hósdagur 26. juni 2014síða 28

Sosialurin nr. 72 · 27. juni 2014 4 VIKUSKIFTI er ársins super- studentur Tað ber væl til at fáa toppkarakterir í skúlanum og samstundis hava eitt sosialt lív. – Raðfestir tú rætt, ber væl til at arbeiða, íðka ítrótt, ganga í býnum og fáa eitt gott prógv. Í øllum førum hevur tað ongantíð verið ein trupulleiki fyri meg, sigur 19 ára gamla Gerda Ferjá Heldarskarð. Hósdagin fekk hon studentsprógvið í hondina við 11,2 í miðal, og sostatt er hon studenturin við hægsta miðaltalinum í ár Samrøða Rannvá G. Fossaberg rannva@sosialurin.fo Tríggjar munnligar próvtøkur og trý 13-tøl. So mikið væl hevur gingist 19 ára gomlu Gerdu Ferjá Heldarskarð av Argjum, sum seinastu vikurnar hevur verið til endaligar, munnligar próvtøkur í Studentaskúlanum í Hoydølum. Hóast tað ikki bleiv til nakað 13 tal í teimum skrivligu próvtøkunum, gekkst tað henni eisini væl við teimum. Studentsprógvið, sum Gerda Ferjá Heldarskarð hevur fingið, vísir, at hon hevur eitt miðaltal á 11,2, og tað er hægsti miðalkarakterurin millum lidnu studentarnir hetta summarið. – Eg visti, at tað hevði gingist mær væl til allar próvtøkurnar, men at eg skuldi enda við at hava hægsta miðal­ talið, hevði eg ikki væntað. Men jú, eg eri ovurfegin, sigur Gerda Ferjá Heldar­skarð, sum í hesum døgum há­tíðar­heldur lidna miðnámsskúlan saman við flokksfeløgunum – øll við eyð­kendu studentahúgvunum. Fínt at fara til próvtøku Tað hevur verið ein strævin juni mán­ aður fyri flestu studentarnar, ið hava fyri­reikað seg til tær endaligu próv­ tøkur­nar. Langir dagar við drúgv­um lesnaði, tjúkkum bókum og nógv­um notatum hava eisini eyðkent ger­andis­ dagin hjá Gerdu Ferjá Heldarskarð hesa seinastu tíðina. – Eg havi sitið hvønn tann einasta dag og lisið og roynt at fyrireika meg sum frægast. Umframt at gjøgnum­ ganga pensum havi eg eisini gjørt rætt­ iliga nógv burtur úr við at fyrireika meg til teir spurningarnar, sum eg kundi vænta, at lærarin og sensor kundu fara at seta mær. Annars havi eg bara roynt at fingið eina góða heildarfatan av fak­ inum og teimum einstøku evnunum, sigur Gerda Ferjá Heldarskarð. Hon heldur, at tað kann vera ein stór hjálp til slíkar próvtøkur, um tú sum heild fylgir væl við í øllum tí, ið fyri­ ferst í samfelagnum. – Tað hevur nokkso stóran týdning, um tú kanst seta evnið í samband við onkra ítøkiliga støðu ella mál, sum er í sam­felagnum, og fylgir tú sum heild væl við í øllum tí, sum burdi tað ikki verið nakar trupulleiki, greiðir Gerda Ferjá Heldarskarð frá. Sjálv hevur hon ongantíð kent tað trupult at fara til próvtøku. – Próvtøkur eru fínasta slag. Sjálv­ andi kann eg vera eitt sindur spent, áðrenn eg skal inn at sita við grøna borðið, men eg veit ikki, tað gongur altíð allíkavæl, sigur Gerda Ferjá Heldar­skarð. Kann altíð fyrireika seg betur Hóast framúr góða úrslitið til allar tríggjar próvtøkurnar hevur Gerda Ferjá Heldarskarð hesar seinastu vikurnar havt eina støðuga kenslu av, at hon burdi fyri­reika seg enn betur. Júst eins og nógv­ir aðrir studentaskúlanæmingar hava tað, tá endaligu próvtøkurnar skulu fáast undir land. Gerda