hósdagur 3. apríl 2014síða 34

Sosialurin nr. 40 · 4. apríl 2014 2 VIKUSKIFTI Miðlar Eyðun Klakstein eydun@sosialurin.fo Talgilta tíðarrákið ger, at børn brúka meira og meira tíð til elektroniskar miðlar, og tað er vanliga góðtikið, at soleiðis er tíðin. Skalt tú hava samband við børn ella vekja teirra áhuga, skal tað næstan gerast við og umvegis teldur, teldlar og onnur elektronisk tól. Í Danmark tekur miðlahúsið Berlingske Media nú eitt óvanligt stig – beint ímóti tíðarrákinum. Mikudagin kunnugjørdi Berlingske, at tey fara undir at geva eina nýggja avís út. Eina avís, sum skal venda sær til børn í aldrinum millum 6 og 12 ár. Kids’ News kallast blaðið, sum skal koma út eina ferð um vikuna. Hjálpa børnum Kids’ News skal geva donskum børnum vinklar upp á søgur, sum eru frammi í tíðini. Tey skulu frætta um Sýria og Krim, men tey fáa eisini at vita, hvat Justin Bieber hevur tikist við, og hvussu tey kunnu seta hárið. – Vit halda, at tað manglar ein avís fyri børn. Børn verða bombarderað av øllum hugsandi upplýsingum, men tað manglar onkur at hjálpa børnunum at navigera í miðlahavinum, og tað skal nýggja avísin gera, sigur Lisbeth Knudsen, sum er stjóri fyri Berlingske Media. Kids’ News kemur út fyrstu ferð 25 apríl og kemur frameftir út hvønn fríggjadag. Blaðið verður 24 síður stórt. – Vit hava kannað umstøðurnar sera væl, og greiningin vísur, at bæði børn og foreldur mangla nakað, tá ið tey ikki eru online, sigur hon. Ansið væl eftir gentunum! Redaktørur: Eyðun Klakstein Útgevari: Sosialurin, www.sosialurin.fo Sniðgevi/umbróting: Pætur Eyðunsson Jensen, Sosialurin Forsíðumynd: Teitur Hvidbro / Mynd: Ingi Sørensen klumman Berlingske Medie gongur ímóti tíðarrákinum og ger nýggja prentaða avís til børn Viðhvørt blívi eg so glað, at eg eigi synir. Teir eru lítlir enn, men um ikki so nógv ár fara genturnar í teirra flokki at byrja at sminka seg, at tosa um slankikurar, at nýta brósthaldara, hóast tað ikki nýtist fyrrenn nógv ár seinni, og at fáa tað ringt við seg sjálvar. Tí soleiðis sær veruleikin út. Gentur millum 8 og 11 ár eru glaðar og hava gott sjálvsálit. Gentur úr 12 ár og uppeftir eru oftani tunglyntar, hava ringt sjálvsálit, og í summum førum byrja tær at skaða seg sjálvar. Kanningar, sum eru gjørdar um allan vesturheimin, vísa hetta, og tað er dapurt fyri okkara gentubørn. Eg og familjan plaga at svimja hvønn fríggjadag saman við nøkrum øðrum familjum. Í brúsirúminum saman við øllum mamm­unum og børnunum leggi eg oftani til merkis, at smágentur hyggja uppá naknu kropparnar. Onkuntíð koma onkrir fittir spurningar um boppir og hár, men oftast hyggja tær bara. Og tað er so GOTT, at tær hyggja - at tær síggja hvussu normalir, vælfungerandi kvinnukroppar síggja út – við dellum, appelsin­húð, hangiboppum og arrum. Tí hvussu ofta síggja gentur normalar kroppar, ið ikki eru viðgjørdir í Photoshop ella øðrum forritum? Ógvuliga sjálvdan er svarið tíanverri. Tær verða gøddar við myndum av ano­rektiskum modellum og háttum, sum tær skulu gera fyri at síggja líka út sum modellir­nar. Tá tær síðani finna út av, at tað er ógjørligt at náa (eftirsum modellirnar eru við­gjørdar í Photoshop), gerast tær keddar og kenna seg lítið verdar. Eg veit, at hetta kjakið er elligamalt, men tá ONKI broytist, og genturnar bara fáa tað verri, so kann tað ikki sigast nóg ofta! Tit eru fantastiskar, júst sum tit eru skaptar – tað, tit síggja í bløðum, netinum og sjónvarpi, er ikki veruleikin – hann finna tit í nærmasta svimji­hyli. Far bara og hygg! So segði hann... Donsk børn fáa nýggja avís – Eg renni onkuntíð 130-140 kilometrar um vikuna um veturin, men eitt sindur styttri og skjótari teinar um summarið Marnar Djurhuus, sum setti føroyskt met í hálvum marathon farna vikuskiftið Inna Törnroos Ein nýggj prentað avís fyri børn – tað ljóðar løgið, men er veruleiki í Danmark