjá Víkingi tvær ferðir á rað ikki finna vegin til meskarnar í mót­støðu­málinum. Felags fyri upp­gerðirnar ímóti AB á heima­vølli og KÍ á útivølli er, at Víkingur hevur spælt seg til upp­lagdar málmøguleikar. Torført hjá bygdunum í Gundadali Tað kemur ikki so ofta fyri, at bæði favoritt liðini í Gunda­ dali eiga heimavøll í sama umfari. Soleiðis er tað hesa ferð. B36 fær í kvøld vitjan av Víkingi, og sunnudagin er klassikarin millum HB og KÍ á skránni. Tølini siga, at B36 og HB missa sjáldan í Gundadali, og at tað er mest sum ikki kemur fyri, at tað endar málleyst, tá ið havnarfeløgini eiga heima­vølli. Tað er ongantíð end­að málleyst millum B36 og Víking, og tað er heilt merkis­vert, at klassikarin í Gunda­dali millum HB og KÍ ongan­ tíð er endaður mál­leysur. Víkingur og B36 hava dystast síðani 2008, og upp­gerð­ir­ nar millum HB og KÍ hava í lands­kapp­ingini verið á skránni á mest sum hvørjum ári síð­ani 1942! Tvey tey seinastu árini hevur B36 vunnið 4-0, 3-2 og 3-0 ímóti Víkingi, sum í seinnu uppgerðini í 2012 megn­aði 1-1. Víkingur hev­ur ikki vunnið á B36 á úti­vølli síðani 2010, tá ið tað eydn­ aðist tvær ferðir. Víkinga søgan gongur aftur til 2008. Síðani tá hevur felalgsliðið tíggju ferðir vitjað B36, og úr­tøkan er tríggir sigrar, ein javn­leikur og seks tap. Síðani 2005 hava tað verið tríggjar innanhýsis upp­gerð­ ir, og tvey tey seinastu árini hevur tað einki borið til hjá klaksvíkingum, tá ið teir hava vitjað HB, sum í fjør vann 3-0 og í fyrraárið 5-0! 2011 var katastrofuár hjá HB, sum í Gundadali tvær ferðir legði rygg til tapo ímóti KÍ – 1-4 og 1-3. Umframt hesar báðar ferðirnar í 200 hevur KÍ bara vunnið tvær aðrar ferðir í Gundadali ímóti HB síðani túsund ára skiftið – 0-1 í 2008 og 1-2 í 2001. Toppur og botnur Tá ið B36 leygardagin slapp úr illveðrinum á Argjum og heim aftur í veðurgóða Gundadal við 2-1 sigri, var tað kanónin hjá Róaldi Jakob­sen, sum við tveimum rimmar langskotum syrgdi fyri málunum. – Tað týdningarmiklasta er, at vit vinna. Vit eru fegn­ ir um hesar báðar fyrstu sigr­ar­nar. Nú eiga vit Víking, og tað rokni eg við verður ein tor­førari avbjóðing enn tær báðar, sum vit higartil hava havt, sigur tvífaldi mál­ skjúttin. Hann er partur av liði, sum tað longu nú kennist sum, at tað hevur eydnast nýggja venjaranum, Sámal Erik Hentze, at samanspæla góða blanding millum til­ komnar og royndar spælarar og ungar spælarar, har fleiri longu hava roynt seg í nøkur ár í bestu deildini. Hóast tvey tap, og hóast teir í 180 minuttum ikki hava funnið vegin til mót­støðu­ málið, so havi víkingarnir ikki mist mótið: – Í Klaksvík gjørdu vit alt tað, sum vit høvdu avtalað, og vit spældu okkum fram til fleiri upplagdar mál­møgu­ leikar, men kortini eydnaðist tað ikki. Tað harmast vit yvir, og vit staðfesta, at vit higartil ikki hava havt margi­ nal­irnar við okkum. Men vit ætla okkum fulla úrtøku í Gundadali, sigur Víkinga mið­vallarin Sølvi Vatnhamar. Klassikari í nýggjum ljósi HB er FM favorittur, og úrs­ litini í tveimum teimum fyrstu umførunum kundu bent á, at KÍ er betri fyri í ár, enn liðið var í fjør. Hóast leik­ liga avrikið ikki hevur verið heilt sannførandi, so kennist tað sum um, at javnvágin á liðnum er betri, og serliga í verjupartinum er liðið betri skipað, enn tað var í fjør, tá ið málini í stórum tali skolaðu ígjøgnum. Hóast HB síðsta sunnudag vann 3-1 á heimavølli ímóti silvurvinnarunum í ÍF, so vóru teir ikki nøgdir við av­ rikið í 2. hálvleiki. HB venj­ arin Heðin Askham var í Klaks­vík sunnudagin, tá ið KÍ átti heimavøll ímóti Víkingi, og hann hevur sína fatan av, hvat skal til: – Vit spældu væl í 1. hálv­ leiki, tá vit royndu at spæla fótbólt. Eftir steðgin spæla vit ikki væl. Tað var panikkur í, og eg eri sera fegin um, at vit vunnu. Liðið er framúr, og um vit spæla sambært ætlan­ini, sum vit hava, so fara vit at vinna, sigur Heðin Askham, ið ikki minst rósar veter­aninum Andrew av Fløtum fyri hansara góða spæl og stóra týdning fyri spælið. Leygardagin var Eyðun Klakstein í Gundadali og sá HB vinna 3-1 ímóti ÍF. Nú Rás2 fer um vikuskiftið at siga frá dystinum millum B36 og Víkingi. Vit byrja klokkan 15 við Fótbóltspanelinum. Klokkan 16 verður upptakt til sjálvan dystin. Eftir tíðindini klokkan 17 verður sett niðan í Gundadal, har Rás2 sigur beinleiðis frá dystinum Fríggjadagin: 15-16: Fótbóltspanelið 16-17: Upptakt 17.15: B36 - Víkingur (Beinleiðis frásøgn) Leygardagin: 13-14: Fótbóltspanelið (Endursending) Sunnudagin: 16:50: 3. Hálvleikur (Taka saman um umfarið) Í kvøld fæst at vita, um Víkingur framvegis skal stríðast í botninum, og sunnudagin fær KÍ møguleika í klassikaranum ímóti HB, sum ongantíð er endaður málleysur, møguleika at prógva sína støðu sum topplið LIÐ TÍÐINDI í Gundadali AB Skaðar: Morten Overggard (Óvist), Andras Brixen Vágsheyg (2-3 vikur, lærkrikin) Ivasamir: Sorin Anghel (Knæ), Jógvan Skeel Nolsøe (Ikki vant í vikuni) B36 Skaðar: Karl Martin Danielsen (vøddaskaði, 1 viku) Burturstaddur: Robert Heðin Brockie (uttanlands, 1-3 mðn) Ivasamur: Lukasz Cieslewicz (keikt fótin) Tøkur aftur: Hanus Thorleifsson (eftir skaða) B68 Skaðar: Evrard Blé (óvæntað drúgt, 3 vikur), Óli H. Olsen (byrjaður at jogga aftur, 2-3 vikur) EB/Streymur Skaðar: Arnar Dam (fótskaða, 3 mánaðir) Tøkur aftur: Arnbjørn Hansen (klárur aftur eftir fipurskaða) HB Skaðar: Símun Samuelsen (Hælsina, vikur), Gunnar Haraldsen (Lærkrikin, 1-2 vikur) Burturstaddur: Levi Hanssen (1. vika) Við aftur: Jógvan Rói Davidsen (Spælir helst við 1.d aftur um vikuskiftið) Fríggjadag Kl. 17:15 Dómari: Rúni Gaardbo Sunnudagin Kl. 15:00 Dómari: Lars Müller KÍ og Víkingur til próvtøku KÍ og Víkingur