mánadagur 19. mai 2014síða 12

Mánadagur 19. mai 2014 · Nr. 56 12 Sosialurin Hugskot og viðmerkingar – send sms til 225000 F øroyar hava ikki ráð til at takka nei, tá vit hava møguleika at knýta útlendskar kapacitetar at okkum. Tað er einans við støðugum broyt­ ingum og tillagingum, at besta úrslitið fæst. Ítróttur er einki undantak til støðugu áminn­ ing Darwins um, at »the fittest survives«. Har merkir »fittest« hvørki tann fittasta ella sterkasti, men tann, ið dugir best at tillaga seg. Avleitt av enska »to fit«. Fyri viku síðani varð finala í lítlu steypakapp­ ing­ini – liga cup – í Ungarn. Tomislav Sivic, sum flestu fótbóltselskandi føroyingar kenna, stóð sum venjari hjá vinnandi liðnum. Sami Tomislav skal komandi leygardag standa á síðulinjuni, tá stóra steypakappingin verður spæld. Ein kapping, sum Tomislav eisini hevur verið við til at vinna áður við øðrum ungverskum felag. At Sivic nú hevur møguleika at vinna sítt triða steyp í Ungarn, Hetta staðfestir týðiliga, at talan er um meira enn bert eitt lucky punch. Ungverska deildin er kanska ikki tann sterkasta í Europa, men hon er total-dominera av nøkrum liðum, ið umvegis almennan stuðul hava greiðar kappingarfyrimunir. Og tí er tað bragd í sjálvum sær, um okkurt av smærru feløgunum stingur nøsina fram. Í góð fimm ár var Sivic venjari í føroyskum fótbólti. Fyri tað mesta við sera góðum úrslitum. Hann var ikki tann, sum tagdi um egnar dygdir, og meira enn tí einu ferðina fanst hann at, at FSF eftir øllum at døma als ikki hevði hug at gagnnýta hansara venjaraevnir. Hvør orsøkin var, kann bara illgitast um, men onkurs­vegna stendur ein sterk mynd av, at FSF heldur vildi tvíhalda um egnu venjaraskúlingina, heldur enn at taka ímóti íblástri uttanífrá. Sæð burtur frá A-landsliðsvenjaranum, so hevur FSF mest sum púrasta einvíst brúkt venjarar úr egnari veltu. Altso venjarar, sum allir hava somu uppaling. Alt gott um tað, tí sjálvandi skal FSF vísa hesum álit. Men verður tað álitið púrasta blint, kvettir tú eisini møguleikan fyri tí íblástri, sum altíð er fortreytin fyri støðugum tillaginum. Og tá verður menningin ikki tann, sum hon kundi verið. Við tí, sum Sivic síðani hevur avrikað, kunnu vit – við allari virðing fyri øllum teimum, sum hava virkað her á landi – staðfesta, at við undantaki av Brian Kerr, hevur eingin teirra avrika í nær námind tí, sum Serbin hevur gjørt. Og vit kunnu eisini staðfesta, at tað er stórt spell, at hesi venjaraevni ikki í enn størri mun komu føroyskum fótbólti tilgóðar. Ræðast broytingar www.ab.fo: Í mun til síðstu viku var tað ikki bara veðrið, sum var gott. Tað var eisini ein góður dystur og eisini ein uppiborin 4-1 sigur til okkum. www.b36.fo: Við ytsta partinum av neglunum hildu vit fast um oddasessin, tá tað í dag eydnaðist at koma úr Runavík við trimum stigum www.eb-streymur.fo: Áðrenn dystar byrjan var greitt, at René Tórgarð, sum er Føroya besti málmaður, ikki var tøkur vegna sjúku. So Jákup Andrias mátti taka tørnið í hansara stað. www.hb.fo: Hóast vit samamuntikið vunnu ein góðan sigur, vóru fleiri støður, sum skálamenn helst eiga at iðra seg um. Vit vóru neyvari tá á stóð og skoraðu tey neyðugu málini. Seinasta korterið koyrdu vit sigurin heim. www.nordlysid.fo: KÍ fekk bank á Svangaskarði í kanska vánaligasta dystinum hjá KÍ síðani uppflytingina í 2010. Dysturin var ikki meir enn byrjaður, so var 2-0 til B68. Og so var støðið lagt. Hetta skuldi blíva ein tann mest pínligi KÍ dysturin í fleiri ár. Eingin vilji, einki samanhangandi spæl og ein rúgva av persónligum mistøkum. www.b68.fo: Annars kunnu vit fyri stuttleikar nevna, at undan kappingarbyrjan, setti Norðlýsið fleiri av teimum kendastu viðhaldsfólkunum hjá KÍ spurningar um, hvat teir væntaðu av Effodeildini 2014. Tað sum teir allir samlir vóru samdir um, var at B68 fór at flyta niður, so tað má følast heldur súrt eftir dagsins dyst. Livst so spyrt. Heimasíðurnar skriva: Ítróttar klumman Jákup Mørk ■ Veit ikki hvat var ræðuligari í Fuglafirði í dag - grindadrápið ella Effo liðið hjá ÍF ? ( ÍF - AB ) Besta sms'ið í Triða Hálvleiki hjá Rás2: ítróttur ítróttartoymið Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Teitur Joensen Pætur E. Jensen SuSvim vann mest á FM/JM 2014 Tróndur Arge Ásbjørg Hjelm setti føroyskt met og juniormet í 50 metra bringusvimjing, tá ið hon fríggja­morgunin svam teinin uppá 33.90 sekund. Ásbjørg setti eisini nýtt før­ oyskt junior­met, tá ið hon leygar­kvøldið svam 100 metra bringusvimjing uppá 1 minutt og 14.52 sekund. Emma Festirstein Nystrøm setti nýtt før­oyskt met í 200 metra bringu­svimj­ ing, tá ið hon hon í kvøld svam teinin uppá 2 minuttir og 36.12 sekund. Og teir fýra Høgni Simonsen, Dánjal Martin Hofgaard, Eyðbjørn Joensen og Róland Toftum úr Suður­ oyar Svimjifelag settu nýtt føroyskt met í 4x50 metra frísvimjing, tá ið teir svumu tann teinin uppá tilsamans 1 minutt og 35.06 sekund. Pál Joensen skrivaði søgu við at fara upp um 100 gullmerki tilsamans á Føroya­meistara­stevnu, bæði íroknað liðsvimjingar og sum einstaklingur. Hann hevur nú vunnið 101 gullmerki sum einstaklingur, og 105 um vit telja liðsvimjingarnar við. So er Juniormeistarastevnan og Føroyameistarastevnan avgreidd fyri í ár, og úrslitið var at Suðuroyar Svimjifelag vann flest heiðursmerki bæði í juniorbólkinum og opna bólkinum Fjórði venjarin fær bann Trygvi Mortensen, venjari hjá NSÍ, er tann fjórði venjarin, sum fer at fáa bann í Effo-deildini higartil hetta kapppngarárið. Undan honum hava Eyðun Klakstein(KÍ), Sigfríður Clementsen (Víkingur) og Bill M. Jacobsen(AB) fingið bann.