mánadagur 28. apríl 2014síða 39

15 Vinnublaðið hjá Miðlahúsinum nr. 4 I 28. apríl 2014 Fiskamarknaður Føroya (FMF) var stovnaður 24. september 1992. Stovnararnir vóru Olaf Olsen, vinnulívsmaður og táverandi landspolitikari, Jógvan Ingvard Olsen, fyrrverandi reiðari og løgtingslimur, Ingvard Joensen, táverandi stjóri á Tavuni í Leirvík, og Páll Gregersen, stjóri á Fiskavirkinum í Gøtu. Fyrsti stjórin á FMF var Ditlev Eldevig, sáli. Tey fyrstu nógvu árini umfataði virksemið bæði uppboðssølu og landing, og í teimum bestu árunum hava umleið 20 fólk havt sítt starv har. Í 2005 varð Landingarmiðstøðin skild frá FMF. Starvsfólkahópurin var tá átta. Síðani minkaði hann spakuliga niður í fimm, og tá uppsøgnirnar í februar, verða effektivar tíðliga í heyst, verða tey bara tvey starvsfólk í uppboðssølu-fyritøkuni. Fakta Prísurin var góður, tá Sosialurin vitjaði FMF hósmorgunin, meðan uppboðssølan var. 60 tons vórðu seld. Hýsan fór upp um 20 krónur kilo, toskur 1 endaði á umleið 16 krónum kilo, toskur 2 á 15 krónum kilo og toskur 3 á 14 krónum kilo. Oskar Joensen, uppboðshaldari, minnist tó betri tíðir, tá tað snýr seg um nøgdir: - Telefonsølan kundi vera 300-400 tons, og á gólvuppboðssøluni (støddar-skildur fiskur, red.) var tað vanligt við 100 tonsum. Flestu avreiðingarnar, 456 í tali, høvdu vit ein dag fyrst í øldini, sigur Oskar Joensen, sum her stýrir telefonuppboðssøluni við Ann-Britt Johannesen, sølu­ umsitingarfólki, við sína lið. Høgni Hansen er útbúgvin skipsførari, men hevur verið við í FMF frá byrjanini. Hann fór í starv har í januar 1993. Nú er hann virkandi leiðari. Tó at hann fýlist á passivitetin hjá nevndini, so hevur hann góðar vónir um fram­tíðina, nú fiskiskapurin aftur tykist vera í menning. – Eg havi ongantíð væntað, at FMF fór at lata aftur, men tað sá ikki pent út fyrr í ár. Nú eri eg meira bjartskygdur, sigur hann. Fiskamarknaður Føroya á Toftum, hevur skjótt 22 ár á baki