týsdagur 13. mai 2014síða 24

Mikudagur 14. mai 2014 · Nr. 54 20 Sosialurin 24 Vilmund Jacobsen Óli Johannessen hevur verið fo­ rmað­ur í Fuglafjarðar Arbeiðs­ manna­felag í 12 ár. Fyri eini tíð síðan stóð felagið yvir­fyri eini stórari avgerð, tá heitt varð á felagið um at vera við í verkætlanini at byggja stórt upp­ sjóv­arvirki í Fuglafirði. - Vit lýstu til eykaaðalfundar, sum gerast skal í slíkum føri, tá av­ gerðir av hesum slag skulu takast. Tíbetur eru reglurnar greið­ar á hesum øki. Okkara felag hev­ur umleið 160-170 aktivar limir. Sam­ bært reglunum skulu í minsta lagi 60 limir møta á eykaaðalfundi - og í minsta lagi 2/3 av møttu limunum skulu taka undir við avgerðini. Óli Johannessen sigur, at á um­ rødda eykaaðalfundi møttu stívliga 60 limir, og tá atkvøtt varð, vóru allir limirnir fyri - undantikið ein at­kvøða, sum var ímóti og tvær, sum vóru blankar. - Soleiðis var stórur meiriluti fyri at seta pengar í P/F Pelagos, sum nú byggir stórt uppsjóvarvirki úti á havnalagnum í Fuglafirði. 700.000 krónur Spurdur, hvussu nógvan pening felagið hevur sett í hesa verkætlan, er Óli Johannessen eitt lítið sind­ ur trekur, men viðgongur, at tá limirnir, sum eru so nógvir í tali, kenna upphæddina, er eingin or­ søk at halda talið dult fyri al­menn­ ingi­num. - Jú, vit hava sett 700.000 krónur í P/F Pelagos, er stutta svarið. Formaðurin í Fuglafjarðar Arbeiðs­manna­felag sigur, at øll nevnd­in stóð saman um at rætta hesi verkætlan eina hjálpandi hond. - Tá vit vórðu spurdir um lut­ tøku, gjørdu vit beinanvegin greitt, at vit avvístu einki, men at tað fóru at vera limirnir, sum tóku av­ gerðina. Óli vísir á, at tá P/F Pelagos skuldi út at finna sær fígging til stóru verkætlanina, hevði tað eftir øllum at døma stóran týdn­ ing, hvussu hugurin hjá arbeiðara­ felagnum var at luttaka. - Hetta er ein verkætlan, sum leingi hevur verið í umbúna í Fuglafirði, her vit í mong Harrans ár hava havt Havsbrún. Vit fegnast stórliga um, at uppsjóvarvirkið nú er komið ”heim”, har tað eftir okkara tykki altíð hevur hoyrt heima - um eg so kann siga. Vit fegnast sjálv­sagt saman við teimum, sum arbeiða á virkinum hjá Kollafjord Pelagic og Varðanum Pelagic, men vit hava altíð hildið, at eitt slíkt virki liggur best í Fuglafirði. ”Luksustrupulleiki” Í Fuglafirði er rættiliga nógv virk­ semi, og nógv skip eru knýtt at øki­num. Tí væntar Óli ikki, at tað verða limirnir hjá honum, sum í stóran mun koma at arbeiða á nýgg­ja uppsjóvarvirkinum. - Vit kunnu siga, at vit her hava ein ”luksustrupulleika” - um eg so kann siga. Hinvegin er eink at ivast í, at nýggja og stóra arbeiðsplássið, sum væntandi fer at hava eini 90- 100 fólk í starvi, tá vertíðin er, fer at koma væl við hjá mongum, sum koma úr øðrum økjum og til Fugla­ fjarð­ar at arbeiða. Óli Johannessen vísir á, at tá Bakka­frost, sum rekur góð­s­k­ing­ ar­virki í Fuglafirði, fyri ikki so langari tíð hevði brúk fyri umleið 30 fólkum, søkt fleiri enn 100. - So, hóast vit her í Fuglafirði hava nógv arbeiði, er líkt til, at minni er at gera í øðrum økjum, og vit taka gleðiliga móti fólki aðra­ staðni - eisini, um tey ynskja at bú­ seta seg her í Fuglafirði. Formaðurin í Fuglafjarðar Arbeiðs­mannafelag vísir á, at tey, sum koma úr øðrum økjum til Fuglafjarðar at arbeiða, vera verandi limir í feløgunum, har tey búgva, men tey koma at rinda pro­sent­gjald til arbeiðarafelagið í Fugla­firði. - Vit eru sera spent og fegin um, at P/F Pelagos sambært ætlan­ ini letur upp í Fuglafirði fyrst í juli. Hetta verður ein stórur dag­ ur hjá okkum øllum, sigur Óli Johannessen, sum fegnast um, at vinnu­lív saman við góðum stuðlum hava megnað at reist hesa veldugu verk­ætlan á føtur. Fuglafjarðar Arbeiðsmannafelag sett 700.000 krónur í P/F Pelagos Í Fuglafirði er rættiliga nógv virksemi, og nógv skip eru knýtt at økinum. - Eg vænti tí ikki, tað verða limirnir hjá okkum, sum í stóran mun koma at arbeiða á nýggja virkinum. Hinvegin fer virkið at koma mongum øðrum til góðar, sum so koma at rinda okkum prosentgjald, sigur Óli Johannessen, formaður í Fuglafjarðar Arbeiðsmannafelag Uppsjóvarvirkið hjá P/F Pelagos tekur seg væl út uttarlaga á havnarlagnum í Fuglafirði. Mynd: Vilmund Jacobsen