mánadagur 31. mars 2014síða 35

11 Vinnublaðið hjá Miðlahúsinum nr. 3 I 31. mars 2014 já ASB, Atlantic Supply Base, í Runavík eru tey í fullari ferð við at fyrireika seg til boringin av brunninum í leitiøkinum Brugdan II á landgrunninum í ein landsining úr Føroyum, verður tikin upp aftur í næsta mánaða. Tá tann brunnurin er liðugt boraður skal pall­ ur­in flytast til leitiøkið Súlan-Stelkur, har ein brunnur skal borast í summar. ASB hevur høvuðsábyrgdina av veit­ ing­ini í sambandi við báðar brunnarnar. – Tað er um tað lagið, at alt er komið upp á pláss, so vit verða til reiðar, tá teir fara í gongd í apríl, sigur Eli Lassen, stjóri í ASB. Hann, sum er útbúgvin skipsførari, var við frá byrjan og arbeiddi ta fyrstu tíðina við móðru­tangunum, har serliga móðran, ið verður brúkt undir boringini, verður blandað og goymd. Tá leitivirksemið steðgaði upp í 2003/2004, varð hann uppsagdur og sigldi í tvey ár, til hann kom aftur til ASB í 2006. Nú sum stjóri og medeigari. Í tíðarskeiðum, tá ongar boringar hava verið, hevur starvsfólkahópurin verið fá­ mentur, onkuntíð hevur Eli Lassen verið einsa­mallur, men tá leitiaktivitetur er, starv­ast um­leið 15 fólk í felagnum – fimm á skriv­stov­ uni og eini 10 á havna- og goymslu­økinum. Runavík vann Tað vóru oljufeløgini aftanfyri tey fyrstu átta leitiloyvini, ið eftir eitt undangóð­kenningar­ um­far valdu Runavík sum oljuútgerðarhavn, tá far­ast skuldi undir fyrstu leitiboringina í 2001. Vinnan kring fjørðin og eisini aðra staðir í landinum hevði longu í 1999 tikið eitt týdningar­mikið stig at fyrireika seg til eina møgu­liga oljuvinnu, tá ASB varð stovnað. Tað vóru 19 feløg, ið tóku seg saman at stovna veitingafelagið. Okkurt av hesum er ikki til longur, og onkrar broytingar eru annars gjørdar í ognarskapinum, soleiðis at eigara­ skarin í dag telur 17 feløg og einstaklingar. At ASB longu var til og hevði heimstað í Runavík taldi avgjørt til fyrimuns, tá olju­ feløgini valdu Runavík fram um Drelnes á Tvøroyri, Tórshavnar Havn og Sund við munnan á Kaldbaksfirði. – Er tað eitt stað í Føroyum, sum er betri egnað enn onnur støð at vera frá­landa­vinnu­ havn hjá oljuvinnuni, so er tað her, Runavík og Skálafjørðurin, sigur Eli Lassen avgjørdur. Vánaligur logistikkur Hann er sjálvur ættaður úr Vági, har ætlanir nú eisini eru um at gera eina olju­útgerðar­ havn, men tó at hann er góður við sína gomlu heim­bygd, heldur Eli Lassen lítið um ta ætlanina. – Logistikkurin hevur alt at siga í hesi vinnuni, og hann er ov vánaligur í Suður­ oynni. Á Skálafjørðinum eru vit í koyri­frá­ støðu til allar undirveitararnar, allar skriv­ stovur­nar í Havn og flogvøllin. Vit kunnu levera at kalla alt við stuttari freist. Tað fært tú ikki í Vági. Eg eri til dømis blivin upp­ ringdur av boripallinum og spurdur, um eg upp á eitt eygablikk kundi skaffa 300 kilo av tvisti. Tað kundi eg ikki, men eg hevði ein undir­veitara tætt við, sum kundi, og tað var Mest á Skála. Eina aðra ferð skuldu eg í snarheit skaffa 10.000 ruskposar. Tað kláraði eg, tí tað er landfast inn á Kambsdal, har lá ein undir­veitari, og teir áttu nóg mikið av ruskposum, sigur Eli Lassen. Undirveiting Hann ræðis ikki kapping um veitingina, men heldur tað vera spell, um onnur øki í landinum fara at brúka nógva orku og pengar upp á at kappast við Runavík um sjálvan leik­ lutin sum útgerðarhavn. – Kapping hevur verið um sjálva veitingar­ tænastuna. Hana hava vit tó vunnið hvørja ferð. Men eg dugi ikki at ímynda mær, at nakað annað øki í landinum kann bjóða líka góðar havnaumstøður, sum tær vit hava her. Tað vigaði sjálvsagt eisini tungt, tá olju­feløg­ ini valdu Runavík sum útgerðarhavn til teir fyrstu átta brunnarnar, sigur Eli Lassen. – Men fyri tað at Runavík er sjálv útgerðar­ havnin, og høvuðsveitarin arbeiðir út her frá, so kunnu onnur øki í landinum sagtans bjóða seg fram við planløgdum undirveitingum. Tað vildi eg hildi, var ein tryggari vegur hjá teimum at ganga, enn at gera risastórar íløgur í nýggjar útgerðarhavnir. Bara Mudd-anleggið (móðru­tangarnir, red.) hevði kostað einar 20 milliónir krónur, um tann íløgan skuldi verið gjørd í einum nú, sigur stjórin í ASB. – Og annleggið skuldi verið tvær ferðir so stórt fyri at verði heilt optimalt, um olja ella gass varð funnið, leggur hann afturat. Strong krøv Hann vísir á, at ASB gjøgnum árini hevur kýtt seg at fylgt við og ment seg, so hvørt sum krøvini frá oljufeløgunum eru vorðin meira um­fatandi og herd. – Vit hava allar tær fyriskipanir og góð­ kenningar, sum vinnan krevur og eru alla tíðina til reiðar at lúka nýggj krøv. Eg haldi, tað er best, at lata sjálva veitingarmiðstøðina, bindi­liðið millum boripallarnar og veitararnar á landi, verða so professionells sum til ber, og so annars syrgja fyri at fáa hópin av av­ leiddum vinnum kring alt landið, sigur Eli Lassen. Týdningurin av góðum fasilitetum, góðum logistikki og góðum havnaviðurskiftum verður bara størri, um olja ella gass í rakstrar­ verdum nøgdum verða funnin og ein fram­leiðsla verður úr brunnum á føroyska land­grunn­inum. – Vit klára okkum við verandi fasilitetum í Runavík til leitingarnar, sum higartil hava verið við langum millumrúmum. Men fer ein framleiðsla í gongd, so verður brúk fyri einum risa­stórum upplandi til goymslubygningar, kemikaliutangar, skrivstovur og mangt annað. Eg arbeiddi eina tíð á veitingarmiðstøðini CCB – Coast Center Base – í Ågotnes í Noregi. Miðstøðin fevndi um eitt øki á 500.000 fer­ metrar. Tað skal man rokna við. Tað ber væl til at gera ein støð av hasi støddini her við fjørðin uttan at renn seg í bygt øki ella náttúru­forðingar, men eg ivist í, um tað ber til so nógva aðra staðir, sigur Eli Lassen. ASB í Runavík hevur verið veitingarmiðstøð í sambandi við allar brunnarnar, sum higartil eru boraðir á føroyska landgrunninum. Tey framúr góðu, náttúrugivnu havnaviðurskiftini og sentrala plaseringin við stuttari frástøðu til øll sløg av undirveitarum gera Skálafjørðin sera væl egnaðan at hýsa einari oljuúgerðarhavn, heldur Eli Lassen, stjóri í ASB Tekstur og myndir: Ingolf S. Olsen H Góður logi- stikkur hevur alt at siga Hesi feløg og einstaklingar eiga ASB: Vónin, Faroe Petroleum, El-Service, p/f Eysturvág, Estra, Eli Lassen, Faroe Ship, Articon, KJ Hydraulik, Áki í Skemmuni, p/f 14, Símin Mittún, OCD, Borg, Snaraløkur, Teymavirkið og Mekanik Sum veitinarfelag ræður ASB saman við havnamyndugleikunum yvir einum oljuhavnaøki á umleið 18.000 fermetrar. Móðruanleggið við tangum eigur ASB saman við hollendska felagnum Cebo, og tað hevði kostað einar 20 milliónir krónur, um tað skuldi verið gjørt nú.