týsdagur 29. apríl 2014síða 28

Mikudagur 30. apríl 2014 · Nr. 48 28 Sosialurin Bjóðar fígging til koyrikort Birgir Andersen, ið hevur verið koyrilærari síðan 2007, tá hann tók sína útbúgving á Dansk Kørelærerskole í Glostrup, hevur seinasta árið bjóðað næmingum, sum taka koyrikort hjá honum, eina gjalds­skipan við tøku av koyrikorti Magnus Gunnarsson Koyriskúlin hjá Birgiri – Koyri­frálæra - húsast í ovaru hæddini í AB-húsinum á Argjum. – Eg bjóði næmingum, sum hava ráð og teimum sum ikki hava ráð at rinda koyri­kortið í einum, eina gjalds­skipan, har íløgan í koyri­kortið kann gjaldast yvir eitt ár – og uttan rentu. Birgir vísir á, at tað eru nógv fólk sum siga, at tey hava ikki ráð til at taka koyrikort. – Fólk hava trupult við at spara upp, og tá eg nú síggi meg føran fyri at bjóða fígging, havi eg valt at gera tað. Eg havi bjóðað eina slíka fígging í meira enn eitt ár, og tilboðið fer at standa við til næmingar, ið síggja seg illa førar fyri at taka koyrikort av fíggjarligum ávum. Ymiskir tørvir Hann heldur, at hetta er eitt gylt høvi hjá næmingum og leggur aftrat, at eitt vanligt koyrikort til persónbil kostar umleið 15.000 krónur, um alt gongur væl. – Tað tekur umleið seks vikur at fáa teoriina upp á pláss, og síðan einar tvær vikur aftrat at avgreiða koyr­ ing­ina – vegna møguliga bíði­ tíð á Akstovuni. Birgir sigur, at vanliga ganga einar 6-8 vikur til øll, sum ganga á einum skeiði, hava staðið teoriina. Síðan er tað at fáa koyringina upp á pláss. – Kravda talið av koyri­ tím­um er 22, men eg lati altíð næmingarnar koyra í 24 tímar. Vanliga taki eg ikki eyka, um næmingurin noyðist at koyra ein, tveir ella tríggjar tíma eyka. Men, verður neyðugt við nógvum eyka­tímum, verður prísurin fyri tøku av koyrikortinum nakað hægri enn tær 15.000 krón­urnar. Við tað, at tørv­ irnir eru ymiskir, royni eg at vera so lagaligur sum til ber, sigur hann. Ikki yvirfylt Birgir Andersen sigur, at hann tekur ongantíð fleiri enn 12 næmingar inn á hvørj­um skeiði, tí, sum hann sjálvur tekur til, so hava bæði hin veikari og hin sterkari næm­ing­urin krav upp á holla undir­vísing. – Øll skulu hava sama møgu­leika. Eg havi havt næmingar, sum eru byrjaðir aðra­staðni, men sum ikki kláraðu at fylgja við, tí undir­ vísingarhølini vóru ovurfylt. Birgir vísir á, at frá 1. august 2013 skulu øll sum taka koyrikort hava fyrstu­ hjálpar­skeið, og sjálvur er hann góðkendur fyrsti­hjálp­ ari. Hann hevur nevn­iliga verið góðkendur fyrsti­ hjálpar­instruk­tørur í fimm ár. – Henda førleika havi eg, og tískil er ikki neyðugt hjá mær at senda næmingar aðra­staðni at taka fyrstu­ hjálparskeið, leggur hann aftrat. Eisini á enskum Hjá Birgiri kunnu næmingar taka koyrikort til vanligan persónbil, hýruvogn, og hann tekur sær eisini av endur­ tøku- og eftiransandi koyri­ roynd eins og rúsdrekka-og ferðslu­skeiði. – Eg bjóði ikki koyrikort til motorsúklu, lastbil og størri akfør annars, tí mær dámar ikki at vevja í øllum. Eg vil heldur gera tað væl, sum eg fáist við. Eitt annað, sum Koyri­frá­ læra eisini tekur sær av, er frálæra á enskum. – Seinastu fýra árini havi eg soleiðis bjóðað undir­ vísing til útlendingar í Føroy­ um - á enskum og við enskum frá­læru­tilfari. Í slíkum føri gongur øll frálæran fyri seg á enskum, bæði í teori og í bilinum, sigur Birgir Andersen, koyrilærari. maggi@sosialurin.fo Hella Service Partner í Føroyum Sum nakað nýtt í Føroyum eru seks bilverkstøð vorðin limir í Hella Service Partner, ið er ein keta av professionellum bilverkstøðum Hella Service Partner er eitt netverk av 250 verkstøðum í Danmark og 4.000 verk­ støðum í Evropa. Allar mekaniskar umvælingar verða gjørdar eins og elek­ tronisk feilfinning og olju- og dekkskift. Hella Service Partner gevur 3 ára garanti upp á nýggjar eykalutir. Hella Service Partner setur krøv til síni verkstøð um útgerð og útbúgving av starvsfólki. Hetta gevur trygd fyri kvaliteti og um­ væl­ingum á fakliga høgum støði. »Vit ansa væl eftir tínum bili« er slagorðið hjá Hella Service Partner, sum byggir á kvalitet, tryggleika og álit. Verkstøðini í Føroyum ar­beiða saman, soleiðis at um ein bilur t.d. er upp­steðg­ aður, kann kundin ringja til sín Hella Service Partner verk­stað og fáa hjálp frá tí nærmasta verkstaðnum. Verkstøðini, sum eru við í Hella Service Partner, eru: Bilservice v/Theodor Fonn og Bil & Dekkverkstaðið v/ John Heinesen í Klaksvík, Carro v/Niels Nattestad í Sandavági, Bil- & Maskin­ verkstaðið v/Karl Vidtfelt á Sandi, BBR Service v/Boga Rasmussen á Lambareiði og Biltek v/Jákup Midjord í Trongisvági. Hesir bjóða øllum væl­ kom­in á síni bilverkstøð til góða tænasu á verk­støð­ unum, sum eru at finna undir Hella Service Partner á www.nummar.fo maggi@sosialurin.fo Birgir Andersen, koyrilærari