mánadagur 26. mai 2014síða 19

19 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 26. mai 2014 · Nr. 59 ítróttur Jóannes Hansen Tað gekk, sum tað plagar. Hóast HB altíð er við í kappingini um FM, og hóast KÍ nógvu tey seinnu árini hevur ligið tungt í sjónum, so hevur klassikarin í Klaksvík millum javnaldrarnar altíð verið intensur og spennandi. Úrslitið plagar at koppa HB til fyrimunar, og soleiðis var tað eisini í dag. HB vann 2-1, og týdningar­ miklastu lyklaspælararnir hjá HB vóru størstu orsøk­ir­ nar til, at tað tørnaði soleiðis út, sum tað gjørdi. Eftir horna og eitt sindur av aftur og fram setti Rodrigo úr stuttari fjarstøðu hol á fyri heimaliðið. Tá var ein hálvur tími farin, og løtuna fram ímóti steðginum hevði KÍ møguleikar at økja um leiðsluna. At tað ikki eydnaðist komst fyrst og fremst av, at Teitur Matras Gestsson í HB málinum enn eina ferð stórbjargaði í lyklastøðum. Í øðrum førinum var tað, tá ið Ndende, sum hesa ferð var miðverji, við høvdinum stýrdi bóltin ímóti málinum eftir hornaspark. Í seinna førinum var tað, tá ið Teitur M. Gestsson vann tvídystin við Páll A. Klettskarð, sum var liðformaður hjá KÍ, nú Hjalgrím Elttør var skaddur. Páll varð spældur púra blankur mitt fyri og stutt frammanfyri miðstrikuna. Hann hevði allar møguleikar at skora, og hann hevði góða tíð. Men Teitur M. Gestsson stórbjargaði við fótinum. Hvussu tað hevði tørnað út, um KÍ í hesum førinum hevði økt um leiðsluna, er spurningur, sum ongantíð verður svaraður. HB broytti uppstilling stutt eftir steðgin, og tá var spælið væl betri, enn tað hevði verið. Levi Hanssen varð settur inn á verjukenda mið­vallar­plássið, og so vóru Heini Vatnsdal og Fróði Benjaminsen frammanfyri hann. Í 1. hálvleiki vóru teir báðir aftanfyri og Christian R. Mouritsen frammanfyri. Í skiftingini varð Christian fluttur í høgru, Kristin varð fluttur úr høgru og í vinstru, og Símun Samuelsen, sum var millum teir fyrstu ellivu fyri fyrstu ferð í ár, tí Andrew av Fløtum var skaddur, fór av vøllinum. Í framrættaða partinum var stóri munurin – sum so mangan fyrr – Fróði Benjam­ insen. Hann skoraði bæði HB málini í støðum, sum sjáldan bera mál við sær. Í fyrra førinum sendi hann bóltin í málið næstan av baklinjuni í høgru og dygst inn við nærra stólpanum og upp í nettakið, og í seinna førinum var tað við framúr fluktara av brots­ teigarmarkinum, eftir at KÍ verjan hevði roynt at stúta bóltin út frá. KÍ miðvøllurin var mann­ aður av nýggjur, og Eyðun Klakstein segði seg vera nøgdan við avrikið hjá sínum monnum: – Hetta gav einki stig, og tað er vónbrot. Vit vóru mannaðir við fimm monn­ um, sum ikki plaga at vera mill­um teir fyrstu ellivu. Teir vístu fínan hugburð, og vit spældu okkum til møgu­leik­ ar­nar, sum áttu at borið stig við sær. Tíverri eydnaðist tað ikki, men hetta gevur mót eftir skommina á Toftum, segði KÍ venjarin. HB venjarin Heðin Askham var fegin um sigurin, og hann gav Fróða Benjamin­sen kreditt fyri málini: – Leikliga avrikið í 1. hálv­ leiki var ikki gott, tí vit vóru ov slappir. Eftir steðgin var tað væl betri, og málini hjá Fróða vóru framúr góð. Eg haldi, at tað var óheppið, at vit ikki vóru frammanfyri meiri enn 2-1, tá ið dómarin bríklsaði fyri síðstu ferð, heldur HB venjarin Heðin Askham. joannes@sosialurin.fo Fantastiski Fróði ber favorittarnar fram (1-0) 1-2 1-0: Rodrigo Silva 29. 1-1: Fróði Benjaminsen 50. 1-2: Fróði Benjaminsen 74. Dómari: Lars Müller fótbóltur Fróði er sum víni, gerst betri og betri við árunum. Fantastiskur Besta SMS Fótbóltssendingin Triði hálvleikur á Rás2 KÍ Meinhardt Joensen – Jóhan Jacobsen, Ndende Adama Guéye, Sørmundur Kalsø, Heðin á Lakjuni – Ivan Joensen, Ísak Simonsen ■, Heðin Klakstein (Gunnar Christiansen, 87.) – Álvur F. Christiansen (Rudolf Eliasen, 90.), Páll A. Klettskarð, Rodrigo Silva HB Teitur Matras Gestsson – Jógvan Rói Davidsen, Jóhan Troest Davidsen, Rógvi S. Holm, Pál Mohr Joensen ■ – Fróði Benjaminsen, Heini Vatnsdal – Kristin R. Mouritsen (Poul Ingason, 90.), Christian R. Mouritsen, Símun Samuelsen (Levi Hanssen, 55.) – René S. Joensen ■ Kristian Joensen: KÍ fjeppari HB megnadi uppiborið at knógva einum eykaliði hja KÍ. Ndende var fantastiskur, men HB hevur Fróða Benjaminsen. So leingið toftamaðurin verður í HB, so verða teir meistarar. Stuttligt at síggja at KÍ leikarnir bardust sum menn. Nu verður Norðoyastevna, eg ottist. men koyr á KÍ Koyr á KÍ Allan Enghamar: HB fjeppari 3 stig móti einum væl kempandi KÍ-liði! Fantastiskt! Tað er bara ein Captain Fantastic í heiminum Koyr á HB Óroynda KÍ kendi ikki sína vitjunar­ tíð, og so syrgdu Teitur og Fróði fyri, at HB aftur vann í Klaksvík Myndir: Álvur Haraldsen