mánadagur 19. mai 2014síða 13

13 Mánadagur 19. mai 2014 · Nr. 56 Sosialurin Hugskot og viðmerkingar – send sms til 225000 ítróttur Tróndur Arge Føroyski úrmælingurin í krops­ligari fótbóltsvenjing hev­ur saman við viðurkenda danska ítróttarfysiologinum og fyrrverandi hjálpar­venj­ ara­num í Juventus, Jens Bangs­bo, útgivið bókina, sum er ætlað sum ein faklig bók til venjarar. - Hetta er ein bók, sum er ætlað venjarum bæði her í Føroyum og venjarum í størri feløgum kring fót­ bólts­heimin, sigur Magni Mohr, sum hevur eina fortíð, har hann hevur arbeitt fyri millum annað italska Juvent­ us og enska Chelsea. Hugskotið aftanfyri bók­ ina er persónlig venjing til fótbóltsspælarar. Fram til aldar­skiftið hevur verið van­ ligt, at allir spælarar hava ver­ið bólkari saman og vant tað sama. Síðani aldarskiftið er ferð komin á gransking inn­an fótbóltsfysiologi og persónlga venjing til ein­ staka fótbóltsspælaran. - Spælarar, sum spæla á sama plássi kunnu hava ymiskar fortreytir. Tú kanst t.d. hava ein høgra og ein vinstra bakk, sum eru ymisk­ir. Annar er framrættar og hin er meiri verjukendur. Tú kanst eisini hava tveir sentral­ar miðvallarar, ið hava heilt ymiskan spælistíl, hóast teir spæla á sama plássi. Tá eru krøvini ymisk til tann einstaka spælaran. Tí er týdningarmikið, at venja teir ymiskt fyri at fáa sum mest burtur úr venjingini, sig­ur Magni Mohr. Fokus í bókin er at skilja millum teir ymisku spælar­ar­ nar á teimum ymisku pláss­ unum, tí mangan er munurin stór­ur. Juventus førandi á økinum Ferðin inn í fysiologiska ítrótt­heimin hjá Magna Mohr byrjar í Keypa­manna­ havn, tá hann byrjar at lesa á universiteti í danska høvðusstaðnum. Ein av granskarunum er Jens Bangs­bo, sum samstarvar við italska stórfelagið, Juventus. Jens Bangsbo bjóðar Magna at gera ymiskt gransk­ing­ar­arbeiði fyri hann í samband við Juventus. Tað er í 1999. Nakað seinni eru boð eftir danska ítrótt­ar­ fysiologi­num sum hjálpar­ venjara hjá høgtvirda Marcello Lippi í sama felagi. - Uttan at vita neyvt hvat fyrigongur í øllum øðrum feløgum, so havi eg eina hóming av, at vit í Juventus vóru før­andi innan økið við persón­ligum venjingum til fótbóltsspælarar, sigur Magni Mohr, sum eisini stend­ur fyri kropsligu fyri­ reik­ing­ini hjá danska fót­ bólts­landsliðinum undan HM endaspælinum í 2002 í Jap­an og Korea. Magni hevur eisini ar­ beitt í enska stórfelagnum Chel­sea. Í 2008 eru boð eft­ir honum úr London. Í 2009 verður Carlo Ancelotti sett­ur sum venjari. Hann er fyrrverandi venj­ari hjá Juven­tus og inn­gangs­ vinkul­in til venjingina er ikki ókend­ur fyri Magna Mohr. Vágbingurin fær nú ein størri leiklut, har hann er við til at ráðgeva til­rættis­ legg­ingini av kropsligu- og fót­bólts­venjingini hjá besta liðnum hjá Chelsea. Hetta verður gjørt við millum annað at filma spælarar individuelt til dyst og greina hvat teir gera á vøllinumí mun til tað, sum venjarin ynsk­ir. - Tað, sum vit millum ann­að gjørdu í Chelsea var, at hygg­ja nærri eftir tí einstaka spælar­anum. Hvat ger hann í ein­um dysti, hvat vil venjarin hava hann at gera og hvussu fáa vit á bestan hátt vant tað, sum hann skal blíva betri til, sigur Magni Mohr og vísir til hugtakið Key Per­for­ mance Indicators, sum er tey teknisku, taktisku og krops­ ligu økini sum first og fremst skulu mennast hjá einstaka leikara­num. Hetta er ein máti at velja nakr­ar eginleikar hjá einum spæl­a­ra út, sum hann skal hava fyri at passa á eitt ávíst pláss í eisini ávísari spæli­ skipan. Út frá hesum ber til at tilrættisleggja persónliga venj­ing fyri tann einstaka spæl­ar­an. - Fyri ein áleypara kann tað verða, at hann skal verða skjótur á fyrstu metri­num. Fyri ein vong, at hann er førur fyri at seta ein spæl­ara av. So raðfestur tú indivi­du­ellu e­ginleikarnar og arbeið­ur út frá tí, sigur Magni Mohr, og vísir til fyrrverandi Chel­sea spælaran, Arjen Robb­en, hvør høvuðsstyrki ligg­ur í at seta menn av við skjót­um dribblingum. Tað er millum annað við roynd­um frá Juventus og Che­l­sea, at Magni Mohr og Jens Bangsbo geva bókina út. Í bókini verður eisini víst til dømi, sum teir hava upplivað í síni tíð í stóru feløgunum í Ev­ropa. Testa tínar spælarar Bókin gevur eisini venjarum møgu­leikan at testa sínar spælarar á tekniskum økjum. Hetta fyri at kunna síggja neyvt hvørjar eginleikar ein spælari hevur. Hvørjum økj­ um teir skulu arbeiða við og hvørjum økjum teir hava sín­ ar styrkir. - Bókin gevur venjar­ um ein møguleika at tes­ta spælararnar á heilt neyv­ um økjum. Síðani vísa vit eisini á hvussu tú kanst arbeiða við teimum ym­isku eginleikunum, sum venj­ar­ in ella spælarin yns­kir at blíva betri til, sig­ur­ Magni Mohr, sum í ár var knýttur at Víkingi í upp­start­tíðar­skeiði­ num. Hann leggur afturat, at hetta er hent hjá serliga ung­ dóms­venjarum at fáast við. Eisini til føroyskar spælarar Tað kann tykjast møtumikið hjá føroyskum venjarum, ið ikki hava somu umstøður sum stóru feløgini í heimi­ num, at skula geva hvørjum ein­støkum spælara per­ són­liga venjing. Her vísir Mag­ni Mohr á, at í einum venj­ingarøvisli kunnu fleiri spælar­ar fáa síni persónligu venj­ing­ar. - Í einum øvilsi kann t.d. ein spælari venja teknist og ein annar kropsliga, sig­ur Magni Mohr og leggur aftur­ at; - Tað snýr seg um at fáa øvislini at líkj­ast týdn­ ing­ar­miklum hend­ing­um í einum dysti mest møguligt fyri einstaka leikaran, so at tað passar fysiologiskt við tað arbeiði, sum ein spælari ger, tá hann kemur í eina tílíka støðu í einum dysti, sigur Magni. Hetta er onnur bókin, sum Magni og Jens Bangsbo geva út saman og tann fjórða hjá Magna Mohr. Tann fyrra bókin hjá Magna og Jens eitur “Fitness Testing in Foot­ ball” (2012). Eisini her bleiv dentur lagdur á, at øll skulu kun­nu fáa nyttu burtur úr bók­ini. - Tá gjørdu vit tað eisini so, at tey smærru feløg­ ini kunnu fáa nyttu burt­ur­ úr bókini. Tað gera vit við at vísa á møguleikar, sum smærri feløg kunnu nýta, sig­ur Magni Mohr. Magni leggur at enda afturat, at bókin er ætlað sum ein venjarabók til venjarar. Bókin “Fitness Testing in Football” er hagartil blivin umsett til kinesiskt og verður millum annað brúkt á venjaraútbúgvingum úti í heimi. Ætlanin er eisini at nýggja bólkin skal umsetast til millum annað kinesiskt og onnur mál, sum hon røkkur kring heimin. Bókin er upprunaliga á enskum. trondur@sosialurin.fo Magni Mohr við nýggjari bók - Tveir spælarar, sum spæla á sama plássi kunnu hava ymiskar fortreytir. Tí er týdningarmikið at venja teir ymiskt, sigur Magni Mohr, sum saman við Jens Bangsbo hevur útgivið bók um persónligar venjingar til fótbóltspælarar