mánadagur 14. apríl 2014síða 24

24 Sosialurin Hugskot og viðmerkingar – send sms til 225000 Mánadagur 14. apríl 2014 · Nr. 44 Hvat høvdu teir gomlu sagt? – hugleiðingar og tíðindi í samband við nýggja Betesda Poul Jóhan Djurhuus gjaranes@olivant.fo Tað var ein stórur dagur í Klaks­vík, leygardagin, 15. mars, tá nýggja Betesda varð tikið í brúk, og bjóðað varð til móttøku frá kl.15 til kl.18.00 Hetta var ikki einans ein stórur dagur fyri samkomuna, men so sanniliga eisini fyri Klaksvíkina, sum við hesum bygningi, bæði innan og utt­ an, hevur fingið eina arki­tek­ toniska perlu mitt í býnum, sum einki at ivast í vil verða eitt bygningsverk, sum ferða­ fólk vilja síggja. Tað er ikki einans tað arki­ tektoniska, sum er vert at nevna í samband við nýggja Betesda, men so sanniliga eisini tað umhvørvisliga dygga íkasti, sum samkoman hevur valt, tá hon valdi at brúka sjóhita ístaðin fyri olju – tað fer ikki at renna drop­in av olju í Betesda í fram­tíðini! Andalig olja Eitt er, at tað ikki verður brúkt olja í nýggja Betesda, men ynskjandi er, at tann andaliga oljan kemur at renna í streymum, tá hátøkniliga og nýmótans ljóðorkan ber vitnisburðin og sangin út í snotuligi hølini, har millum 700 og 800 fólk kunna sita – má tað verða biðið eftir, at so verður! 3000 vitjandi Menn og kvinnur, ung og eldri, hava arbeitt sum meyr­ ur hesa seinastu mánaðirnar til tess at fáa alt liðugt, tá dyrn­ar skuldu latast upp; og klokkan 15.00 var klárt og borðreitt. Túsundavís av smá­kakum og eitt stórt litur­ tal av kaffi og te, og juice til børnini, var sett á smá borð runt um í húsinum, og fólk vórðu víst inn í hvønn krók. Portalurin hjá Norðlýs­in­ um upplýsti, at umleið 3000 fólk vitjaðu í nýggja Betesda. Fólk alla staðni frá í land­ inum, bæði fólkakirkjuni og frí­kirkjunum, vóru komin at síggja nýggja salin og at ynskja samkomuni til lukku við nýggju snotuligu høl­un­ um. Flísar úr bíbilska »Lítla-Asia« Eitt sindur av jørðildinum í tí bíbilska “Lítla-Asia” og teim­um sjey samkomunum, sum Jóhannes skrivaði til í Opinberingini, liggur nú sum gólv í nýggja Betesda. Rá­ tilfarið kemur úr einum bergi, sum liggur tætt uttanfyri býin IZMIR í vestara part­in­ um av núverandi Turkínum, og fabrikkin liggur inni í sjálv­um IZMIR, sum er gamli bíbilski býurin SMYRNA, sum var ein av teimum sjey samkomunum, sum Jó­ hann­es skrivaði til í Opinb. kapitul 2 - so ein kann ikki siga annað enn, at gólvið í nýggja Betesda er úr góðum bergi brotið. Talan er um 1000 fer­ metrar av High-Polish Mar­ mor­flísum úr sandsteini, 75 tons í alt, sum eru fluttar í trim­um 40-fót byngjum úr IZMIR til Klaksvíkar, og sum við nógvum tolsemi og ser­deilis góðum hegni, eru lagdar á øll gólvini bæði í erva og í neðra. Flísarnar eru lagdar eftir einum so­ kallaðum Rómverskum mynstri. Allar trappurnar eru lagdar við hesum somu flísum, og øll vøskini á øllum toilettunum eru eisini úr hesum sama marmorsteini og gjørd liðug í Turkínum. Børnini Á aðru hædd er stórt barna­ ansingarrúm við stór­um skíggja, og fram við vestur­ síð­uni eru fleiri rúm­lig sunnu­dagsskúlahølir, sum við sínum stóru rútum og góða útsýni, allarhelst vil seta serlig krøv til sunnu­ dags­skúlalæraran, um hann skal megna at halda fokusi hjá børn­unum á røttum stað. Loftið Tá fólk vórðu víst inn á loft­ ið, høvdu tey útsýnið yvir høvuðssalin, sum eisini tekur seg ómetaliga væl út frá loftinum; ikki minst at síggja niður yvir stólarnar, sum við sínum útvalda liti passa sera væl inn í heildina. Líkamikið hvar tú situr á loftinum, niðri í salinum ella úti í forhøllini, so kanst tú síggja bæði talara­stólin, sangkórið og stór­skýggjan - við einum so stórum skýggja skal tað vera løgið, um nýggju songbókini verður lív lagað í nýggju um­ støðunum! Hvíttmálaða rimaverkið framvið loftinum, er fram­ leitt í býnum Makfalva/ Ghind­ari í Rumenia. Tað er ein Føroyavinur, sum eigur stórt maskinverkstað í bý­num, ið hevur framleitt hetta í samstarvið við KJ- Hydraulik í Kambsdali. Hetta sama maskinverkstaðið í Rumenia framleiðir aliringar til føroysku alibrúkini. 150 sitipláss eru á loft­ in­um, sum eru træbenkur, hegnis­liga gjørdir av monn­ um í samkomuni, og klæddir við stoffi, sum kvinnur í samkomuni hava seymað. Lyft Eisini hevur man hugsa um tey, sum eru illa gongd ella sita í koyristóli. Um onkur, sum er illa gongdur, fegin vil sita á loftinum meðan møti er, so kann viðkomandi nýta lyftina, sum er løtt atkomulig úti í forhøllini. Frítíðararbeiði Samkoman í Betesda hevur havt frítíðararbeiði í nógv ára tíggir, sum ein stórur partur av børnum og ungum í Klaksvík hava notið gott av. Í nýggju hølunum skuldi ligið væl fyri at hildið fram við hesum, tí í norðara enda á aðru hædd er eitt stórt høli, sum kann brúkast bæði til frítíðararbeiði og veitslur. Nógv glas Nýggja Betesda er bæði rúm­ ligt og ljóst. Stórur partur av útsíðunum eru glas, bæði í erva og í neðra, so her kann sigast, at tað ævinliga “elverk­ ið” leverar ljóskelduna tað mesta av degnum. Tá ein kemur inn í for­ høllina, kennir ein seg væl­ komnan. Har er ljóst við góð­um útsýni og hugnaliga innrættað við smáum kafé­ borðum, sum leggur upp til, at ein steðgar á og fær sær eitt hugnaligt prát. Eis­ini er ætlanin at halda fram við opnu kaféini, ein dag um vikuna, sum eisini hevur verið seinastu tvey árini í fyribilshølunum hjá samkomuni á Klaks­víks­ veg­num, og sum hevur havt sera góða undirtøku – her eru øll vælkomin at fáa sær ein drekkamunn og eitt upp­ byggiligt prát! Kaféin verður opin hvønn hósdag kl.10.00 Sjóhiti Í einum rúmi aftanfyri pallin, sum ikki liggur so ásýnligt, er eitt anlegg, sum flestu okkara ikki hava sæð áður, og ta er Sjóhitaskipanin. Samkoman í Betesda valdi at hita nýggju hølini við grønari orku. Nýskapandi maskinmenn í samkomuni, við góðum ráð­ um frá serkønum, hava lagt hita úr vágni og inn í Betesda, sum er tað fyrsta av sínum slag í Føroyum, við tað at skipanin brúkar CO-2, sum er umhvørvisneutralt. Skipanin hevur koyrt í tveir mánaðir, og heimildarfólk siga, at hon koyrir sum ein dreymur og at húsið hevur tann hita, sum tað skal hava. Ljóðtøknin Í dag eru tað aðrir bollar á suppuni, enn tá teir gomlu bygdu gamla Betesda, tá talan er um ljóð. Men teir gomlu høvdu ofta eina kraft­ mikla og klára rødd, so teir vóru í sær sjálvum ein góð hátalaraskipan til krøvini tá. Men í dag, við teimum nógvu ljóðførunum og nógvu ljóð­ møguleikunum, eru tað heilt onnur ljóðkrøv, sum verða stilla til almennar bygn­ing­ ar. Hesi krøvini hevur man roynt at liva upp til í nýggja Betesda, sum í dag húsar eina tað mest framkomnu ljóð- og hátalaratøknina, sum er at finna á marknaðinum, ikki minst tá hugsa verður um nýggja mixipultin, sum hevur ikki færri enn 64 kanalir – ein sonn avbjóðing fyri tann unga, sum vil royna sínar tøkniligu førleikar! Nýggi salurin og nýggja ljóðtøknin í Betesda er ein samansjóðað eind, soleiðis at skilja, at ljóðskipanin sjálv­ virkandi kann justera salin til tað hægstu ljóðstyrkina og eitthvørt slag av tónleiki, sum kemur gjøgnum hátalararnar, soleiðis at tað verður tann rætti rúmklangurin úti í salinum. Ljóðskipanin eitur Acous­ tic Control System (ACS), og er ein “intellegent” skipan, sum sjálvvirkandi eisini til­ pass­ar seg eftir tí, sum ferð fram millum fólkið úti í sal­ in­um; t.d. um onkur reisir seg upp at biðja ella hava ein vitnisburð, so fangar ACS- skipanin ljóðið so væl, at tað hoyrist um allan salin – so nú er bara at fáa gongd í vitnisburðarnar! Yvir pallinum eru 12 stórir hátalarar, og úti í salinum eru 34 minni hátalarar. Yvir pallinum er eisini ein røð av projektørum, sum kunna lýsa pallin bæði frammanfyri og aftanfyri - hetta er nakað ungdóminum dámar sera væl! Yvir pallinum hongur eis­ ini stórskýggin, sum er heilar 2,88 metur høgur og 4,80 metur langur, ella knappar 14 fermetur. Øll tøknin verður stýrd frá einum stórum teldupulti (tøknioyggj), sum stendur umleið miðskeiðis í salinum, og sum tøkniliga minnir ikki sørt um eina nýmótans skipsbrúgv. Møguleikar Við nýggja salinum hevur samkoman fingið higartil ókendar møguleikar at náa út við tí livandi boð­skap­ inum. Hølini eru ikki einans væl egnaði til møtir, men eru útgjørd til konsert­fram­ førslur á altjóða støði. Tað er einki at ivast í, at konsert­ framførslur koma at gerast