mikudagur 16. juni 2004síða 7

12 Nr. 112 - 16. juni 2004 Nr. 112 - 16. juni 2004 13 – ALV-stýrið hevur havt eina tilvitaða ætlan við tí ákærandi skrivi, eg fyri stuttum fekk sendandi, og uttan at eg havi fingið møguleikan at verja meg, verðið eg nú sagdur úr starvi, sigur skúlastjórin á ALV- skúlanum við Áir í 32, Øssur av Steinum UPPSØGN Heini í Skorini heini@sosialurin.fo 63 ára gamli Øssur av Steinum hevur arbeitt á serskúlanum við Áir síðani 1972, og tók hann við skúlastjórasessinum í 1980. Nógv er hent hesa tíðina kring skúlan við Áir, og nógv útskifting hevur verið í ALV-stýrinum. Øssur av Steinum hevur í tíðar- skeiðnum frá 1980 til í dag verið skúlastjóri, men nú er hetta so eitt liðugt kapitull fyri hann. Gamal og ónýtiligur Øssur av Steinum greiðir frá, at hann ikki skilir við- ferðina, hann hevur fingið frá stýrinum, og hann hel- dur, at tey hava skotið við síðuna av í tí ætlanarskrivi, hann fekk herfyri. Men hvørjar vóru ítøkiligu grundgevingarnar fyri upp- søgnini? – Tað var sagt í skrivin- um, at eg var gamal, ósam- arbeiðsvilligur, ónýtiligur, hevði givið skeivar upplýs- ingar og hevði tikið avgerð- ir, eg ikki hevði heimildir til, men hetta skilji eg ein- falt ikki. Eg fekk at vita, at eg hevði tvær vikur at verja meg í, og síðani varð sam- tykt, at eg skal sigast úr starvið í seinasta lagi 1. august 2004, greiðir Øssur av Steinum frá. Hann heldur tað vera hugstoytandi, at hann als ikki hevur fingið høvi at svara fyri seg og koma á tal við ALV-stýrið, áðrenn stríðið kom so langt. – Tá trupulleikar og ósemjur eru, plagar ein vanliga at seta seg niður og práta um tingini, men uttan at varnast nakað fekk eg eitt skriv við uppsagnar- freist og grovum ákærum, og veruleikin er, at avgerð- in longu varð tikin av ALV- stýrinum, áðrenn eg yvir- høvur slapp til orðanna, sigur Øssur av Steinum. Hann heldur, at hann á henda hátt hevur verið verjuleysur og ikki fingið sømiliga og rættvísa við- gerð av ALV-stýrinum. Men um ALV-stýrið hevur skotið so langt við síðuna av, hvat eru so veruligu ors- økirnar til uppsøgnina av Øssuri av Steinum? – Eg veit einfalt ikki, er greiða og einfalda svarið hjá Øssuri. 63 ára gamli uppsagdi skúlastjórin hevði annars ætlanir um at rigga av í næsta ár, og tí er upp- søgnin ein sera keðiligur endi á einum tíðarskeiði í einum skúla, hann hevur varað av í 24 ár. Føroya Lærarafelag til hjálpar Øssur av Steinum sigur, at ALV-stýrið tilvitað hevur lagt ætlanir um, nær ákær- andi skrivið skuldi sendast til Øssur, har hann fekk at vita, at hann var ein trupul- leiki, og at hann skuldi sig- ast úr starvi. – Timingin við skrivinum er planløgd. Próvtøkurnar fóru júst í gongd á skúl- anum, og løgtingið fór um somu tíð í summarfrí. Hetta visti ALV-stýrið, og tí hava tey valt júst hesa tíðina á árinum, sigur skúlastjórin. Hann væntar, at onkur fyrispurningur hevði verið í tinginum um málið, um tingið ikki var farið í summarfrí, og sambært Øssuri er altíð meiri at gera í próvtøkutíðini enn aðrar tíðir. – Eg havi als ongan møguleika fingið, og stýrið hevur í veruleikanum tikið avgerðina um mína upp- søgn, áðrenn eg saman við sakførara mínum fekk høvi at verja meg í tvær vikur, sum ikki hjálpti serliga nógv, sigur Øssur av Stein- um. Hann vónar, at fakfel- ag hansara, Føroya Lærara- felag, fer at gera okkurt við málið og verja hann. Ósannar ákærur Spurdur meiri nágreiniliga, hvørjar ítøkiligar ákærur eru í skrivinum frá ALV- stýrinum, fer Øssur aftur í fortíðina og byrjar at greiða frá ymsum viðurskiftum, sum møguliga eru orsøkir til núverandi stríð. Øssur av Steinum sigur, at tíðarskeiðið síðani 1980 hevur verið eyðkent av áhaldandi broytingum og útskiftingum, og kanska eru orsøkirnar fyri núver- andi stríði at finna í fortíð- ini, hóast hann einki skeivt sigur seg hava gjørt, og hóast hann einki ítøkiligt boð hevur uppá, hvat í for- tíðini kann vera ein orsøk til uppsøgnina. – Seint í 90´unum var Jákup Lindenskov formað- ur í stýrinum og segði fyri- støðukvinnuna á skúlanum úr starvi. Beint eftir hetta segði alt stýrið seg sjálvt úr starvi, og so varð eg noydd- ur at vátta lønir og standa fyri tí umsitingarliga, tí eingin hægri myndugleiki var har, greiðir Øssur frá. Síðani kom Helena Dam á Neystabø til sum avvarð- andi landsstýriskvinna, og hon setti nýtt ALV-stýri við Bartali Kass á odda á nýggjári í 2000. – Hesi lovaðu okkum gull og grønar skógir, men eftir ein einstakan fund sóu vit ongantið halaferðina aftur á teimum. Tey settu eina nýggja fyristøðu- kvinnu, men starvsfólkini vóru so ónøgd við hesa, at eg varð noyddur at boða stýrinum frá, og so var kvinnan flutt, greiðir Øssur frá. Hann fekk í 2001 síð- ani sjálvur bræv frá stýrin- um um, at nú hevði hann pedagogisku, undirvísing- arligu og umsitingarligu leiðsluna, og síðani hevur hetta verið støðan. Øssur av Steinum hevur í hesum tíðarskeiði tikið av- gerð um, at útgjaldingarnar hjá skúlanum skulu fara gjøgnum gjaldstovuna, tí ALV-skúlin kom á fíggjar- lógina 1. januar 2003. Hetta varð gjørt í samráð við Fíggjarmálaráðið eftir ynski frá Fíggjarmálaráðn- um. Eisini hevur hann ar- beitt fyri, at ALV-skúlin skuldi flytast frá Almanna- málaráðnum til Menta- málaráðið. – Hesar broytingar og av- gerðir mínar er ein av ákær- unum hjá stýrinum móti mær, men Fíggjarmálaráð- ið staðfesti undan hesum broytingum, at eg hevði fullar heimildir og avgerð- arrætt til at fremja hetta, so hasar ákærurnar hjá stýrin- um halda ikki, sigur Øssur av Steinum. Sambært Øssuri er onkur av hesum broytingum hans- ara í fortíðini møguliga orsøkin til, at hann nú verð- ur koyrdur frá. 63 ára gamli skúlastjórin skal sum nú er vinka sínum lívsverki Við Áir farvæl áðrenn 1. aug- ust. Øssur av Steinum: Eg eri órættvíst viðfarin Tíverri fingu vit hvørki høvi at fáa viðmerkingar frá Føroya Lærarafelagi – fakfelagnum hjá Øssuri av Steinum – ella forkvinnuna í ALV-stýrinum, Doris Hansen. Vónandi er hetta gjørligt í komandi útgávu. - Tað var sagt í skrivinum frá ALV- stýrinum, at eg var gamal, ósamarbeiðsvilligur, ónýtiligur, hevði givið skeivar upplýsingar og hevði tikið avgerðir, eg ikki hevði heimildir til, men hetta skilji eg einfalt ikki, sigur 63 ára gamli uppsagdi skúlastjórin Við Áir, Øssur av Steinum Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. 80 ár Í dag, 16. juni, verður Niels Juel Arge, Klaksvík, 80 ár. Dagurin verður hildin heima saman við teimum nærmastu. 30 ára starvsdagur Mín góði vinur Jákup Frants Larsen. Tíverri lá tað ikki fyri at vitja teg tann dagin, tá ið kommunan hevði opið hús. Ja, at hava sitið í 30 ár sum skrivari í kommununi, tað eru ikki 30 dagar, nei, tað fer upp um 10.000 dagar. Tað eru nógvar fundarfrásøgnir og nógv orð skrivað øll hesi ár. Nú kom eg at kenna Jákup Frants sera væl meðan eg sat í bygdaráðnum í mong ár. Eg kom skjótt at síggja, at Jákup Frants var ein persónur, sum ein kundi líta á allan vegin ígjøgnum. Ein tekur ikki munnin ov fullan, tá ein metur hann sum eina alfrøðibók (leksikon). Hann er inni í øllum tingum, hann er ein sera gløggur maður og sera beinasamur maður at hjálpa, um ein heitir á hann. Hann var og er nógv avhildin av teim bygdaráðnum, ið hava sitið, og eisini av sínum bygdarfólki. Kommunan hevur eisini ein annan sera fyrikom- andi og beinasaman mann at hjálpa, har tað er neyð- ugt. Tað er Pætur Joensen, verkfrøðingur. Hann hev- ur eisini sitið í nógv ár á skrivstovuni. Kommunan er annars sera væl fyri. Her verður nógv gjørt, so Pætur hevur ígjøgnum hesi mongu árini lagt nógv stórarbeiði til rættis, og sum nú eru liðug gjørd. Fuglfirðingar hava eisini ein sera skilagóðan og ágrýtnan borgmeistara. Og tá hann so hevur gott fólk aftan fyri seg, tað veri seg býráðslimir, skriv- stovufólk og borgararnar, so kann tað ikki annan enn ganga væl í einum býi. Eg ynski tykkum góða eydnu í framtíðini í tykk- ara arbeiði. Símun P. Poulsen Fyrrv. bygdaráðslimur Mánadagin 14. juni 2004 fingu næmingar á Tórshavnar Kvøld- og Ungdómsskúla og Maskinmeistaraskúlanum prógv í dugnaskaparútbúgving í motorpassing. Aftara rað frá vinstru: Steen Juul Petersen lærari, Zacharias Bech, Virgar Zachariasen, Jónleif á Svínafløtti, Ólavur Jacobsen, Eyðfinnur Steffansson. Fremra rað frá vinstru: Fritleif Henriksen kvøldskúlastjóri, Gunnar Skúvadal, Christian Christiansen, Tórbjørn Sæbúð, Pætur Hansen. Andras Mortensen og Martin Thomsen mangla á myndini Mynd: Magnus Gunnarsson Dugnaskaparútbúgving í motorpassing 17. juni verður maðurin sjeytifimm. Er okkum lív lagað, so blíva vit tað, sum eingin vil, gomul. Hóast ald- urin nartlar av okkara kroppi tíðliga og seint, so taka hesar flidnu rendur væl ímóti aldurdóminum. Ja, hjá føðingardagsbarninum stendur við klettin, nú hann fer um Kappan. Hann hevur í lívi sínum verið stak arbeiðssamur, treiskur og fram- fýsin, og ikki sørt av lívrunnum mentanarmynstri er í Fuglafirði, sum hann hevur verið við at mynda. Hornorkestrið og Badmitonfelagið var hann við at stovna, virkin í Sjónleikarfelagnum og Fuglafjarðar sangkóri í mong ár, kvøldskúlanum og ikki minst í handilsskúlanum, sum hann leiddi frá 1968- 82. Hans- ara dagliga yrki var lærari í Fugla- fjarðar skúla frá 1953 til 1981, og eftir tað fór hann í starv í Lands- skúlafyrisitingini sum undirvís- ingarleiðari til 1996, tá ið hann legði frá sær vegna aldur. Hetta er so ein partur av tí, sum hann hevur nomið við í sínum lívs- yrki. Arnold rennur ikki løturnar av sær í kurvastólinum, men dagliga gongur hann niðan á Skarð, ja, hansara navn átti ikki einans at staðið í bókini Føroyskir fólka- skúlalærarar, men eisini í Guinnes, sum maðurin, ið hevur verið á Skarðinum flestu ferðir. Myndin av fólki, sum hava gingið hesar leiðir dag um dag og ár um ár, er tær í huga. Farleiðin, har forfedrar okk- ara gingu, tá ið farið varð á fjall, til neytar, í torv, og ørindi bygdanna millum, so var tað Skarðið, portrið, sum farast skuldi um - norðurum til skyldfólk og kenningar, men hugs- andi er, at Skarðið dregur. Um- hvørvið her er fjálgt og hugnaligt á summrið - men sanniliga eisini kann tað bíta frá sær á hávetri, tá ið landnyrðingurin hvessir á tonn, tá er ikki tespiligt á Skarðinum. Her uppi situr tú í tínum egnu tonkum og hugsar. Portrið á Skarð- inum er ein ikon, íð letur upp fyri so mongum, og í Arnoldsa verð eru so nógvar søguligar ikonir, sum dag og dagliga renna kapp við vitan hans- ara um søgu og søgulig brøgd víða um. Áhugin fyri tí søguliga hevur altíð verið stórur, og nógvar hava løturnar verið, tá ið søgumaðurin Arnold segði frá bæði í skúlanum og heima við hús. Tá er hann um- broyttur í sini vitan, og vit onnur, sum bert vita eitt dism av tí søgu- liga, mugu bert taka hetta til eftir- tektar og goyma tað í onkrari skuffu í "hardiskinum" og trýsta á "safe as".... sum Arnold segði. Ikki bert Skarðið dregur, men eisini pensjonistasvimjingin leygar- morgun í vátum vatni eru løtur, sum eru ógloymandi, tá ið menn, pensjonistar í svimjihylinum, siga frá livandi løtum í tí farna . Hetta er næstan sum í tí gamla Rom, men munurin er bara tann, at hetta eru vanlig fólk - fæloys-ingar og gott fólk, sum eiga hesa løtuna. Her svambla 75 ára gamlir menn sum selur á sundi. Arnold er ein teirra og brúkar hann allar sínar likamligu og søguligu hestakreftir til svimjingar- løtuna leygarmorgun. Tá ið menn eru lidnir við svimj- ingina, hevur Arnfinnur Olsen borðreitt við morgundrekka, boll- um, osti og gulari piparfrukt. Ja, hetta er ikki einans gamlamanna- kæti, sum dregur av sær, men hetta er sannur "kulturur" - ein nýggjur táttur í okkara fólkamentan í bygd- ini. Nú Arnold fer um tey sjeytifimm árini, er hetta ein heilsan ovast uppi frá og í lítla morgunhavið í skúlan- um. Heilsaður verði tú á føðingar- degi tínum við ynskjum um nógvar góðar túrar niðan á Skarð og svimjiløtur í svimjihylinum saman við pensjonistabólkinum In á Yellow Submarine. Hjartaliga til lukku Frits Arnold Abrahamsen sjeytifimm ár C M Y K 13 12 NØVN Í VIKUNI Dagurin 16. juni. Tycho. Í fjórðu ella fimtu øld var hann biskupur í Amatus á Kypros. Niels Juul Arge 80 ár Niels Juul varð føddur 16. juni 1924 í Klaksvík. Foreldur hansara vóru, Petra Joensen hjá Óla klokker og Magnus Arge, vanliga róptur Argja Magnus. Niels Juul og Óluva vóru tvíburðar og nummar trý í røðini av 9 systkjum. 18. desembur í 1949 giftist hann við Henriettu Hansen, vanliga rópt, Eia. Tey eiga børnini Siggu, gift við Kára Borgarklett, Petru, gift við Hjørleif Poulsen og Andrias, giftur við Gunnhild Waag Høgnesen. Niels Juul eigur 9 abbabørn, sum trúliga vitja abba og ommu. Sum blaðungur fór hann í blikksmiðjulæru á Fornagørðum, og 7. februar í 1949 byrjaði hann fyri seg sjálvan. Tað er lív í blikksmiðjuni enn, og eru tað dóttirin, Sigga og versonurin, Kári, sum reka blikk- smiðjuna. Tað, sum Niels Juul helst er mest kendur fyri, er klokkarastarvið í Christianskirkjuni, sum hann trúfast hevur røkt, síðani hann í 1960 tók við starvinum eftir faðir sín. Frammanundan hevði hann avloyst pápa sín, og í mai í ár vóru liðin 65 ár, síðani hann ringdi í gomlu kirkjuni á fyrsta sinni. Klokkarastarvið hevur á ein hátt gingið í arv, og tók pápi Niels Juul við starvinum eftir verfaðir sín. Nú eru tað sonurin, Andrias og versonurin Hjørleif, sum avloysa Niels Juul, tá honum býðst frá. Í samkomuni, Emmaus, hevur hann eisini verið sera virkin, bæði á møtum og í sunnudagsskúlanum. Niels Juul dámar sera væl at fáast við seyð, og dagliga hevur hann verið at sæð á trøðni millum Grøv og Oyrar, har hann eisini veltir epli og setur niður rabarbur. Flestu rundu føðingardagar, hava Niels Juul og tvíburðasystirin, Óluva, hildið saman, og høvdu tey sæð fram til at halda 80 ára føðingardagin saman í kirkjukjallaranum. Men so skuldi ikki verða. Óluva varð tikin heim til Harran og borin til hvíldar seinasta mikudag. Vit ynskja Niels Juul hjartaliga tillukku á stóra degnum og Harrans signing á lívskvøldinum. Føðingardagurin verður hildin heima saman við familjuni.