hósdagur 26. juni 2014síða 29

Sosialurin nr. 72 · 27. juni 2014 5 VIKUSKIFTI – Eg føli ongantíð, at eg havi lisið nóg nógv um eitt evni. Heldur ikki beint áðrenn eg skal inn til sjálva próv­ tøk­una. Á ein ella annan hátt føli eg, at eg altíð kann gera tað betri, kundi fyri­reikað meg meir, lisið okkurt afturat og so víðari, sigur Gerda Ferjá Heldar­ skarð og leggur afturat: – Hinvegin kann mann siga, at tá tú fært 13, so ber ikki ordiliga til at gera tað betri, og tí hugsi eg, at eg hevði ikki kunnað fingið betri karakter, hóast eg hevði lisið og fyrireikað meg enn meir til hesa munnligu próvtøkurnar, sigur Gerda Ferjá Heldarskarð og smílist. Hon vísir tó á, at hóast henni dámar at fara til próvtøku og fyrireikar seg væl, er tað ikki soleiðis, at hon framm­an­undan veit, hvør karakterurin fer at vera. – Eg tími illa at vinda meg sjálva heilt upp og hugsa, at hatta gekk mega væl, tí so verður mann bara vónbrotin, um tað nú ikki gongst heilt so væl. Eg plagi at hugsa, at nú gjørdi eg tað so gott, eg kundi, eg fái eitt tal fyri avrikið, og tað er so tað, greiðir Gerda Ferjá Heldarskarð frá. Sjálv dugir hon ikki at siga, um tað er lætt at fáa 13 til próvtøku. – Fyrr helt eg altíð, at tað mátti vera nakað torført at fáa 13, men nú havi eg sjálv roynt tað, og eg má siga, at tað er ikki so torført, sum eg helt. Men okey, eg havi eisini fyrireikað meg væl og gjørt nokkso nógv burturúr fyri at fáa ein so góðan karakter sum gjørligt, og eg kann ikki siga annað, enn at tað hevur givið úrslit, sigur Gerda Ferjá Heldarskarð. Eingin nørdur Gerda Ferjá Heldarskarð heldur tað hava havt stóran týdning fyri hennara trý ár í Hoydølum, at hon hevur gingið í einum flokki, har øll hava klárað seg hampiliga væl. – Eg havi ikki gingið í einum strebara­flokki, og tað hevur heldur ikki verið nøkur kapping millum okkum næmingar­nar, men vit hava øll havt tann hug­burðin, at tað er kul at duga nakað og vita nakað. Vit hava hjálpt og stuðla hvørjum øðrum, og eg haldi eisini, at vit sum heild hava duga væl at verið glað, tá tað er gingist onkrum av okkum væl við eini uppgávu, sigur Gerda Ferjá Heldarskarð, sum sigur seg ikki hava upp­livað øvunsjúku, nú hon stendur við besta studentspróvnum í ár: – Floksfelagarnir eru allir glaðir mína vegna, og fleiri teirra hava sagt, at tey eru errin av mær og at eg havi uppi­borið eitt miðaltal á 11,2. Tað ger tað eis­ini eitt sindur stuttligari fyri meg, at tey eisini gleðast mína vegna, sigur Gerda Ferjá Heldarskarð. Hon leggur dent á, at hóast hon hevur megnað at fáa eitt so mikið gott student­sprógv er tað als ikki tað sama sum, at hon bara hevur sitið heima og lisið og als ikki verið sosial saman við vinfólki. – Eg haldi avgjørt ikki, at eg eri nakar nørdur. Í roynd og veru havi eg verið rættiliga sosial øll trý árini, eg havi gingið í studentaskúla. Eg havi ar­beitt, spælt hondbólt, fótbólt, gingið í býnum og ja, alt tað, sum tey ungu nú eina­ferð fáast við, sigur Gerda Ferjá Heldarskarð og heldur fram: – Tað hevur avgjørt nakað at gera við raðfestingar og at tíma at seta seg inn í tey ymsu tingini og líkasum geva hvørjum faki ein kjans. Eg haldi, at tað snýr seg um at vera opin um tey ymsu fakini og ikki minst vilja fáa nýggja vitan, sigur Gerda Ferjá Heldarskarð, sum tó viðgongur, at tað eru onkur fak, hon ikki kennir seg so stinnan í. – Alt tað kreativa so sum tónleikur og evning er ikki ordiliga eg. Tað er nokk mín minni sterka síða, sigur Gerda Ferjá Heldarskarð, sum enn ikki er heilt greið yvir, hvat studentsprógvið skal brúkast til. – Av tí at mær dámar so væl at ganga í skúla og fáa nýggja vitan, haldi eg tað vera rættiliga toført at skula avmarka meg til bert at velja eina útbúgving. Onkun­tíð hugsi eg um at lesa retorik, og næsta dag er tað at lesa medisin, sigur Gerda Ferjá Heldarskar, sum í fyrstu syftu fer til Ghana í september at gera sjálvboðið hjálpararbeiði í tríggjar mán­aðir. Aftaná fer hon at arbeiða og finna fram til, hvørja útbúgving hon skal velja. Men næstu dagarnar skulu bert snúgva seg um hugna og húgvuball. – Tá eg hugsi aftur á tíðina á studenta­skúlanum, kann eg ikki siga ann­að enn, at hetta hevur verið ein feit upp­living. Ein ordiliga feit uppliving, sigur fegna, nýklækta pisan, Gerda Ferjá Heldarskarð. myndir: álvur haraldsen