týsdagur 13. mai 2014síða 38

Mikudagur 14. mai 2014 · Nr. 54 22 Sosialurin Hugskot og viðmerkingar – send sms til 225000 ítróttur fótbóltur Tróndur Arge Í kvøld verður útsetta fjórð­ ings­finalan í kappingin um Løg­manssteypið millum B68 og ÍF. Higartil eru EB/ Streymur og Víkingur ikki óvæntað komin víðari. Tað eru tey bæði liðini við stolt­ astu steypasøguni í nýggj­ ari tíð. Víkingur er í løtuni tví­faldur vinnari av kapp­ ingini um Løgmans­steypið, meðan EB/Streymur hevur verið í finaluni sjey ár upp í slag. Av tí sama, so hava tey eisini myndað finaluna tvey tey seinnu árini – og tríggjar ferðir síðani 2009. Við støði í søguni, so er tað ikki undar­ ligt at hesi bæði liðini eru at síggja í hálvfinaluni. Triðja liðið, sum er komið í hálvfinaluna er HB. Tað er mest vinnandi felagið í steypa­kappingini, men tað hevur gingið illa við at vinna steypakappingina í nýggjari tíð. Vit skulu heilt heilt aftur til 2004 fyri at finna sigur hjá HB í steypakappingini. Í ár er liðið óhugnaligt sterkt á papír­inum og tað er ongin ivi um at HB hevur ein hóp, sum kann standa seg bæði í lands­ kappingini og í steypa­kapp­ ingini uttan at tað gongur út yvir orkuna. Nú skal so fjórða liðið finn­ast. ÍF er favorittur at kom í hálv­finaluna. Felagið vann í fjør silvur í lands­ kapp­ing­ini. Koma teir víðari, so eru tað steypafinalistarnir frá í fjør og nummar eitt og tvey í lands­kappigni, sum eru eftir í steypa­kappingini. Í so máta er B68 ein »out­ sidari« í hesum saman­hang­ inum. Teir eru uppflyt­arar og málið er heilt klárt at yvirliva í bestu deildini. Spurningurin er hvussu stóran týdning steypakappingin hevur fyri B68 í mun til at yvirliva í bestu deildini. B68 tapti um vikuskiftið heili 4-0 fyri HB í landskappingini og Jógvan Martin Olsen viðgekk eisini, at tað var munurin á B68 og HB. Vinnur B68 í kvøld á ÍF, so skulu teir møta HB tvær ferðir í hálvfinaluni. ÍF ÍF hevur ikki fingið eina dreyma­byrjan upp á kapp­ ingar­árið, men tvífaldu silvur­vinnarnir í landskapp­ ing­ini eru við í miðbólkinum, sum tykist taka stig frá hvørjum øðrum. Liðið hevur verið fyri atfinningum fyri bara at gýppa og spæla við longum avleveringum. Til hendan dystin koma teir nokk at verða meiri spæli­ stýr­andi, so er spurningurin um teir megna tað upp­gáv­ una. Albert Ellefsen, venjari hjá ÍF, hevur fyrr víst á, hetta er møguleikin hjá ÍF at steyp í hesum kappingarárinum. Lykilin: Clayton Clayton Soares hevur bara skotið eitt mál í lands­kapp­ ingini í ár. Hann hevur verið ein lyklaspælari fyri ÍF tvey tey farnu árini, men í løtuni avrikar hann ikki nóg gott. Akkurát hvat orsøkin er kann verða torført at seta or á, men eitt orsøk kundi verið mangulin av Øssuri Dalbúð, sum ikki er á liðnum í ár. Teir báðir funnu væl útav tí, men í ár gongur ikki eins væl. Møguleikarnir: Umstilling ÍF er favoritur at koma víð­ ari. Teir hava á papírinum ein væl sterkari hóp enn B68. Fyri ÍF kemur at verða týdn­ingar­mikið, at teir fáa skjóta spælið at rigga. Ein møgu­leiki er at lokka B68 langt niðana vøllin. Tað tóktist rigga fyri HB, sum um viku­skiftið megnaði at vinna bóltin langt frammi á vøll­inum fyri síðani at finna pláss aftanfyri verjuna. ÍF hevur skjótar vengur, men hevur ikki fingið kontra spælið at rigga í ár. Heldur er tað Bartal Eliasen, sum verð­ ur sendur fram í álopið at vinna bóltar. ÍF skal helst stýra hesum dystinum, men megna teir at leggja eina umstillingarfellu fyri B68, so kann tað blíva av­ gerandi fyri útfallið av dyst­ inum. B68 B68 hevur fingið eina torføra byrjan uppá kappingarárið, men tað var væntað. Liðið er uppflytari og hóast spælarar sum Jann Ingi Petersen, Evrard Ble, Mads Rosenberg og Kristian Joensen eru komnir til felagið, so knípur tað við breiddini á liðnum. Tað er blivið til ein ein­ kultan sigur móti AB og so tveir javnleikir móti EB/ Streymi og Skála. Liðið stríð­ ist við at finna eina spæli­ hátt, sum passar best til teir spælararnar, sum eru í felag­ num. Lykilin: Jann Ingi Petersen Ein stórur partur av upp­ gáv­uni hjá B68 verður at fáa tamarhald á miðvøllin hjá ÍF. Har er Jann Ingi Petersen undan­gongdumaður. Avrik­ ini hava verið svingandi í ár, men til dystin í kvøld skal hann helst hava ein av sín­ um góðu døgum, um B68 skal hava nakran møguleika. Jann Ingi var í fjør dags­ ins spælari, tá Víkingur vann finaluna móti EB/Streymi. Tað er eitt líknandi avrik, sum skal til, um B68 skal hava nakran møguleika at koma víðari. Møguleikarnir: Miðvøllurin Fyri B68 liggur lykilin at fáa røttu samansetingina á mið­ vøll­inum. B68 hevur fleiri góðar spælarar, men onkrir av teimum líkjast ov nógv í spæli­hátti. Tí er tað ein av­ bjóðing hjá venjaranum, at fáa sett teir rætt saman, so teir kunnu fáa sum mest burtur­úr móti ÍF. Eitt sum ikki má henda er, at liðið missur bóltin langt frammi á vøllinum, so ÍF sleppur í mótálop. Tað tykist verða eitt av veiku punkt­ inum hjá B68 í ár. Vinnur B68 miðvøllin, so fáa framrættaðu spælararnir ikki nakað at arbeiða við. So eru toftamenn hálvan vegin í hálvfinaluna. Tipping: ÍF í hálvfinaluna Higartil hava favorittarnir greitt sín setning og eru komnir víðari. ÍF er favo­ritt­ ur at vinna hendan dystin og tað ljóðar til, at Albert Ellefsen raðfestur steypa­ kapp­ing­ina høgt. Tí verður hetta óiva eitt tendrað ÍF lið, sum kemur á vøllin í Svanga­ skarði í kvøld. Sosialurin tippar, at ÍF verður omaná, tá dómarin bríkslar fyri seinastu ferð. Liðið hevur royndirnar, sterk­ari lið á papírinum og hevur meiri brúk fyri einum steypa­sigri enn B68, sum hevur yvirliving í lands­kapp­ ing­ini sum høvðusmál. trondur@sosialurin.fo Seinasti hálv- finalisturin skal finnast Clayton Soares hevur verið ein lyklaspælari fyri ÍF tvey tey farnu árini, men í løtuni avrikar hann ikki nóg gott Mynd: Álvur Haraldsen Tað verður B68 ella ÍF, sum verður fjórða liðið, sum sleppur í hálvfinaluna í kappingini um Løgmans­steypið saman við Víkingi, EB/Streymi og HB