mánadagur 14. apríl 2014síða 13

13 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 14. apríl 2014 · Nr. 44 ítróttur kontrast fm 2014 Nicolaj vann á beiggjanum Carlsson-systrarnar suverenar Nicolaj Gunnarstein er føroyameistari í einmansleiki. Tað gjørdist greitt eftir stórspæl og 2-0-sigur á stórabeiggjanum, Benjamin Gunnarstein Pætur Albinus Í mansfinaluni hjá monnum hittust brøðurnir Benjamin og Nicolaj Gunnarstein. Hetta var fyrsta ferðin í final­uni hjá 18 ára gamla lítla­beiggjanum Nicolai, með­an hetta var fjórða FM- finalan hjá Benjamin, sum eins og beiggi sín spælir bad­ minton í Danmark. Hóast báðir búgva í Danmark, so eru teir á hvørjum ári í Føroyum og spæla FM. Nicolai setti alt Dysturin byrjaði heldur óvænt­að við einum ordans háli hjá lítlabeiggjanum, Nicolai, sum setti stórt trýst á beiggja sín at vera í verju­ støðu og at vera kvikan fram til netið. Ferð eftir ferð legði Nicolai nevniliga bóltarnar stutt og hann var óvanliga beinrakin hesa løtuna, sum hann vann sær takið. Benjamin royndi at halda høvdið kalt og stríða seg inn aftur í dystin, men tað var so at siga ómøguligt ímóti næst­an feilfría Nicolai. Hetta stress­aði Benjamin so mikið, at hann gjørdist týðiliga ávirk­aður av støðuni og vreiðin var til at fáa eyga og oyra á. Hetta var settið hjá Nicolai, tað var eingin ivi í tí, og hann vann eisini hetta fyrsta settið heili 21-11. Benjamin rakk ikki Í øðrum setti var Benjamin væl betur við í spælinum og spældi tað mesta av settinum upp ímóti Nicolai. Benjamin var á odda 13-12, tá ið Nicolai tók time-out fyri at fáa greiðu á hvussu hann kundi grava góða spælið frá fyrsta settinum fram aftur. Hóast tað var trupult at liva upp til støðið, hann hevði sett í fyrsta setti, so spældi hann so­mikið væl seinna partin av øðrum setti, at hann dróg frá og at enda vann 21-16. Harvið fekk hann FM-gullið við 2-0-sigri á stórabeiggjanum. albinus@sosialurin.fo Pætur Albinus Rannvá D. Carlsson er før­oya­meistari í ein­ mans­leiki hjá kvinnum. Tað er hon eftir greiðan finalusigur ímóti Kristinu Eriksen. Streyk avstað Í einmansleiki hjá kvinn­ um hittust í ár Rannvá D. Carlsson og blaðunga Kristina Eriksen, sum somuleiðis er úr Havnar Badmintonfelag. Rannvá D. Carlsson, sum var mett at vera stór­favorittur, fekk betru byrjan­ina og streyk av­ stað alt fyri eitt. Tað var ser­liga í teimum stuttu bólt­unum og í teimum aftur á baklinjuna, at Rannvá vísti seg at vera sterk og í løtum fekk Kristinu at tuska runt á vøllinum. 12-4 til Rannvá tá ið komið var áleið í helvt, og tað gjørdist ov tungt hjá Kristinu at elta Rannvá allatíðina, sum at enda vann fyrsta sett trygt 21-10. Vísti klassan Í øðrum setti var Rannvá ikki farin niður í ferð – heldur tvørurímóti setti hon ferðina upp og smurdi Kristinu av. 8-0 var støðan áðrenn Kristina kom á talvuna, og tá var dysturin í roynd og veru av­gjørdur. Nakrir góðir bóltar vóru tó eftirfylgjandi og áskoð­ar­arnir fingu okkurt at fegnast um, men spurn­ing­urin var bara, hvussu stórur sigurin hjá Rannvá fór at verða. Sein­astu bóltarnar fekk Kristina við góðum spæli pyntað nakað um, men Rannvá vann tó trygt 21-9 og fekk gullið. Hetta er fyrsta árið hjá Kristinu Eriksen í final­ uni, og hóast eina læru­ striku hesaferð, so spældi hon væl til tíðir og stað­ festi, at hon helst er eitt navn, ið vit fara at hoyra nógv til í framtíðini. albinus@sosialurin.fo Rannvá stór­ sigur í finaluni Pætur Albinus Í tvímansleiki hjá kvinnum vóru systrarnar Brynhild og Rannvá Carlsson aftur í ár suverenar og vunnu gullið eftir stórsigur í finaluni. Systrarnar Brynhild og Rannvá Carlsson eru ikki til at steðga í tvímansleiki hjá kvinnum. Aftur í ár vunnu tær báðar gull – hesaferð ímóti Kristinu Eriksen og Sólfríð Hjørleifsdóttir. Fyrsta sett var tað yngra og meiri óroynda parið væl við fyrstu løtuna, men skjótt settu systrarnar í eitt hægri gear og vunnu fyrsta sett trygt 21-12. Annað sett struku systrar­nar Carlsson avstað alt fyri eitt og talan var um ein avgreiðsluspurning. 21-7 stóð á stigatalvuni tá ið lið­ugt var og Brynhild og Rannvá Carlsson vunnu har­ við gullið trygt. albinus@sosialurin.fo Myndir: Álvur Haraldsen