mánadagur 26. mai 2014síða 12

Mánadagur 26. mai 2014 · Nr. 59 12 Sosialurin Hugskot og viðmerkingar – send sms til 225000 tíðindi Eirikur Lindenskov Greingini av roknskapunum hjá politisku flokkunum her á síðuni vísi, hvussu ym­iskt politisku flokkarnir eru fyri fíggjarliga. Javn­að­ar­ flokkurin er so nógv tann ríkas­ti, meðan Framsókn er tann fátækasti, um hugt verður eftir seinastu rokn­ skapu­num, sum eru frá 2012. Poul Michelsen sigur í við­merk­ing til greinina, at hann roknar ikki við – ella vónar ikki, at nakar rekur eitt politiskt arbeiðið ella ein politiskan flokk við vinn­ingi fyri eyga. – Tað er dýrt at stovna ein nýggjan flokk, og skal boð­skapurin hjá einum nýggj­um flokki koma út, so kost­ar tað. Tó haldi eg, at vit bú­skap­ar­liga eru komin væl burtur­úr stovnanini, sigur hann. Poul Michelsen sigur, at netto­skuldin hjá Framsókn til bankan og kreditorar nú er góðar 300.000 krónur. – Tá árið 2014 er av, er Framsókn skuldarfrítt, og vit kunnu byrja at savna pen­ing inn til komandi val­ stríð, sigur Poul Michelsen, sum kortini vónar, at valið kem­ur fyrr enn ætlað. Hann sigur eisini, at lima­talið og áhugin fyri Fram­sókn veksur alsamt og lovar tí, at Framsókn verð­ ur virkið og sjónligt til eitt komandi valstríð - nær tað so enn kemur. Eirikur Lindenskov Tað er stórur munur á, hvussu væl politisku flokk­ar­nir eru fyri fíggjarliga. Javn­að­ar­flokkurin er í serflokki við eini eginogn upp á 7.113.000 krónur. Ringast fyri er Framsókn, sum hevur eina nega­tiva eginogn upp á upp á minus 690.000 krónur. Javnaðarflokkurin er so væl fyri, at ognirnar hjá flokki­num eru 13,5 ferðir so stórar sum hjá øllum hin­um seks flokkunum í løg­ tingi­num tilsamans. Tað vís­ir ein gjøgumgongd av roknskapunum fyri 2012, sum eru teir seinastu al­ men­nu roknskapirnir. Næsta ár verður løg­tings­val, og tað kostar nógv­ar pengar hjá politisku flokk­unum at brynja seg til val. Stóru flokkarnir brúka yvir eina millión hvør í einum slík­um valstríði. Sambært roknskapunum brúk­ tu flokkarnir so nógvar peng­ar upp á løgtingsvalið í 2011: Sambandsflokkurin 1.268.000 kr Javnaðarflokkurin 1.182.000 kr Fólkaflokkurin 1.053.000 kr Tjóðveldi 1.026.000 kr Framsókn 931.000 kr Miðflokkurin 503.000 kr Sjálvstýrisflokkurin 260.000 kr Tilsamans 6.223.000 kr Størstu inntøkurnar hjá flokkunum stava frá stuðulinum frá løgtinginum, sum flokkarnir sjálvir áseta. Tað verður gjørt eftir stødd, og av tí at Sambandsflokkurin var størstur við seinasta val fær hann mest. Stuðulin frá ávikavist løg­tingi­ num og fólkatinginum til flokk­ar­ nar er býttur soleiðis: Fólkaflokkurin: 481.000 kr frá løgtiginum og 114.000 frá fólkatingum Sambandsflokkurin: 518.000 kr frá løgtiginum og 185.000 frá fólkatingum Javnaðarflokkurin: 401.000 kr frá løgtiginum og 126.000 frá fólkatingum Sjálvstýrisflokkurin: 182.000 kr frá løgtinginum Tjóðveldi: 410.000 kr frá løgtiginum og 116.000 frá fólkatingum Framsókn: 206.000 kr frá løgtinginum Miðflokkurin: 206.000 kr frá løgtinginum Tað er løgtingið – ella skatt­ gjaldarin – sum fyrst og fremst fíggjar politisku flokkarnar. Skipan­in við »stuðuli til politiska upp­lýsing« var í sínari tíð gjørd til at hjálpa bløðunum. Allir flokk­ ar áttu hvør sítt blað – uttan Sambandsflokkurin, sum varð stuðlaður av privatu Dimma­lætt­ ing, sum í nærum 100 ár stuðlaði Sambandsflokkinum, hóast flokk­ urin ongnatíð átti blaðið. Hinir gomlu flokkarnir, t. v. s. allir uttan Mið­flokkurin og Framsókn, hava havt síni politisku bløð. Síðani bløð­ini vórðu loyst frá flokkunum er »stuðulin til politiska upplýsing« ístaðin brúktur til at fíggja val­ stríðið hjá politisku flokkunum. Javnaðarflokkurin átti Sosialin í næstan 80 ár. Men í 2006 varð blaðið selt. Søluprísurin var 10 milliónir krónur. Í 1993 brúkti Javnaðarflokkurin eina millión krónur til at umleggja partafeløgini handan Sosialin, og hesa íløgu fekk Javnaðarflokkurin tíggjufalt aftur í 2006, tá blaðið varð selt. Ein slík søla er skattafrí, og tí fekk flokkurin 10 milliónir krónur skattafrítt burtur úr søluni. Hinir flokkarnir fingu ikki eina krónu burtur úr bløðunum. Tvørturímóti stóðu fleiri av flokkunum eftir við skuld, eftir at bløðini vórðu steðgað. Javnaðarflokkurin hevur gjørt íløgu í eini hús. Flokkurin eigur ein bygning í miðbýnum í Havn, har sum Hjalmar Jacobsens bókahandil helt til í fleiri mannaminni. Fólkaflokkurin eigur eisini hús. Tað eru gomlu húsini hjá Tórði Dalsgaard í Jónas Broncksgøtu í Havn. Eginogning hjá flokkunum er hendan: Javnaðarflokkurin: 7.113.000 kr Fólkaflokkurin: 845.000 kr Sambandsflokkurin: 195.000 kr Sjálvstýrisflokkurin: 145.000 kr Tjóðveldi: 121.000 kr Miðflokkurin: -89.000 kr Framsókn: -690.000 kr Talan er sum sagt um tøl sambært roknskapunum fyri 2012. Nýggjasti roknskapurin fyri 2013 kann broyta tølini, men neyvan so nógv, at tað broytir lutfallið millum flokkarnar. Spurningurin er so, hvussu stóran leiklut pengarnir spæla í einum valstríði. Her eru avbjóðingarnar hjá flokkunum í øllum førum ymiskar. Skuldu vit kortini gjørt upp virði á andstøðu og samgongu, so er andstøðan munandi meira verd enn samgongan. Tí meðan samgongan tilsaman er verd 951.000 krónur, so er andstøðan verd 6.689.000 krónur – ella við ørðum orðum, so er andstøðan sjey ferðir so nógv verd sum samgongan, um hugt verður eftir bókaða eginpeninginum hjá politisku flokkunum í Føroyum. Javanaðarflokkurin er nógv ríkastur – Framsókn er fátækastur Roknskapur Sambært roknskapunum hjá politisku flokkunum í Føroyum, so er Javnaðarflokkurin 13,5 ferðir so nógv verdur, sum allir hinir flokkarnir tilsamans Framsókn verður skuldarfrítt í ár – Tað kostar at stovna ein nýggja flokk. Boðskapurin skal út, og tað kostar, sigur Poul Michelsen, formaður í Framsókn