hósdagur 8. mai 2014síða 4

Fríggjadagur 9. mai 2014 · Nr. 52 4 Sosialurin Hugskot og viðmerkingar – send sms til 225000 Eirikur Lindenskov Hóast løgtingið er ímóti, so er fólkið í Føroyum fyri, at sam­kynd skulu sleppa at gifast. Tað vísir kanning hjá Lóður, sum hevur spurt 535 føroyingar um hetta málið. Kanningin vísir, at 62 pro­sent av føroyingum eru fyri, tá teir verða spurdir, sum teir taka undir við at sam­kynd skulu kunna verða borgarliga vígt. Í spurning­ inum verður víst á, at tað snýr seg um at vígslur á ráð­ húsum og sýslu­skriv­stov­um, men ikki í kirkjum og sam­ komum. Hinvegin eru tað 28 pro­ sent, sum eru ímóti, og 10 pro­sent sum ikki vita. Hyggja vit eftir býtinum millum kynini, so eru tað heldur fleiri kvinnur, sum taka undir við, at samkynd skulu sleppa at giftast. 63 pro­sent av kvinnunum siga ja, meðan 60 prosent av monn­unum siga ja. Hyggja vit eftir aldus­být­ inum, so sæst, at tað er breið semja í øllum aldursbólkum um, at samkynd skulu sleppa at gifast. Ein ávísur munur er tó at síggja, at heldur fleiri av teimum yngru enn eldru, eru fyri. Men munurin er ikki stórur. Av teimum, sum eru mill­ um 15 og 29 ár eru 71 prosent fyri, 16 ímóti, og 13 sum ikki vita. Av teimum, sum eru millum 30 og 44 ár eru 64 pro­sent fyri, 24 ímóti og 12 pro­sent, sum ikki vita. Av teimum, sum eru mill­ um 45 og 59 eru 59 prosent fyri, 33 prosent ímóti og 8 pro­sent, sum ikki vita. Av teimum í tí elsta aldurs­bólkinum, tey millum 60 og 75 ár, eru 53 prosent fyri, 38 prosent ímóti og 9 pro­sent, sum ikki vita. Alt í lat vísir kanningin hjá Lóðri, at stórur meiriluti av føroyingum, bæði kynini og fólk í øllum aldursbólkum, eru fyri at loyva samkyndum at gifast borgarliga. Jón Brian Hvidtfeldt Hóast útvið tveir triðingar av føroyingum vilja loyva sam­kyndum at gifta seg borgarliga, so er ivasamt um uppskotið verður lagt fram­aftur. Samgongan hev­ ur læst seg fastan, og vit mugu spyrja okkum sjálvi, hvørt tað verður til gagns fyri samkynd, siga Poul Michelsen, Rigmor Dam og Bjørt Samuelsen – Kanningin er eitt prógv um, at ”stríðið” er vunnið úti millum fólk, sigur Rigmor Dam, løgtingskvinna fyri Javn­aðar­flokkin. – Uppskotið verður lagt framaftur, spurningurin er bara nær, sigur Bjørt Samuelsen. – Vit mugu taka við í met­ ing­ina, hvørt tað verður til gagns fyri samkynd, ella bara endar sum fótatraðk, sigur Poul Michelsen. Teir tríggir løgtinglimirnir eru sannførdir um, at málið um at loyva samkyndum at gifta seg borgarliga verður tikið uppaftur í løgtinginum. Bjørt Samuelsen vísir á týdn­ ingin av at lodda politiska landslagið fyrst. – Tað er umráðandi, at vit koma eitt stig víðari, næstu ferð uppskotið kemur í løgtingið, sigur Bjørt Samuelsen, og Rigmor Dam tekur undir: – Vit uppskotsstillarar mugu vurdera, nær tað tænir mál­inum at leggja uppskotið framaftur. Men tað er eingin ivi um, at kemur aftur í tingið. Hvørki Rigmor Dam, Bjørt Samuelsen ella Poul Michelsen vil tí seta dato á, nær uppskotið um at loyva sam­kyndum at giftast borgar­liga kemur aftur í løg­ tingið. – Samgongan hevur jú læst seg sjálvan fastan við avtaluni um at slík mál skulu ikki viðgerast í hesum sam­ gonguskeiði. Tann avtalan forðar fyri at løgtingið kann viðgera spurningin opið og erliga, sigur Poul Michelsen. Meðan óvissa tí er um, hvørt lógaruppskotið verð­ ur lagt framaftur í hes­um valskeiðnum, so eru upp­ skotsstillararnir sann­førd um, at uppskotið kemur aftur á tingborð eftir eitt løg­ tings­val. – Hugburðurin í sam­felag­ num er, at sjálvandi skulu samkynd hava somu rættindi sum onnur. Tí verður hetta eisini eitt mál eftir eitt kom­andi løgtingsval, sigur Rigmor Dam. Løgtingskvinnan aftrar seg tó við at gera júst henda spurningin til part av einum komandi valstríði. – Spurningurin er, hvørj­ um tað tænir, sigur hon. Poul Michelsen er sann­ førdur um, at spurningurin fær sítt pláss í samband við eitt komandi val: – Framsókn góðtekur ikki nakra avtalu ella bind­ ing um, at slík mál ikki skulu viðgerast, sigur Poul Michelsen. jonbrian@sosialurin.fo Ivast í enn einari roynd 62 prosent av føroyum eru fyri, at samkynd sleppa at giftast borgarliga Stórur meiriluti fyri at samkynd kunnu giftast veljarakanning 0% 20% 40% 60% 80% 100% Menn 60% 29% 11% 63% 26% 10% 71% 16% 13% 64% 24% 12% 59% 33% 8% 53% 38% 9% Kvinnur Kyn Aldur 15-29 30-44 45-59 60-75 Veit ikki Ja Nei – Framsókn góðtekur ikki nakra avtalu ella bind­ing um, at slík mál ikki skulu viðgerast, sigur Poul Michelsen