mánadagur 12. mai 2014síða 14

Mánadagur 12. mai 2014 · Nr. 53 14 Sosialurin Hugskot og viðmerkingar – send sms til 225000 borðtennis Fyri fyrstu ferð í 25 ár bjóðar Borðtennissamband Føroya til kapping ímillum fleiri lond. Ísland og Grønland koma um vikuskiftið at kappast í nýstovnaðu Arctic Open. – Tað, at vit eru fyriskiparar, er ein góð fyrireiking til møguligu oyggjaleikirnar í Føroyum í 2019, sigur ein av fyriskiparunum Pætur Albinus Í einstaklingaítrótti, har spælt verður ein ímóti einum, er ógvuliga um­ráð­ andi at hitta fjølbroyttari mót­støðu til tess at menna allar partar av sínum spæli, og er hetta eisini ein av grundar­steinunum undir menning av borð­tennis­leik­ arum. So fjarskotið sum oyggjasamfelag okkara er, hevur føroyskt borðtennis sviðið undir hesum um­ støðunum, og við somu og fáu venjingarmakkarum hev­ur mangan verið strævið – hug­urin er farin og summir leik­arar eru givnir. Loysnin Loysnin – ein partur av henni, í øllum førum – er funnin. Tað er hon við spildur­nýggju millumtjóða kapp­ingini Arctic Open, har Føroyar, Ísland, Hetland og Grønland hava sligið seg saman og hittast á hvørjum ári til hesa kapping. Hetta eru øll lond, sum líða undir somu trupul­leikum, men nú ganga hond í hond at basa honum. Hetland verður tó ikki við hesaferð. Tað er teim­um ov dýrt, frættist úr Hetlandi. Tað eru Ísland og Føroyar, sum komu við hugskotinum og hava gjørt hana til veruleika. Í fjør var fyrsta kappingin í Reykjavík, og í ár er tað Tórshavn, sum verður vertur. Nærri nágreiniliga høllin á Hálsi, har bæði menn- og kvinnulandslið hjá Føroyum fara at kappast í ein­mans­leiki, tvímansleiki, bland­aðum tvímansleiki og í lið­kapping. Eydnaðist væl Bæði Føroyar og Ísland hava drúgvar royndir frá altjóða kapping og hava knýtt vinar- og kenningarbond um­vegis at hittast árliga til HM, og tað sást eisini bæði á kappingunum og fyri­skip­ an­ini í Reykjavík í fjør, at fyri­reikararnir høvdu lúrt av hvussu kapping verður fyri­skipað á hægsta stigi. Hetta var í ein mun eitt royndarár, eftirsum hetta var fyrsta kappingin av sínum slag, og hittust ser­ sam­bond­ini eisini til at eftir­meta hvat kundi gerast øðrvísi. Tað er hetta, sum Føroyar nú fær sum leiklut – tað, at føra kappingina víðari. Krevur nógv Hetta er fyrstu ferð síðani oyggjaleikirnar í 1989, at føroyskt borðtennis bjóðar út­land­inum til kapping. Áður hava samstørv verið við lond um felags venjingar og innan­hýsis landsdyst, men nú er opið fyri fleiri lond­um. Peter H. Niclasen, sum umframt sjálvur at spæla eisini situr í nevnd borð­tennis­sambandsins og er við til at fyrireika kapping­ ina, viðgongur, at tað krevur sítt at fyrireika kapping, har útlendingar koma higar. – Tað eru jú fólk uttanífrá, so tað umfatar at bíleggja teimum uppihald, flutning og alt tað praktiska. Har­um­ framt skal sjálva kappingin skipast, so jú, hetta er eitt stórt tiltak hjá einum ser­ sambandi, sigur Peter. Peter, sum sjálvur hevur verið landsliðsleikari í trý áratíggjur, heldur, at kapp­ ingin er umráðandi fyri leik­ ararnar. – Hetta er ein háttur at menna leikararnar altjóða. Tað má vera framhald í lands­liðsarbeiði og út­lendsk­ um avbjóðingum. Hetta er eisini ein møguleiki hjá før­ oyskum borðtennis at vísa andlit úteftir, og hesa­ferð eisini inneftir. At seta sjó­ eyguna á ítróttin, vísir Peter á og heldur fram: – Tað, at vit eru fyri­skip­ arar, er ein góð fyrireiking til møguligu oyggjaleikirnar í Føroyum í 2019. Góð úrslit Í fyrstu kappingini í Reykja­ vík í fjør luttóku Føroyar, Ísland, Grønland og Jútland. Føroyar og Ísland høvdu tvey lið við í kappingini, eitt A-lið og eitt B-lið. Tað, sum millum leikararnar hevði mest æru at vinna, var sum vera man liðkappingin. Har eydnaðist tað føroyska liðnum at vinna silvur, meðan sterka ís­lendska landsliðið streyk av­stað við gullinum. Í einmansleiki hjá kvinn­ um var Henrietta Nielsen, ættað úr Fuglafirði, búsitandi í Týsklandi, einaráðandi og vann gullið lættliga. Hon vann eisini gull í bæði tví­ mans­leiki og blandaðum tví­mansleiki saman við ávikavist Duritu F. Jensen og Halli Thorsteinsson. Hallur Thorsteinsson vann eisini bronsu í tví­ mans­leiki saman við Peteri H. Niclasen, so úrtøkan hjá før­oyska landsliðnum mátti sigast at vera góð í hesi fyrstu Arctic Open. Føroyar fullmannað Meginparturin av teimum, sum spæla á føroysku lands­ liðunum, eru búsitandi uttalands. Fróði F. Jensen og Hallur Thorsteinsson eru lesandi í Keypmannahavn, Eyðun F. Ellendersen er les­ andi í Århus, Anna Mikkjals­ dóttir gongur á borð­tennis­ eftirskúla á Tjele Efterskole og Henrietta Nielsen spælir borðtennis í Flensburg í Týsklandi. Góðu tíðindini hjá før­ oysku leguni er, at øll hesi koma heim til Føroya at umboða landsliðið. Kvinnu­ landsliðið kom fyri viku síðani heim aftur frá HM- kapping í Tokyo, Japan, og eru tær tískil í sera góðari venjing. Ísland hevur eitt nakað skert manslandslið við, men vinnarin av Arctic Open í ítróttur í Føroyum Føroyska landsliðið savnað eftir Arctic Open í fjør Norður- atlantisk kapping