týsdagur 8. apríl 2014síða 28

Mikudagur 9. apríl 2014 · Nr. 42 28 Sosialurin Hugskot og viðmerkingar – send sms til 225000 ítróttur fótbóltur Heidi er til Tróndur Arge – Tórsvøllur Føroyska kvinnulandsliðið skal hósdagin spæla móti Norðurírlandi. Søguligi javn­ leikurin móti Bosnia Herso­ govina hevur givið liðnum ein moralskan uppgang. Tað ger tað ikki verri, at stóra álopsessið á liðnum er við aftur. Heidi Sevdal, sum varð kosin til ársins spælara í føroysku kappingini í 2013, hevur verið størsta álops­ hóttanin á liðnum. Hon skoraði eisini søguliga málið, tá Føroyar á fyrsta sinni fingu mál í eini HM undan­ kapping. Tað var móti Skot­ landi á Tórsvølli. Skjótu og málrættaðu renn­ingarnar hjá Heidi geva landsliðnum eina álops­hótt­ an, sum vónandi kann seta Norðurírland í skák. Brúsar av orku Mánakvøldið var fyrsta venj­ ingin hjá landsliðnum, eftir at tær leygarkvøldið spældu 1-1 móti Bosnia Hersogovina. Hóast okkara í løtum vóru trýstar nakað aftur á vøllin, so var javnleikurin fult uppi­ borin. Tær kempaðu til sein­ asta bríksl og tað sæst eitt sindur aftur á venjingini mána­kvøldið. Onkrar hava biðið um frí, men aðrar taka sær eitt sindur av løttum. Undan­takið er Heidi Sevdal, sum stendur uppi og spælir við bóltin. Hon vendir sær og smekkar bóltin í málið, meðan hinar sita og strekkja út. Løtu seinni er innanhýsis dystur á skránni. Aftur er røddin hjá Heidi at hoyra fleiri ferðir. Tá venjingin er lið­ugt og venjarin hevur havt orðið, er hon eisini tann fyrsta at reisa seg og spæla við bóltin. – Eg gleði meg øgiliga nógv at sleppa við aftur. Tað er lítið áhugavert at sita uttanfyri, so eg brúsi av orku til komandi uppgávu, sigur Heidi Sevdal. Hart at sita uttanfyri Heidi Sevdal eigur sín stóra Hóskvøldið á Tórsvølli Lands­dyst­ urin móti Norðurírlandi verður hóskvøldið kl. 19.00 á Tórsvølli. Tað er ókeypis atgongd og vónin er, at nógv fólk leita sær á Tórs­ vøll at stuðla kvinnulandsliðnum. Nei, takk! Spurd um hon hevði tikið av, um hon fekk bjóðað ein 1-1 javnleik móti Norðurírlandi, so er Heidi Sevdal avgjørd á málinum, tá hon svarar: – Nei, takk! So vil eg heldur spæla dystin og møguliga vinna, sigur Heidi Sevdal, sum spælir við HB í heimligu kappingini. Heidi Sevdal, sum hevði leikbann leygardagin, er nú til reiðar at hjálpa føroyska kvinnulandsliðnum til enn eitt søguligt úrslit Landsliðsvenjarin hjá før­ oyska kvinnulandsliðnum, Jón Pauli Olsen, fegnast um, at hann aftur hevur Heidi Sevdal at velja í mill­um. – Tað gevur okkum nak­ að heilt annað at spæla upp á. Hon er ótrúliga skjót og hevur nógva orku. Har fáa vit ein eyka møguleika í álopinum. Sam­stundis kunnu vit flyta runt við onkrum av hin­um spæl­ ar­unum, sigur lands­liðs­ venjarin. Føroyska liðið spældi ein góðan dyst móti Bosnia Hersogovina, men tað tykist púra vist, at Heidi Sevdal byrjar inni hós­ kvøldið. Eisini gjørdu báðir inn­skiftu spælararnir tað gott. Sostatt hevur lands­ liðs­venjarin eina torføra uppgávu at velja ellivu teir bestu. – Eg vil ikki kalla tað ein trupulleika. Tað er gott at vit hava fleiri spælarar, sum eru javnir. Tað bleiv eisini kjastast nógv um hvør skuldi byrja inni sein­ast, og tað síggja vit bara sum nakað positivt, at vit hava fleiri góðar spælarar, sigur Jón Pauli Olsen. trondur@sosialurin.fo Heidi við aftur