hósdagur 1. mai 2014síða 28

Fríggjadagur 2. mai 2014 · Nr. 49 28 Hugskot og viðmerkingar – send sms til 225000 ítróttur fótbóltur upptakt Jóannes Hansen Eftir at landskappingin síðsta vikuskifti helt frí, er fót­bóltur í Effo-deildini á skránni í kvøld, leygardagin og sunnudagin. Síðsta vikuskifti hildu fýra lið frí. Skála og B36 spældu ikki, tí tey longu í fyrsta umfari vórðu varpað úr steypakappingini, og B68 og ÍF spældu ikki, tí fjórðings­ finalan á Svanga­skarði varð útsett. Nú er tað greitt, at oyggja­uppgerðin verður miku­kvøldið 14. mai ella eina viku frammanundan at fyrru hálvfinalurnar verða spældar. At spæla í landskapping og steypakapping er heilt hvør sítt. Í fjórðingsfinaluni í steypa­kappingini verður alt avgjørt í einum og sama dysti, meðan úrslitini í hvørjum einstøkum dysti telja við, tá ið landskappingin verður uppgjørd eftir 27 umfør, og tað fæst at vita, hvør er meistari, hvør hevur vunnið rætt at luttaka í altjóða kappingum, og hvør skal flyta niður. Hvussu tað kann laga seg, tá ið trongda liðið í steypa­ kappingini spennir álops­ bogan, sást í fjórðings­final­ unum síðsta sunnudag. Á Argjum legði heimaliðið verjukent fyri. Eftir at HB legði seg framum, royndi AB at svara aftur, men mót­støð­ an var ov stór, og so end­aði tað við 2-0 HB sigri. Í Gøtu royndi KÍ at spenna álopsbogan, eftir at Víkingur var komin fram­um. Tað var nær við og næst­an, men í staðin økti Víkingur um leiðsluna. So slepti KÍ uppa­ftur meiri í verju­part­ inum, og tað endaði 3-0 til heimaliðið. Í Streymnesi var heima­ liðið illa kroyst. NSÍ var framman­fyri 3-0, og EB/ Streymur legði nógv fyri í álops­partinum og legði lítið í verjuspælið. NSÍ hevði fleiri møguleikar at økja upp­ aftur meiri um leiðsluna. At tað ikki eydnaðist komst fyrst og fremst av, at EB/ Streymur í René Tórgarð eigur ein tann besta – og kanska tann besta yvirhøvur – málverjan í Føroyum. At tað eydnaðist EB/Streymi at sleppa upp í part aftur og at javna og í yvirtíðini at skora sigursmálið til 4-3 komst fyrst og fremst av, at Arnbjørn Hansen, sum hevur meiri í sær enn nakar annar álopsspælari í Føroyum, við trimum málum stað­festi, at nú er hann komin fyri seg aftur eftir drúgvan skaða­ steðg. Fyri møguleikarnar hjá EB/Streymi í bæði steypa­kappingini og lands­ kapp­ingini er tað avgerandi, at Arnbjørn ikki aftur verður darvaður av skaðum. Gundadalur kappast um toppin Eftir seks umfør er B36 topplið, og støðutalvan sigur, at HB er næstfremst. Hvørki liðið í Gundadali er higartil farið av vøllinum uttan úrtøku. B36 er oddalið, tí árstalsfelagið hevur vunnið fýra ferðir, meðan HB hevur vunnið tríggjar ferðir og tríggjar ferðir spælt javnt. Enn er kappingin ung, og royndirnar frá undanfarnu árum vísa, at tað kann verða so skjótt, at tað sum vendir niður, fer at venda upp. Síðsta kappingarár er dømi um hetta. Tá ið 2013 kapp­ ing­in var seks umfør gomul, var KÍ næstfremst – tvey stig aftanfyri oddaliðið HB . Tá ið 27 umfør vóru farin, var HB fram­vegis topplið, meðan klaksvíkingar vóru dotnir aftur á 8. plássið. Um útgangsstøði verður tikið í støðutalvuni, so eru avbjóðingarnar næstu vikur­ nar hjá teimum báðu fremstu ólíkar. B36 skal spæla ímóti teimum trimum, sum í løtuni eru næst teimum báðum í Gundadali – EB/Streymi á heimavølli og KÍ og NSÍ á útivølli. HB skal spæla ímóti teimum trimum, sum í løtuni eru niðast á støðutalvuni – AB og B68 á útivølli og Skála á heimavølli. Undan 7. umfari er B36 tvey stig undan HB. Um B36 eftir tíggju umfør framvegis verður tætt at oddasessinum, so hevur liðið við vandamiklasta álopinum – B36 hevur higartil skorað 16 mál (trý fleiri enn HB) – staðfest, at tað skal roknast við báðum feløgunum í Gundadali í kappingini um FM heitið. Higartil hava bygda­ feløg­ini ikki víst, at tað skal roknast við teimum í FM stríð­num. Tey hava ikki vunnið meiri enn aðru hvørja ferð. Undan­takið er KÍ, sum hevur vunnið fýra ferðir, og sum nú fær møguleika í Runa­vík at vísa, at tað skal rokn­ast við teimum bláu. Finnur funnið flogið Sunnudagin tryggjaðu tví­ faldu steypavinnararnir í Víkingi sær atgongd til hálv­ finaluna í steypa­kappingini. Einki er at siga til, at Víkinga venjarin Sigfríður Clementsen var ógvuliga lættur og fegin, tí gongdin í lands­kappingini hevur higar­til verið trilvandi. At tað hesa ferð koppaði Víkingi til fyrimunar, sum í undanfarnu uppgerðum ofta er koppað mótstøðuliðunum til fyrimunar, komst fyrst og fremst av, at nú er tað vorðið veruleiki, sum Finnur Justinussen fyri stuttum segði í hesum teigi: – Tað ræður um at søkja møguleikarnar og so vóna, at tað fer at gleppa. Um hol kemur á, so venda málini aftur, segði Finnur Justinussen, sum nú hevur skorað fýra ferðir í tveimum dystum – í lands­kappingar­ dystinum í Gundadali ímóti HB og í steypadystinum ímóti KÍ. Talan verður um satt fótbóltsvikuskiftið. Rás2 sigur frá ikki færri enn trimum dystum. Rás2 sigur fríggjadagin frá botnbrakinum á Toftum millum B68 og Skála. Leygardagin sigur Rás2 frá dystinum millum NSÍ og KÍ. Sunnudagin sigur Rás2 frá dystinum á Argjum millum AB og HB, samstundis sum vit fylgja gongdini í Gøtu millum Víking og ÍF. Vit fylgja eisini gongdini í Gundadali millum B36 og EB/Streym, meðan 3. Hálvleikur er. Fríggjadagin kl. 15-17: Seinnapartssending við Fótbóltspanelinum kl. 18: Upptakt og beinleiðis frásøgn B68-Skála Leygardagin: kl. 17.45: Upptakt og beinleiðis frásøgn NSÍ-KÍ Sunnudagin: kl. 14.30-17: Upptakt og beinleiðis frásøgn AB-HB kl. 17.00: 3. Hálvleikur. Tikið verður samanum 7.umfar og vit fylgja gongdini millum B36-EB/Streymur LIÐ TÍÐINDI AB Skaddir: Jóan Símun Edmundsson (Lærkrikin, óvist), Morten Overgaard (Úti fyri árið) og Leivur Holm Joensen (Ryggurin) Ivasamir: Sorin Anghel (baklær/lærkirikin) og Bárður Olsen (Lærkrikin) B36 Skaddir: Símun Joensen (knæskaði, minst ein vika) Leikbannaður: Benjamin Heinesen Tøkur aftur: Klæmint Matras B68 Allir mans tøkir EB/Streymur Skaddur: Arnar Dam (fótskaði, 1-2 mánaðir) Ivasamur: Brian Olsen (fótskaði) HB Skaddir: Gunnar Haraldsen (lærkrikin, óvist) og Alex José dos Santos(fóturin, 2-3 vikur) Sunnidagur Kl. 15:00 Dómari: Dagfinn Forná Eftir framúr byrjan, einki tap og toppsess eftir seks umfør skal B36 nú royna seg ímóti trimum av teimum fremstu, meðan meistararnir og favorittarnir í HB nú skulu spæla ímóti trimum teimum niðastu á støðutalvuni Dalurin kappast um toppin