mánadagur 14. apríl 2014síða 14

Mánadagur 14. apríl 2014 · Nr. 44 14 Sosialurin Hugskot og viðmerkingar – send sms til 225000 Fróði vann á konginum Durita basti fyrrverandi føroyameistara Fróði F. Jensen vann FM-gull í einmansleiki hjá monnum við 4-2-sigri á Peteri H. Niclasen, sum var í sínari 25. FM-finalu Pætur Albinus Finalan í einmansleiki hjá monnum í borðtennis í ár var nakað heilt serligt, mest fyri Peter H. Niclasen, sum hevði silvurbrúdleyp skilt á tann hátt, at hetta var 25. ferðin, at hann var í FM-finaluni. Fyrstuferð var í 1984 sum bara 15 ára gamal, og fram til nú hevur hann vunnið heili 16 FM-gull. Hesaferð var avbjóðarin 21 ára gamli Fróði Fríðason Jensen, sum vann finaluna ímóti júst Peteri fyri tveim­ um árum síðani. Fróði spælir í løtuni við Københavns BTK í Danmark og var mettur at vera í bestu venjing til hesa kappingina. Jøvn byrjan Sum væntað, so var tað eisini Fróði, sum leikliga kom best frá byrjan, men væntað varð samstundis eisini, at Peter fór at koma við góðum mót­ svarum. Og tað kom hann. Hóast Fróði var á odda 10-6 og hevði fýra settbóltar, so megnaði Peter at koma aftur í aftur og javna til 10-10. Tá gekk tó ikki longur og Fróði stjól fyrsta sett 12-10. Í øðrum setti vann Fróði sær aftur leiðsluna, men Peter var ikki til at rista av sær. Hesaferð var Peter omaná tá ið nærkaðist end­ anum, men hetta var túrurin hjá Fróða at útjavna til 10-10. Heppið fyri spenningin var tað tó Peter, sum dró longra stráðið og við 12-10 javnaði hann til 1-1 í settum. Peter fekk takið Í triða setti var tað greitt, at Peter var um at spæla seg heitan eftir eina heldur slaka byrjan. Munurin gjørdist ongan­tíð serliga stórur í hes­ um javna dystinum, men Peter var omaná og vann triðja sett 11-8 og legði seg har­við á odda 2-1 í settum. Í fjórða setti fekk Fróði veru­liga fatur í sínum góða spæli og Peter var prísgivin í nógvum førum. 11-6 endaði hetta settið til Fróða, sum harvið javnaði til 2-2 og alt var aftur púra opið. Fróði avgjørdi Fimta sett var ógvuliga av­ Í finaluni í einmansleiki hjá kvinnum eydnaðist tað 15 ára gomlu Duritu F. Jensen at vinna 3-0 ímóti Onnu Mikkjalsdóttir, sum gjørdist meistari fyri tveimum árum síðani. Í kvinnufinaluni í ár hitt­ ust tvær ungar gentur. 15 ára gamla Durita Fríðadóttir Jensen úr Tór í Havn ímóti 16 ára gomlu Onnu Mikkjals­ dóttir, sum er úr TBF á Tvøroyri, men í løtuni spælir við Team Nørreå í Danmark. Hetta var fyrsta finalan hjá Duritu, meðan Anna farnu tvey árini hevur verið í final­uni. Fyrstu finaluna vann hon, men í fjør var hon prísgivin ímóti rimmar sterku Henriettu Nielsen, sum spælir í Týsklandi og ikki fekk komið heim til Før­ oya í ár. Durita sannførandi Við dystarbyrjan var Anna omaná og hevði vunnið sær eina leiðslu áðrenn Durita tók fullkomiliga yvir restina av dystinum. Hetta fyrsta settið endaði við teprum 14- 12 til Duritu, men hini settini vann Durita 11-6 og 11-4. Harvið vann hon finaluna greitt 3-0 og fekk gull í fyrstu FM-finalu síni. Anna var darvað av knæ­ skaða og fekk ikki spælt við fullari skrúvu, vísti hon á eftir dystin. Tær báðar spældu tveir dystir í innleiðandi kapp­ing­ unum dagin fyri, og tá vann Anna báðar dystirnar 3-2. Á tann hátt var tað kanska heldur óvæntað, at Durita megnaði at vinna somikið greitt í hesi finaluni. albinus@sosialurin.fo ítróttur kontrast fm 2014