mánadagur 16. juni 2014síða 20

Mánadagur 16. juni 2014 · Nr. 67 20 Sosialurin Hugskot og viðmerkingar – send sms til 225000 ítróttur fótbóltur Jóannes Hansen Tað gongur sum eftir ánni hjá Víkingi,og mót­streym­ urin er stríður hjá Skála. Síðsta staðfestingin av hes­ um veruleikunum var í góð­ veðr­inum seinnapartin í gjár, tá ið skálamenn fóru úr Sarpu­gerði við 5-0 lúsingi. Hetta var nógv tann triva­ ligasti sigurin hjá Víkingi higar­til í ár. Góða gongdin tríggjar tær seinastu ferðir­ nar ber við sær, at Víkingur nú er á bronsu­plássinum. Tað eru tvey stig aftur til NSÍ, og tað eru seks stig fram til HB. Í síðsta um­far­inum undan summar­steðg­inum – tann 27. juni – fær Víkingur vitjan av HB! Hjá Skála var í gjár talan um enn eitt stórt tap. Í teimum trettan umførunum, sum higartil eru avgreidd í hesum kappingarárinum, hava uppflytararnir ongan­ tíð vunnið. Hetta var sjeynda ferðin, at teir noyddust av vøll­inum uttan at hava skorað mál, og hetta var triðja ferð­in, at teir fóru av vøll­inum, eftir at tað vórðu skorað fimm mál ella fleiri ímóti teimum. Málmunurin hjá Skála er 7-32, og í posanum eru fimm stig. Tað eru bara fýra stig fram til B68 og plássið oman­fyri strikuna. Men um tað skal eydnast Skála at lyfta seg upp um strikuna, so er tað neyðugt at vinna fulla úr­tøku. Um eina viku fær Skála vitjan av AB. Um tað ikki tá eydnast at vinna, so fer tað at síggja alt annað enn gott út. Eftir 6-1 lúsingin í Runavík og 3-0 tap á heimavølli ímóti B36 var dagsskráin hjá skála­ monnum í gjár fyrst og fremst at binda fyri í verju­ part­inum og so at liva í vón­ ini um, at tað skuldi eydn­ast at skora mál. Fyritreytirnar broyttust longu í 11. minutti, tá ið Víkingur setti hol á, og tær versn­aðu uppaftur meiri, tá ið tað eftir lítlan hálvan tíma varð 2-0. So var spurn­ing­urin bara, hvussu stórur heima­ sigurin fór at verða. Fleiri broytingar Sigfríður Clementsen hevði hesa ferð gjørt fleiri broyt­ ingar. Erling Jacobsen, sum burtur­sæð frá fyrstu um­ før­unum hevur verið í mið­ verjuni saman við Atla Gregersen, var hesa ferð vong­verji í vinstru. 17 ára gamli Hjalti Størmsten var fyri fyrstu ferð á besta liðnum í landskappingar­ dysti. Hann var miðverji. Heðin Hansen og Gunnar Vatnhamar vóru í fremstu ódnunum saman við Finni Justinussen. Hans Jørgen Djurhuus var á beinkinum alla tíðina, meðan einki var at síggja til Philip Djordjevic. Nú verður ikki so leingi, inn­til Sølvi Vatnhamar og Andreas Lava Olsen koma heim av flatlondum at vera við í kappingini um fram­ rættaðu plássini. Fimm tey undanfarnu um­førini hevur Finnur Justinussen hvørja ferð verið millum málskjúttarnar. Samlaða máltalið hjá honum hesar ferðirnar er sjey. Í gjár skoraði Víkingur fimm ferðir. Merkisvert var tað, at Finnur Justinussen einki mál skoraði. Súni Olsen hevur verið høvuðs arkitektur aftanfyri góðu gongdina hjá Víkingi nógvu tær seinastu ferðirnar. Tað var hann aftur í gjár, og liðformaðurin og fyrrverandi landsliðsspælarin skoraði tvær ferðir, og hann var við í uppspælinum til fleiri av hinum málunum. Tá ið Heðin Hansen, sum hesa ferð aftur var fram­ rættaður í høgru, setti hol á, var tað eftir flatt frísparks­ innlegg frá Súna Olsen. Tá ið Hanus Jacobsen, sum hesa ferð var sentralur miðvallari, økti til 2-0, var tað eftir fínt uppspæl kring allan vøllin. 19 ára gamli Gunnar Vatnhamar, sum hesa ferð var framrættaður í vinstru, legði diagonala sending yvir í høgru, og so legði Bárður Hansen innfyri aftur til Hanus Jacobsen. Stutt undan steðginum økti Súni Olsen til 3-0, tá ið hann umsetti fríspark av brots­teigarmarkinum og eitt vet til høgru til mál. Eftir steðgin var leik­ ferðin einki at reypa av, og tá høvdu skálamenninir bóltin meiri, enn teir høvdu havt hann. Teir komu í einstakar vandamiklar støður, men talan var ongantíð um nakra rætt­iliga hóttan. Finnur Justinussen átti næstsíðsta fótin á, tá ið hann ósjálvsøkið spældi Súna Olsen leysan, so hann kundi seta bóltin í málið til 4-0, og innskiifti 18 ára gamli Magnus Jarnskor, sum varð skiftur inn miðskeiðis í 2. hálv­leiki, staðfesti tólv min­uttir undan dystarloki sigurin við rimmar máli. Bólturin tók stólpan, áðrenn hann fór í meskarnar aftan­ fyri Mark Ryutin, sum er ein av stinnastu Skála spælar­ unum, hóast tað fara nógv mál ígjøgnum hjá honum. joannes@sosialurin.fo Víkinga maskinan melur við fullari ferð (3-0) 5-0 1-0: Heðin Hansen 11. 2-0: Hanus Jacobsen 27. 3-0: Súni Olsen 42. 4-0: Súni Olsen 54. 5-0: Magnus Jarnskor 78. Dómari: Páll Augustinussen Vit Víkingar Skála fyri úrslitinum í dag Besta SMS Fótbóltssendingin Triði hálvleikur á Rás2 Víkingur Geza Turi – Bárður Hansen, Hjalti Strømsten, Atli Gregersen, Erling Jacobsen – Súni Olsen (Martin Olsen, 71.), Hanus Jacobsen, Hallur Hansson – Heðin Hansen (Magnus Jarnskor, 66.), Finnur Justinussen, Gunnar Vatnhamar (Sámal Jákup Joensen, 76.) Skála Mark Ryutin - Jákup Jacobsen, Petur Pauli Mikkelsen, Uni Jacobsen, Teitur R. Joensen – Edvin Jacobsen ■ (Karstin Justesen, 74.), Andras Frederiksberg – Holgar Durhuus, Ólavur Mikkelsen, Jákup Johansen (Rói av Fløtum, 78.) – Brian Jacobsen (Hendrik á Fríðriksmørk, 70.) Tríggjar tær seinastu ferðirnar hava víkingarnir vunnið fulla úrtøku við málmuninum 12- 2, meðan tað stendur verri til hjá Skála, sum framvegis ikki hevur vunnið, og sum tríggjar tær seinastu ferðirnar einki stig hevur vunnið, og sum hevur lagt rygg til 1-14 í málmuni Mynd: Álvur Haraldsen Steingrím Jacobsen: Skála fjeppari Ikki nógv at siga um handan dystin!..ein off-dagur!! Nú er bara at arbeiða fram ímóti AB dystinum, sum vónandi gevur 3 stig!!! skála Rúni Klein Joensen: Víkinga fjeppari Klassamunur á liđum, eg tók næstan synd í Skála í dag. Alt koyrir hjá okkum í dag, fleiri rokeringar á liđnum sum riggađu væl. 10-0 hevđi ikki veriđ ov nógv, men Skála kundi fingi eitt mál skal sigast. Komandi er Margáir og síđani B68. Tađ sær gott út hjá okkum,nú helmingin av kappingini eru farin afturum, vit eru viđ enn í FM stríđnum. WLYV víkingur Súni Olsen (7) og víkingarnir eru vælkoyrandi