týsdagur 20. mai 2014síða 6

Mikudagur 21. mai 2014 · Nr. 57 6 Sosialurin Hugskot og viðmerkingar – send sms til 225000 Ein uppgáva fyri tvær milliardir Sum nevndarformaður í P/F Eystur- og Sandoyartunlar situr Bergur Poulsen við endan í føroya størstu samferðsluútbygging. Almenna tunnilsfelagið varð stovnað mánadagin Jón Brian Hvidtfeldt Mánadagur 19. mai 2014 klokk­an 13. Gongst sum løg­ tingið ætlar, kann tíðspunktið gerast áhugavert í føroyskari samferðslusøgu. Boðað er til stovnandi aðalfund í almenna tunnilsfelagnum, P/F Eystur- og Sandoyartunlar. Felagið er stovnað við 15 milliónum krónum í partapeningi, og tað skal næstu árini standa fyri at gera Eysturoyar- og Sandoyartunnilin. Tvær tunnils­verkætlanir, ið skulu vera lidnar ávíkavist í 2019 og 2021, og sum samanlagt eru at rokna sum nógv tann størsta samferðsluútbygging í Føroya søgu. Arbeiðið er ikki bjóðað út enn, men sambært fesk­astu metingunum fer Eystur­ oyartunnilin at kosta 1050 milliónir krónur, meðan Sand­oyar­tunnilin fer at kosta 865 milliónir. Næstu 10 árini skal tað almenna seta tilsamans 400 milliónir krónur í partapeningi í nýggja tunnilsfelagið, meðan al­menna tunnilsfelagið skal læna restina. – Eg haldi at 400 milliónir krónur í partapeningi er nú ikki so lítið, tá talan er um íløgur fyri tilsamans tvær milliardir í okkara infrakervi. Partapeningurin átti at gjørt tað áhugavert hjá íleggjarum at læna pengar til hesar verk­ætlanir, sigur Bergur Poul­sen, sum á stovnandi aðal­fundi tók við sum nevnd­ ar­formaður. Ein av fyrstu uppgáv­ un­um verður at lýsa eftir stjóra til P/F Eystur- og Sand­oyartunlar. Fleiri kjarnu­boringar skulu ger­ast, umframt at almenna tunn­ ilsfelagið skal út í sam­ráð­ ingar við privata P/F Eyst­ uroyartunnilin um at keypa tey data, sum pri­vata felagið eigur um Eystur­oyartunnilin. Eisini skal fíggingin fáast upp á pláss. Av tí at talan er um sera stórar upphæddir, so roknar Bergur Poulsen við, at neyð­ ugt verður at fara út um land­oddarnar eftir størsta part­inum av fíggingini. Landsstýrismaðurin í fíggj­ar- og tunnilsmálum, sum mánadagin lat sta­fett­ ina víðari til nevnd­ar­for­ mannin í P/F Eystur- og Sand­ oyartunlar, er somuleiðis sannførdur um, at almenna tunnilsfelagið er stovnað á tryggari grund og hevur góðar møguleikar at útvega sær neyðugu fíggingina til báðar undirsjóvartunlarnar. Jørgen Niclasen vísir á, at tunnilsfelagið harumframt hevur møguleika at fáa styrk úr landskassanum. – Leisturin er lagdur so­ leiðis, at landið kann veita trygd fyri einari minstu­ ferðslu í Sandoyar­tunnlinum. Tað merkir, at tað almenna veitir vissu fyri, at almenna parta­felagið fer at hava eina ávísa inntøku, sigur Jørgen Nicla­sen. Kjølfesti Almenna tunnilsfelagið er stovnað oman á eitt lógar­ verk, ið eitt samt løgting stend­ur aftanfyri. Allir 30 løg­tingslimir, ið vóru í løgtinginum til 3. viðgerð 10. apríl, atkvøddu fyri lógar­ upp­skotinum hjá Jørgeni Nicla­sen, sum síðani í fjør­ heyst eisini hevur verið lands­stýrismaður í tunn­ils­ málum. – Politisku flokkarnir eiga rós uppiborið fyri, at vit í felag kundu finna eina breiða politiska semju, sigur Jørg­en Niclasen. Linjuføringarnar fyri báð­ar tunlarnar eru ásettar í sjálvari tunnilslógini. – Tunlarnir hava ferðast aftur og fram í politisku skipanini í áravís. Og tí er tað sera gott, at spurningurin um linjuføring er avgreiddur. Tað ger okkara uppgávu neyvari og gevur okkum møguleika at miðsavna okkum um okkara høvuðsuppgávu, heldur enn at taka politisk atlit, sigur Bergur Poulsen. Nýggja tunnilsfelagið fer undir sínar forkanningar í ár, og longu um tvey ár verð­ur farið undir at bora Eyst­uroyartunnilin. Tunn­ ils­lógin, ið løgtingið enda­ liga samtykti 10. apríl, sigur at í seinasta lagi í 2018 skal farast undir at bora Sand­ oyar­tunnilin. Les meira á síðu 8 tíðindi Nevndin í P/F Eystur- og Sandoyartunlar Bergur Poulsen, form. Evy Jacobsen, næstform. Ewald Kjølbro Petur Alberg Lamhauge Marita Hentze Christian Danielsen Gunnvá á Lofti Nevndarformaðurin fær 8000 krónur um mánaðin, næstformaðurin 6000 krónur um mánaðin og hini í nevndini fáa 4000 krónur um mánaðin. FAKTA – Eg fari nú at handa arbeiðshjálmin víðari til Berg Poulsen, segði Jørgen Niclasen á tíðindafundi seinnapartin mánadagin, tá fyrrverandi stjórin í Havsbrún tók við sum nevndarformaður í nýstovnaða tunnilsfelagnum P/F Eystur- og Sandoyartunlar