týsdagur 17. juni 2014síða 16

Mikudagur 18. juni 2014 · Nr. 68 16 Sosialurin Vilmund Jacobsen Høvuðsdysturin á eystanstevnu í ár verður leygardagin, tá Effo-liðið hjá NSÍ tekur ímóti ÍF við Løkin. Hesi bæði liðini spæla altíð áhuga­verdar og álopssinnaðar dyst­ ir sínámillum. Fyrsti dysturin seinasta kapp­ ingar­ár endaði við einum 3-3 javn­ leiki, eftir at NSÍ hevði verið á odda við trimum málum rímiliga langt út í seinna hálvleik. Næsti dysturin endaði við ein­um dramatiskum 3-2 sigri til NSÍ, eftir at Haraldur Højgaard javnaði fimm minuttir fyri tíð, og Einar Tróndargjógv tryggjaði NSÍ sigurin seks minuttir inn í yvirtíðina við einum brotsparki. ÍF vann tann seinasta dystin í fjør 3-1 í Fuglafirði. ÍF vann fyrsta dystin millum feløgini í ár 2-1, og nú er tíðin kom­ in til enn eina spennandi og mál­ ríka uppgerð millum eystur­oyar­ fe­løgini. Ungdómsfótbóltur Annars er skráin hjá NSÍ á trem­ ur við fótbólti alt vikuskiftið á eystanstevnu - frá teimum heilt smáu til tey tilkomnu. Bæði gent­ur og dreingir fara at renna eftir bólt­ inum við Løkin á eystan­stevnu. – Vit brúka enn sum áður nógva orku upp á ungdómsfótbóltin. Úrslitini tala fyri seg, og er NSÍ við í absolutta toppinum í føroyskum ungdómsfótbólti. Hetta sæst eis­ ini aftur á besta liðnum, har flestu profilarnir hava havt sín upp­ vøkstur í felagnum. Hetta er ein leistur, sum felagið altíð hevur havt, men sum er vorðin uppaftur sjónligari seinastu trý árini, sigur NSÍ. Nógv bíligari rakstur Eftir kappingarenda í 2011 legði NSÍ raksturin fullkomiliga um, soleiðis at kostnaðurin av besta mansliðnum hjá felagnum minkaði við meira enn einum helmingi. – Hetta hevur givið góða javnvág í roknskapin, soleiðis at felagið er rímiliga væl fyri í dag. Felagið ætlar at halda fram við sama leisti næstu árini. Fundamentið er lagt til eina trygga og spennandi framtíð fyri øll talentini, ið renna runt við Løkin. Felagið vísir á, at Effo-leikararnir hjá felagnum taka framtíðina hjá NSÍ í størsta álvara. – Hetta sæst eisini uttan fyri vøllin, har tú dagliga kanst møta Einari, Debes, Per, Jústinus og Magn­usi við vogni spákandi gjøg­ num Runavíkina. Vit kunnu sostatt staðfesta, at framtíðin hjá NSÍ er í tryggum hondum, sigur NSÍ, sum bjóðar øllum vælkomnum til fótbólt við Løkin á eystanstevnu. Eystanstevna Vilmund Jacobsen – Nú eystanstevna verður um vikuskiftið, kunnu vit gleðast um, at bert ein mánaði er eftir, til vit fáa høllina aftur. Tað sigur Hondbóltsfelagið Tjaldur, sum vísir á, at nógv er broytt hetta seinasta árið. – Vit standa nú á gáttini til at fáa eina nýumvalda høll, sum kemur at standa altjóða mát. Karmarnir koma tískil at vera betri enn nakrantíð. Hetta ætla vit í hondbóltsfelagnum Tjaldur skal koma at gagna hondbóltinum í økinum. Samstundis er hetta ein avbjóðing, sum vit við treystivætla at gagnnýta. Byggja víðari Farna kappingarár hevði Tjaldur tvey gentulið við. Av tí, at høllin hevur verið stongd allan vetur, var neyðugt at venja aðrastaðni. – Her var Nes kommuna sera vinarlig og læt Tjaldur fáa tímar í fimleikahøllini á Toftum. Vit siga Nes kommunu stóra tøkk fyri ta vælvild, sum varð sýnd okkum. Hondbóltsfelagið Tjaldur sigur, at ætlanin hjá felagnum nú er at byggja víðari á tað, sum varð sett í gongd fyri 4-5 árum síðan. – Ætlanin er at byrja frá grund­ ini, t.v.s. við børnum 6-8 ár og upp til og við 16 ára aldur. Vón­ andi møta nógv børn og ung, tá venjingarnar byrjar aftur. Felagið sigur, at fyri at fáa alt at bera til, hava tey brúk fyri nógvum lokalum kreftum, sum vilja hjálpa til við hondbólti. – Ikki er neyðugt at duga at spæla hondbólt, men at duga at hjálpa teimum, sum koma at hava høvuðsábyrgdina. Nevndin í Tjaldur væntar sjálv­ andi ikki, at hvørt fólk í komm­ ununi skal hjálpa til í felagnum, men um øll vísa áhuga, hjálpa til, tá tiltøk eru, gerst alt munandi lættari. Fjølbroytt úrval Lagt verður aftrat, at eitt økið, sum Runavík/Toftir, eigur at hava fólkagrundarlag til at hava øll sløg av ítrótti. – Vit hava í dag eitt fjølbroytt úrval av ítrótti, og okkara vón er sjálvandi, at talið av børnum og ungum, sum velja at spæla hondbólt, fer at vaksa. At enda ynskir Hondbólts­ felagið Tjaldur øllum eina góða eystanstevnu. Tjaldur á gáttini til nýumvælda høll – Vit hava eitt fjølbroytt úrval av ítrótti, og okkara vón er, at talið av børnum og ungum, sum velja at spæla hondbólt, fer at vaksa, sigur Hondbóltsfelagið Tjaldur Bátar og kamping í Runavík Vilmund Jacobsen Bátar og kamping er líka sum vorðið fastur táttur á fleiri stevnum og festivalum. Soleiðis verður eisini, nú eystanstevna verður um vikuskiftið. Hetta er tó ikki fyrstu ferð, at báta-og kampingtreff verður á eystanstevnu. Soleiðis hevur eisini verið undanfarin ár. Siglt verður av Saltnesgrynn­ uni klokkan 18 fríggjakvøldið og inn í bátahylin í Runavík, har lagt verður til bryggju. Hetta er ein lutfalsliga stutt­ ur teinur, og væntandi er, at bátarnir eru í Runavík í mesta lagi hálvan tíma eftir, at siglingin av Saltnesgrynnuni byrjar. Tilmelding til báta- og kamp­ ingpláss á eystanstevnu fer fram á tlf. 218788. NSÍ bjóðar øllum á eystanstevnu – Vit brúka enn sum áður nógva orku upp á ungdómsfótbóltin, og úrslitini tala fyri seg. NSÍ við í absolutta toppinum í føroyskum ungdómsfótbólti. Hetta sæst eisini aftur á besta liðnum, har flestu profilarnir hava havt sín uppvøkstur í felagnum, sigur NSÍ ÍF vann fyrsta dystin í ár 2-1, og nú er tíðin komin til enn eina spennandi og málríka uppgerð millum feløgini Mynd: Álvur Haraldsen