týsdagur 24. juni 2014síða 14

Mikudagur 25. juni 2014 · Nr. 71 14 Sosialurin Hugskot og viðmerkingar – send sms til 225000 Góði pápi! Vit vildu so fegin sloppið at ynskt tær tillukku við teim­um 69 árunum. Tað hevði verið so hugnaligt at komið oman til tykkara, teg og mammu, í føðingardag hjá tær. Tú hevði so nógvar ætl­ anir, tá tú fórt frá sum lærari á sumri 2012. Ætlanir, tú tosaði um líka til tað seinasta. Tað var so spennandi og stuttligt at hoyra, hvat tú ætlaði at brúka tína pensionist tilveru til. Hóast herviliga sjúku, so livdi tú í vónini - Hin vegin vart tú ongantíð bangin fyri at fara hiðani, tú vitsti at tú fórt til eitt betri stað. Tú vart eitt so sera rúm­ ligt menniskja. Tú hoyrdi til fólkakirkjuna, og vart trúgv­andi, men hjá tær vóru veggirnir so víðir og rúmini so stór, at eingin bygningur slapp at seta nøkur mørk. Tankar vóru ongantíð nokk hjá tær, tú vísti í verki hvønn tann einasta dag, at fyri teg vóru onnur menn­ iskju týdningarmiklari enn tú. Hjá tær var eitt orð eitt orð. Hevði tú sagt tað, so gjørdi tú tað. Vit vitstu altíð, at líkamikið hvat, so vart tú kletturin, vit kundu lena okkum uppat. Tú vart góður við øll, álítandi, væl lýddur, lagaligur, arbeiðssamur og rúmligur. Tú gjørdi so nógv fyri okkum babba, og fyri okkara børn - tíni abbabørn. Tað eru vit tær sera takksom fyri. Vit eru so glað fyri, at okkara børn sluppu at uppliva teg og skapa minnir um teg, sum tey altíð fara at goyma í teirra hjørtum. Ofta gloymir man at siga takk. Vit áttu oftari at víst, hvussu takksom vit vóru og eru fyri tað, tú vart. Tað er tómligt á Kirkjuvegi og friðarligt nú eingi ham­ars­ sløg frá tær hoyrast long­ur. Útvarpið hjá tær í kjall­ar­an­ um er slóknað, og am­boðini liggja, har tú legði tey. Tú og mamma góvu okk­ um nógv í okkara ryggsekk, sum vit mangan hava notið gott av, og sum vit fara at bera víðari í okkara lívi. Takk fyri alt tú lærdi okk­ um, takk fyri títt vit, tína rúmligheit, títt tolsemi. Takk fyri øll minnini. Takk fyri at tú vart pápi okkara. Eg gevi meg í Jesu hond, eg ikki ráð skal sakna, hann førir meg til lívsins lond, hvar allir stormar tagna. um vit í moldum eru huld – for Kristi skuld vit lívsins morgun vakna. Súnfríð, Jóhan og Magdalena Nakrir tankar til pápa okkara Jóhan Hera Joensen sum átti at fylt 69 ár leygardagin 14. juni Føddur 14. juni 1945 * Deyður 10. august 2013 Tað stundar til Jóansøku, har høvi verður at fáa ymiskar upp­livingar. Í ár verður so ein av hesum uppplivingum at koma á gátt í Ruth Smith savninum – at síggja máln­ inga­list eftir mætu ”merkisl­ istarkvinnuna” Ruth- frá ein­ ari sál, ið ikki gav grið, og sum ongantíð kendi seg fullnøgda við tey úrslit, íð fingin vóru, men sum alsamt og uttan steðg stevndi móti einum ideali. Tó má ásannast, at hon í stremban síni vann fram at tí stórbæra innan listina - í tí stutta lívinum henni untist – bert 45 ár. Seinasta ár 5.apríl vóru 100 ár liðin, síðani Ruth var fødd. Hesin føðingar­dag­ur var hildin alla viku 14. Fram­ sýningar vóru av ymiskum slagi, tónlistarlig innsløg við spæli og sangi, fyrilestrar um framtíðarlist og um Ruth. Ein listarverkætlan, sum setti bæði Ruth og lívs­verk hennara í hásæti, um­framt at nútíðarlistin eisini fekk rúmd. Partur av verk­ætl­anini var at knýta saman felags­ skapir í oynni um listarliga arbeiðið, somuleiðis komu fólk uttaneftir við øðrum og nýggjum íblástri. Tiltakið var lokalt við at samstarva við musikkskúlan og Kirkjukórið Ljóm, nationalt við at fáa listafólk norðaneftir at hava framsýning, og internationalt við, at fólk uttanlands kom at luttaka við framsýning. Hetta var ein sera hend­ inga­rík vika- og ringt er at taka nakað einstakt fram,men løtan í gamla kirkjugarði sjálv­an føðingardagin, tá minnis­pláta, sum Vágs býráð gav yvir listasystkini, Ruth og Willian, sum hvíla lið um lið, var hjartanemandi. Tveir sangir vóru sungnir, sum eisini vóru sungnir, tá Ruth fór til gravar, forkvinnan í mentunarnevnd Vágs býráðs - Sirið Stenberg helt røðu, og systkinabarnið Ruth Nolsøe avdúkaði plátuna. Eisini løtan í savninum aftaná var ógloymandi , tá føðingardagurin var hildin, gávur givnar, Jóannes fyrsti formaður í nevndini bar so meistarliga fram yrkingina TIL RUTH frá 1972 eftir Karst­en Hoydal , songurin við Ljómi, sum altíð er til reiðar at seta sín dám á , Einar Larsen fyri Lions club Suðuroy helt røðu og avdúkaði bringu­ mund av Ruth, sum italiu­ mað­urin Nonne, sum býr í Vági hevur greitt úr hondum og listarverk frá Karini og Árna Brattaberg og børn­ um teirra var avdúkað, sum William, beiggi Ruth, hevði málað í 1976- soleiðis- sum hann minnist Ruth sein­asta kvøldið, hon livdi. Rørandi var at eiga Ruth við málningum hennara hesa løtuna. Savnið fekk ein málning - Vágsfjørður frá 1950. Hesin málningur var keyptur á minnisframsýningini um Ruth í 1959. Eyðbjørg hjá Ans­gar, sum hon verður nevnd millum manna í Vági, gav hesa avbera stórfingnu gávu. Góða Eyðbjørg, hóast tú ikki sjálv var her, so stóra takk fyri – tú verður í minnis­ glugga savnsins, sum tann, íð dugir at virða, hvussu stóran týdning listin hevur. At hava slíkt hátíðarhald er kostnaðarmikið og krevur ómetaliga orku ,og uttan at nevna nakran , verður takkað øllum teimum, sum gjørdi tað møguligt at fremja tiltakið til frama fyri persónmenskuna Ruth Smith. Komandi ár -2015- verð­ur Ruth við á einari lista­fram­ sýning saman við íslendskari listakvinnu. Framsýningnin verður í Íslandi, Føroyum og Danmark. Annar av fyri­ reikarunum er fyrr­ver­andi stjórin í Norður­landa­hús­ inum, Helga Hjørvar. Fyri­ reikararnir koma til Vágs í sept. mánaða í ár at velja nakrar myndir út. Savnið verður opið á Jóansøku leygar- og sunnu­ dagin báðar dagar frá kl.17.00 – 20.00. Sunnudagurin verður tó serstakur – byrjað verður kl. 17.00, tá fer danski listfrøð­ ingurin Lotte Nishanthi Winth­er at halda fyrilestur: Farven som ånd og form – Ruth Smith og Hilma As. Klint. Heimasíða:www. ARTBLANCHE.DK. Síðani ferTóra Stenberg Olsen at spæla á klaverið frá uml.1892, sum júst er sett í stand. Bjóðað verður eisini kaffi og kaka. Hjartaliga vælkomin á gátt at síggja list eftir Ruth á Vágsvegi 101 – list eftir merkislistarkvinnuna, sum livdi og doyði fyri listini – sum var bæði matur og drekka fyri hennara viðkomandi. Navn hennara vil verða ritað og liva í føroyskari list – hes­ um bardist hon fyri alla ævi sína. Vegna Ruth Smith savnið Maud Benjardøgg Ruth Smith savnið