hósdagur 8. mai 2014síða 34

Sosialurin nr. 52 · 9. mai 2014 10 VIKUSKIFTI glitur og gølur Leygarkvøldið er Danmark vertur fyri stórstu sjónvarpsending í heiminum – Eurovision Song Contest. Ella, sum tey flestu kallað tað: Grand Prix. Nógv er gjørt burturúr, og sum vanligt er tað glitur, glamour og gølur á vegnum fram móti einum nýggjum vinnara Grand Prix Inna Törnroos inna@sosialurin.fo Tá Emmelie de Forrest hevði sungið seg lidna í Malmø í fjør, var greitt, at Danmark varð næsti vertur fyri Grand Prixnum. »Only Teardrops« vann við 281 stigum móti 233 hjá nummar tvey, Azerbajdzjan. Eftir kappingina var nógv kjak aftur og fram um, hvar finalan skuldi verða í Danmark, og at enda varð av­ gjørt at gamla skipasmiðjan á oynni Refshaleøen skuldi gerast um til eina Eurovision-oyggj. Pallurin skal eis­ini bera dám av skipasøguni og er for­ maður sum ein stavnur. Í ár kappast 37 lond í Eurovision. Serbia, Bulgaria, Kroatia og Kypros eru heima, meðan Portugal og Póland eru afturkomin eftir nøkur ár í útlegd frá kappingini. Tey 37 londini skulu síðani gerast 26, tá báðar undankappingarnar hava verið. Skeggdaman Tað, sum mest hevur verður tosað um áðrenn kappingina, er eystur­ríkska skegg­daman Conchita Wurst. Hon er nakað so óvanligt sum ein trans­per­ sónur við fullskeggi. Russland, ið ikki er bein­leiðis kent fyri at verða homo­ vinar­ligt, hevur, saman við nøkrum øðrum londum, savna navnalistar inn fyri at forða fyri, at Grand Prix verður sent vegna Conchitu Wurst. Conchita tekur tað heila róligt og heilsar, at hon dag­liga arbeiði hart sum kvinna, men í frí­tíðini er ein dovin ungur drongur sum eitur Tom. Armenia liggur ovast á listunum hjá veddingarfyritøkunum og er eisini eitt av teimum londum, har navnalistar eru gjørdir at mótmæla Grand Prixnum. Teirra umboð í kappingini, Aram Mp3, gjørdi eitt úttalilsi um samkynd, ið ikki varð væl móttikið av øllum teim­um samkyndu, ið elska Eurovision. Ser­køn innan Eurovision vænta, at hansara møgu­leikar at standa ovast á prís­pall­ inum eru falnir orsaka av hesum. 170 miljónir hyggja Onnur lond, sum veddingarfyritøkurnar vænta fara at standa seg væl, eru Svøríki, Ongland, Danmark og Ukraina. Ukraina er sum vænta eisini eitt land, ið nógv verður tosað um. Fyri ein­ ari viku síðani var ikki greitt, um inn­ búgvarnir á Krimhálvoynni skulu at­ kvøða sum partur av Russlandi ella sum partur av Ukraina. Fyri nøkrum døgum síðani komu boðini, at Krimbúgvar hava ukrainsk telefonnummar, og tí skulu tey atkvøða sum partur av Ukraina. Hvar atkvøðurnar síðani fella, er ein annar spurningur. Í fjør vóru tað 170 miljónir hyggj­ arar, ið sóu sendingina, og talið verður væntandi tað sama í ár. Nógv seta spurnartekin við, um ikki Grand Prix kostar meira, enn tað gevur, og sama kjak var eisini í Malmø í fjør. Har vísti tað seg tó, at lýsingarvirðið var vert umleið 1,1 miljard krónir, og at inn­ tøkur­nar av øllum ferðafólkunum vóru 185 miljónir hægri enn undanfarin ár. Grand Prix 36 lond hava kappast í tveimum undankappingum týskvøldið og hóskvøldið um at koma til finaluna leygarkvøldið. 26 av teimum hava fingið pláss í finaluni umframt vertstjóðina Danmark og tey fimm stóru londini Týskland, Ongland, Frakland, Italia og Spania, ið eru tryggjað pláss, tí tey gjalda mest til kappingina. Eurovision Aram Mp3 frá Armenia er favorittur Danski Basim er eisini ein av teimum, ið veddinga­ fyritøkurnar meta sum ein møguleikan vinnara