mánadagur 26. mai 2014síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 26. mai 2014 · Nr. 59 ítróttur Fingu besta úrslit nakrantíð Hulda hjá Havnar Fimleikafelag gjørdist um vikuskiftið nr. 21 út av 29 í HM-kappingini í Moskva, Russlandi. Hetta er besta HM-úrslit hjá føroyskum estetiskum fimleikaliði nakrantíð Pætur Albinus Mikudagin í síðstu viku settu tvey estetisk fimleikalið hjá Havnar Fimleikafelag kósina ímóti russiska høvuðs­stað­ num, Moskva, har tey skuldu umboða Føroyar í heims­ meistarakappinging í estet­ iskum fimleiki. Kvinnu­liðið Hulda og unglingaliðið Alda høvdu vunnið sær atgongd til HM-kappingina umvegis FM-gull, sum tey bæði liðini høvdu tryggjað sær fyrr í hesum mánaðinum. Hetta var fyrstu ferð, at ung­lingalið eisini luttóku. Kapp­ingin var skip­að soleiðis, at kvinnur og ung­ ling­ar framførdu annað­ hvørt. Við í kappingini hjá kvinn­um vóru 28 lið og hjá ung­lingum vóru 24 lið – í alt lið úr 18 ymiskum londum. Tveir føroyskir dómarar vóru eisini við í HM- kapp­ing­ini. Tær vóru Beinta Danielsen og Elna Johannesen. Spentar Leygardagin var fyrsti kapp­ ingardagurin, har føroysku liðini skuldu luttaka. Jónvá Ellingsgaard, sum er roynd sum bæði venjari og fim­leik­ ari, og sum var við Huldu hesa­ferð, var spent undan kapp­ingarbyrjan. – Liðini bæði hava stað­ið seg sera væl í heima­kapp­ing­ ini og eru tí sera spentar at vita hvussu langt tað røkkur hesaferð. Unglingalið úr Føroyum hava ikki luttikið til heimsmeistarakappingina í fleiri ár og tí er hetta ein sera spennandi kapping, ið kann geva eina nýggja ábending um, hvar støðið liggur nú í mun til fyri nøkrum árum síðani, segði hon. Søguligt úrslit Fyrst av føroysku liðunum á gólvinum leygardagin var Hulda, kvinnuliðið. Teimum gekst væl og á stigatalvuni stóð 12,950. Hetta rakk til eitt 21. pláss út av teimum 29 luttakandi, og er tað besta úrslitið, sum eitt føroyskt lið nakrantíð hevur fingið í HM. – Framførslan gekk ordi­ liga væl. Tær hava ongantíð fram­ført so væl fyrr, so vit, eg og Jóna, sum er hjálpar­ venj­ari, eru sera væl nøgdar. Og somuleiðis er hetta besta úrslit nakrantíð til HM. Vit eru sera stutt frá mið­bólk­ inum, sum eisini var okkara mál. So jú, vit eru sera væl nøgdar í dag, segði Eyð Strøm, venjari, stutt eftir fram­førsluna. Russiska liðið Madonna vann kappingina hjá kvinn­ um. Royndu seg Næstar á gólvinum, og beint aftaná tær eldru úr sama felagi og landi, var ung­linga­ liðið Hulda. Hetta var fyrstu ferð, at eitt føroyskt ung­ lingalið luttók í HM, og tað spældi bara rættiliga væl av. Við 12,850 stigum gjørdust tær nummar 20 út av 24 londum. – Framførslan gekk nøkun­lunda, men har vóru nógv smá kiks. Tær endaðu sum nummar 20 av 24, beint eftir besta liðið hjá Danmark. Hóast tær vunnu greitt í Føroy­um, so skal meira arbeiði til yngru liðini, siga teir før­oysku dómararnir, um vit skulu gera okkum vónir um at koma við har sum tað er stuttligt at vera, segði Eyð Strøm eftir framførsluna. Russiska liðið Victoria vann kappingina hjá ung­ ling­um. Gott val Jónvá Ellingsgaard metir, at tað var eitt gott val at senda føroyskt unglingalið til HM- kappingina. – Fyri okkum haldi eg at tað er eitt gott val, tí tað gevur unglingunum nakað størri at arbeiða fram ímóti og kann hjálpa teimum við at taka seg enn meiri fram. Kvinnurnar hava verið við hvørt ár í fleiri ár nú og kunnu allatíð miðja eftir at koma eitt ella fleiri pláss longri fram fyri hvørja ferð, tí tær kenna støðið, men um vit í framtíðini ynskja at blíva enn betri, er tað um­ ráð­andi at hækka støðið hjá teimum yngru enn meiri soleiðis at vit kunnu røkka betri og betri plássum, sigur Jónvá Ellingsgaard og heldur fram: – Tað er eisini ofta í ung­ lingaaldrinum, at vit síggja at íðkarar fella frá og velja onnur ítriv fram um, so um HM-luttøkan kann økja um áhugan at halda áfram at íðka fimleik og fáa fleiri ung­ linga- og kvinnulið, so er tað heilt greitt nakað gott við hesi luttøkuni, metir hon. Troyttar Jónvá er væl nøgd við kapp­ ingarárið hjá fimleikar­unum, sum nú er at enda komið, og nú metir hon ætr allar vera troyttar. – Ein langur vetur við nógv­ari venjing er nú komin at enda og fimleikararnir eru nú sera troyttar og treingja til eina góða summarferiu. Haldi tó, at allar eru sera væl nøgdar við úrslitini og hava notið hetta fimleikaárið og túrin í Moskva. Fimleikurin byrjar aftur seint í summar og tá ætla vit at dýkja á aftur við venjing, tí nú hava vit enn meiri at meta okkum eftir, so vit kunnu royna at økja um støðið, sigur Jónvá Ellingsgaard. Føroyska ferðalagið, ið taldi 29, verður aftur í Føroy­ um í dag. albinus@sosialurin.fo Estetiskur fimleikur Fimleikarar í HM: Føroysku liðini: Unglingaliðið Alda: Jonna Hansen, Barbara Ellendersen, Marita Káradóttir Petersen, Ronja Hentze Hardlei, Sára á Lakjuni, Jórun Sofía Árnadóttir, Turið Kruse Johannesen og Anja Petersen Venjari er Eyð Strøm Kvinnuliðið Hulda: Anna Helena Ejdesgaard, Elsa Anna Mohr, Barbara Debess Eiriksfoss, Ásvør Lognberg, Svanna Poulsen, Jóhanna Sofía Nolsøe, Súsanna Katrina Nolsøe, Bjarta Jansdóttir, Katrin Wardum og Jónvá Ellingsgaard Venjarar eru Eyð Strøm og Jóna Hvannastein