týsdagur 17. juni 2014síða 15

Vilmund Jacobsen Justinus Justinussen hevur í fleiri ár verið stuðul hjá NSÍ Fótbólti og sum beiggi Ludvík við Stein, ið er kendur úr kappróðrarumhvørvinum í Runa­ víkarøkinum, hevur áhugin hjá honum eisini verið fyri kappróðri. Men, Justinus hevur eisini áhuga fyri øðrum ítróttargreinum í økinum, eins og hann um NSÍ Fótbóltin er í nýggju nevndini, sum avloysir nevndina í ment­anar­ húsfelagnum, nú Løkshøll er vorðin ein virkin partur í mentanarliga umhvørvinum í Runavík. – Eg eri ikki í nevndini aftan fyri NSÍ, men hjálpi til og eri við til at hjúkla um leikararnar, tá dystir eru í bestu deildini. Spennandi og hátíðarligt Justinus Justinussen fegnast um, at tað hevur eydnast teimum, ið standa aftan fyri eystanstevnu, at leggja eina áhugaverda og fjøl­ broytta skrá fyri stevnuna. – Her er nógv áhugavert, og her er avgjørt nakað til øll, bæði børn, ung og tilkomin. Hann vísir á, at tað altíð er hátíðarligt og ikki minst spenn­ andi, tá FM-kappróður er á eystan­ stevnu. – At NSÍ so eisini spælir dyst í Effo-deildini, hesaferð móti ÍF, er ikki minst ein løta, eg gleði meg til, og eg vænti og vóni, at tað verða okkara menn, sum hesaferð fara at draga longra stráið. Justinus heldur, at NSÍ í seinastu dystunum hevur víst, at liðið hevur stabiliserað seg, tó at liðið hevur verið eitt sindur óheppið, eitt nú í seinastu dystunum móti HB og B36. NSÍ bjørt útlit – Vit hava nógvar ungar og góðar leikarar. Tilfeingið er gott, og eg haldi, at framtíðin hjá okkara besta liði sær bjørt út. Vit hava ein væl fyrireikaðan venjara við Trygva Mortensen, og vit hava eisini ein dugnaligan hjálparvenjara við Helga L. Petersen. Tey, sum kanska ivaðust í, um tað nú var rætt at hava lokalar venjarar, munnu flestu vera komin á aðrar tankar. Eins og okkara leikarar, leggja venjararnir lív og sál í hetta arbeiði. Hann leggur aftrat, at Effo-liðið hjá NSÍ er svangt til hvønn dyst, og soleiðis eigur tað at vera. – Jú, eg haldi, at hetta er eitt tað mest spennandi kappingarárið, vit hava havt, og eg vóni, at vit fara at liggja á einum triðja ella fjórða plássi, tá kappingin er lokin, sigur Justinus Justinussen. Spennandi fótbóltur og hátíðar- ligur kappróður á eystanstevnu – Tað er altíð hátíðarligt og ikki minst spennandi, tá FM-kappróður er á eystanstevnu. At NSÍ so eisini spælir dyst í Effo-deildini á stevnuni, er ikki minst ein løta, eg gleði meg til, sigur Justinus Justinussen Eystanstevna 2014 – Nógv áhugavert er á skránni fyri eystanstevnu, og her er avgjørt nakað til øll, bæði børn, ung og tilkomin, sigur Justinus Justinussen