hósdagur 22. mai 2014síða 10

Fríggjadagur 23. mai 2014 · Nr. 58 10 Sosialurin Hugskot og viðmerkingar – send sms til 225000 Marjun Dalsgaard Ungar kvinnur í dag hava javnstøðu. Tað er ikki ein forðing at vera kvinna, og tí er kvinnukampurin deyður. Millum annað hetta var sagt í provokerandi upplegginum hjá Eydnu Skaale, som var boðin í Mettustovu til at koma við einum kjak­upp­ legg­ið mánakvøldið 19. maj hjá Kvinnufelagnum í Havn. Í tí sambandinum hevði hon spurt nakrar ungar kvinnur, hvat tær hugsa um, tá tær hoyra orðið Kvinnu­ felagið. Allar søgdu, at tær ikki vistu, hvat tað var. Onk­ ur fekk ovastaloftsroyk í nasa­gluggarnar, og onkur onn­ur hugsaði um konur yvir 75, sum spæla sjavs. Eydna Skaale heldur orsøk­ ina vera, at tað ikki er eydnast Kvinnufelagnum at seta evni ella trupulleikar á dagsskránna, sum eru við­ komandi fyri ungar kvinnur í dag. – Tað hava verið nøkur brennandi mál, sum kvinn­ usakin hevur flutt. Somu løn fyri sama arbeiði og val­ rætturin, fyri at nevna okk­ urt. Men í løtuni er einki klárt mál, sum savnar kvinnurnar í eini felags søk, vísir Eydna á. Hon er greið yvir, at tað eru ójavnar í samfelagnum. – Vit hava serlig kvinnuøki, sum í stóran mun snúgva seg um menniskju, røkt og umsorgan, og so hava vit serligu mannfólkaøkini, sum snúgva seg um pengar, asfalt og avgerðir. Men kvinnuøkini verða sum heild nógv minni vird og nógv minni lønt, enn mannfólkaøkini. Tað er ein stórur trupulleiki - og serliga nú okkum manglar kvinnur í landinum er tað taktiskt býtt at niðurraðfesta hesi økini. Eydna vísir á, at hetta er nakað, flestu kvinnur vita av og halda vera ov galið. Men hvussu skal hetta broytast? – Um tú ikki upplivir ein trupulleika í dagligdegnum, og um tú ikki ordiliga dugir at síggja, hvussu tú í einum skundmiklum gerandisdegi kanst vera ein partur av loysnini, so er ringt at brenna fyri eini søk, sigur hon.   Eg havi einki at brenna mín brósthaldara fyri – Eg havi ongantíð í mínum lívi upplivað, at tað, at eg eri kvinna, hevur verið ein bági. Eg havi havt júst somu møgu­ leikar, sum teir drein­girnir, eg gekk í flokki saman við. Kvinnurnar í mínum ættarliði kunnu fáa ta útbúgvingina, okk­um lystir, tær flestu velja eisini yrki eftir áhuga, og tosar tú um løn og annað, so er tað ofta ein spurningur um at duga at forhandla. Vit hava møguleika at fáa meiri í løn enn okkara mannligu starvsfelagir, sigur Eydna Skaale. Ítalisetanin av einum kampi ímillum kvinnur og menn er ikki nakað, sum hon kann sameina seg við og tað er kanska júst hetta, sum ger, at nógvar ungar kvinnur ikki eru áhugaðar í kvinnukampi í dag. – Menninir í okkara ætt­ ar­liði eru annarleiðis, enn teir vóru fyrr. Teir taka helst í størri mun sítt tørn, enn teir gjørdu fyrr, og um Kvinnu­felagið ikki hevur størri trupulleikar, enn hvør tendrar turki­trumluna ella parar hosur runt um í heim­ unum í Føroyum, so er væl statt, sigur Eydna Skaale. Hon heldur tað vera av týdn­ ingi, at barsilin ikki verður oyramerktur monnum. – Vit eru vaksin fólk, og vit eiga sjálvi at avgera, hvør er heima hjá barninum. Eg haldi, at vit mugu líta so mikið á fólk, at vit lata tey taka avgerðina sjálvi, sigur hon.   Vil provokera Hon leggur dent á, at upp­ leggið, við heitinum ”Eg havi einki at brenna mín bróst­ haldara fyri” fyrst og fremst var ein provokatión. – Hetta er fyri at provo­ kera. Men samstundis er ein farri av sannleika í tí, tí kvinnukampurin fyllir at kalla einki í dag. Og ungar kvinnur kenna seg ikki settar afturum mannfólkini. Vit liva tað lívið, vit ynskja okkum, og nýtast ikki vera bundnar at manninum. Hinvegin heldur hon, at kvinnur sjálvar kanska kundu veri rúmligari yvirfyri hvørji aðrari. – Eg haldi ofta, at kvinnur í Føroyum eru skjótar at døma hvørja aðra. Er ein kvinna ov ambitiøs, so hon til dømis má lata mannin fara á foreldrafund, er tað galið. Er hon hinvegin bara harheima og bakar bollar, er tað eisini galið, sigur Eydna Skaale og vísir á, at kvinnur í Føroyum hava eitt ekstremt sosialt kontroll á Eg havi einki at berjast fyri 30 ára gamlar kvinnur hava ikki fyri neyðini at stríðast orsakað av sínum kyni. Tað er ikki ein forðing at vera kvinna longur, og tí er kvinnusøkin ikki viðkomandi fyri tað unga ættarliðið. Millum annað hetta segði Eydna Skaale, tá hon var boðin í Mettustovu at prika til sínar samsystrar mánakvøldið javnstøða Kvinnufelagið megnar ikki at seta trupulleikar á dagsskránna, sum eru viðkomandi fyri ungar kvinnur í dag, heldur Eydna Skaale, sum var bjóðað í Mettustovu at koma við einum provokerandi innsparkið 19. mai Kvinnur í Føroyum eru skjótar at døma hvørja aðra. Er ein kvinna ov ambitiøs, so hon til dømis má lata mannin fara á foreldrafund, er tað galið. Er hon hinvegin bara harheima og bakar bollar, er tað eisini galið