mánadagur 28. apríl 2014síða 38

14 nr. 4 I 28. apríl 2014 Vinnublaðið hjá Miðlahúsinum Starvsfólk í óvissu it hava eina sera vánaliga nevnd. Nevndin arbeiðir yvir­høvur ikki fyri okkum og enn minni, at hon lurtar eftir okkum. Tað ber slett ikki til at hava upp­boðssølu við bara tveimum fólkum. Tað hava vit – bæði vit, sum eru koyrd, og tey, sum eftir verða – sagt allatíðina, men nevndin letst ikki um vón. Oskar Joensen, uppboðssøluhaldari, er ber­søgin um støðuna á hansara arbeiðsplássi, Fiska­marknaði Føroya (FMF), har hann hevur starvast seinastu góðu 20 árini. Í februar var hann eitt av trimum starvs­ fólkum, sum vórðu søgd úr starvi vegna sparingar. Tey arbeiða tó øll enn, tí upp­ sagnar­tíðin er ikki úti. – Fyri meg kann tað gera tað sama, tí eg fari at eldast, so mín tíð fer at styttast, men tað er ikki líkamikið fyri Fiskamarknaðin og hini starvsfólkini, sigur Oskar Joensen. Tódnaður hópur Um somu tíð, sum hann, Elin Lamhauge og Ann-Britt Johannesen, sum báðar eru sølu­ um­sitingarfólk, vórðu søgd úr starvi, segði Jens Christian Olsen, stjóri, seg eisini úr starvi. Tískil tódnar starvsfólkahópurin eftir ein­um hálvum ári úr sjey niður í bara tvey, tá upp­sagnar­tíðin hjá teimum uppsøgdu rennur út við endan av september. Tey bæði, sum verða eftir á Fiska­marknaði Føroya, eru Høgni Hansen, upp­boðs­sølu­ haldari og virkandi leiðari, og Oddma Osmundardóttir, bókhaldari. Eisini tey eru ørkymlað um støðuna, og at tað tekur so langa tíð hjá nevndini at taka eina avgerð um, hvat man ætlar. Millum annað er ongin stjóri enn settur í staðin fyri Jens Christian Olsen, sum á pappírinum enn er stjóri, hóast hann langt síðani er farin í annað starv sum deildarleiðari hjá Taks. – Eg haldi heldur ikki, at tað ber til at koyra hetta her við bara tveimum fólkum. Tá upp­boðssølan er – og hon kann onkrar dagar taka fleiri tímar – sita bæði bundin av henni og kunnu als ikki órógvast av øðrum, sigur Høgni Hansen, ið bleiv virkandi leiðari, tá Jens Christian Olsen fór. Gjalda beinanvegin Oddma Osmundardóttir, hitt hepna starvs­ fólkið, ið slapp undan at fáa uppsagnarskriv í februar, sigur tað sama. – Eg dugi ikki at ímynda mær, hvussu vit skulu fáa hetta at hanga saman, tá vit bara verða tvey. Tað verður torført at halda tænastu­støðið tá,. Hon, sum er bókhaldari, vísir á, at tey á Fiskamarknaðinum altíð hava lagt sera stóran dent á at flyta peningin til seljaran innan eina viku. Eisini hava tey gjørt sær ómak at veita skipunum nógvar tænastur, til dømis av­greiða ymisk vørugjøld til havnir, rinda gjøldini til trygdargrunnin, rinda limagjaldið hjá útróðarbátunum til teirra felag o.s.fr. Elin Lamhauge hevur verið í sínum starvi síðani 1995 og Ann-Britt Johannesen síðani 2006. Tær siga, at tær fegnar høvdu hildið áfram í størvunum, um viðurskiftini annars vóru í lagi, tí arbeiðsplássið og arbeiðshýrurin har eru framúr. Tað eru tær báðar og hini trý øll samd um. Vónin livir Og kanska kunnu tey uppsøgdu starvsfólkini hava grundaðar vónir um at verða biðin aftur í starv. Bæði tí øll eru samd um, at starvs­ fólka­hópurin ikki fær minkað so nógv, sum lagt er upp til, um uppboðssølan skal kunna rekast á skilagóðan hátt, og ikki minst tí útlitini til betri tíðir eru vorðin nógv bjartari, síðani starvsfólkini fingu uppsagnarskrivini í februar. – Eg havi ongantíð væntað, at FMF fór at lata aftur, men tað sá ikki pent út fyrr í ár. Nú eri eg bjartskygdur. Tað sá út til, at bæði útróðrurin og trolfiskiskapurin á land­leiðini vóru á gravarbakkanum, men nú koma trol­bátarnir inn fullir upp undir lúkur, og útróðrar­bátarnir fáa eisini fisk. Línuskipini royna undir Íslandi nú, og hjá teimum gongur eisini væl, staðfestir Høgni Hansen. V Tað ber ikki til at reka uppboðssøluna við bara tveimum fólkum, staðfesta starvsfólkini á Fiskamarknaði Føroya avgjørd. Tey fýlast á passivitet og atgerðarloysi í nevndini Ingolf S. Olsen Myndir: Álvur Haraldsen Oskar Joensen, uppboðssøluhaldari, hevur starvast hjá FMF í gott 20 ár. Hann er sera bersøgin í skotsmálinum, hann gevur nevndini í felagnum: – Vit hava havt eina sera vánaliga nevnd, sigur hann Oddma Osmundardóttir, bókhaldari, vinstrumegin, hevur verið í starvi hjá Fiskamarknaðinum síðani 1996, og hon er kedd um støðuna, nú tríggir av hennara starvsfelagum hava fingið sekkin vegna sparingar. Tað er kensluliga hart, og hon óttast eisini, hvussu gerandisdagurin fer at verða, tá hon sjálv onnur skal klára alt arbeiðið. - Eg dugi ikki at ímynda mær, hvussu vit skulu fáa hetta at hanga saman, tá vit bara verða tvey. Tað verður torført at halda tænastustøðið tá, sigur hon. Høgrumegin er tað Elin Lamhauge, søluumsitingarfólk, sum var millum tey óhepnu, ið fekk uppsagnarskriv.